ЦКГ: За зимско одржување на патиштата државните институции склучиле договори од 8 милиони евра

Осум милиони евра ќе не чини одржувањето на патиштата во зимската сезона за 21/22 година, покажува истражувањето на Центарот за граѓански комуникации.

Државните институции досега склучиле 69 договори со приватни фирми за механизација, работници како и набавка на сол и ризла.

Како и секоја година и оваа, најмногу пари потрошило Јавното претпријатие за одржување и заштита на магистралните и регионални патишта, односно Македонија пат во висина од 5,2 милиони евра или 65% од вредноста на вкупните договори.

Герман Филков за Канал 5 вели дека сумата која ја дава Македонија пат е повисока за над 2 милиони евра за разлика од лани, а најголемиот дел од „колачот“ скоро секоја година го делат пет компании.

„Отприлика се истите фирми со години меѓу 4 5 коишто најмногу имаат договори за зимско одржување. / Она што годинава е особен проблем е ниската конкуренција кај овие тендери, просечно имаме понудувачи 1,7 по тендер или на 55% од тендерите имаме само по една понуда, ова е стара болка на македонските јавни набавки и еве се рефрлектира и кај овие тендери. “ истакна Герман Филков, ЦГК.

Директорот Костадин Ацевски, за Канал 5 вели дека се принудени на приватни ангажмани бидејќи постојните возила е стари и истрошени.

Освен Макеоднија Пат, за одржување на патишта во зимска сезона високо котираат и Град Скопје со 1,4 милиони евра, па Прилеп и Куманово.

Ужасна снимка од израелски заложнички во рацете на Хамас: За да не останат бремени (ВИДЕО)

Семејствата на израелските заложници кои ги држи Хамас објавија шокантно видео на кое е прикажана бруталноста на палестинските терористи кон девојките кои ги држеле како нивни заробеници.

„Ова е реалноста што ја трпат“, се вели во описот на видеото, на кое се гледа како на пет девојки им се заканува оружје од Хамас.

Како што пренесува Jerusalem Post, видеото ја прикажува ситуацијата снимена на 7 октомври 2023 година, при апсењето во воената база Нахал Оз на југот на Израел.

Сите видеа се многу шокантни, а две девојки имаат крв на лицето и облеката.

„Нашите браќа беа убиени поради вас, ние ќе ве убиеме“, наводно им рекле терористите на заробените девојки.

„Тоа се девојки кои можат да забременат“, вели вториот терорист, а потоа, држејќи ги под пиштол, ги внесува во џипот.

Ова видео наводно било снимено од камери што ги носеле терористите во текот на денот кога ја напаѓале границата со Газа.

За наводното силување на заробените девојки зборуваше и таткото на трагично почината Шани Лук, кој рече дека „многу млади жени биле оставени бремени, бидејќи биле силувани“.

„На 7 октомври дојдоа терористите со камери на телото и снимаа сѐ, тоа го пренесуваа во живо. Да, силуваа многу жени, многу девојки, 12 годишни, 5 годишни, трудници... Лудост. - изјави Нисим Лук по објавата дека е пронајдено телото на неговата ќерка.

Да потсетиме, Шани Лук беше киднапирана од Хамас на 7 октомври за време на инвазијата на Израел, а нејзиното тело беше пронајдено на 17 мај, пренесува Тајмс оф Израел.

Најмалку 11 работници загинаа во експлозија во фабрика за шеќер во Танзанија

Во несреќа во фабрика за шеќер во Танзанија денеска загинаа 11 лица, меѓу кои тројца странски државјани, а две лица се повредени, соопшти полицијата.

Инцидентот се случил пред зори додека техничарите во приватната фабрика за шеќер Мтибва во источна Танзанија се подготвувале да го рестартираат производството по пауза, изјави за Ројтерс Алекс Мкама, полициски командант за регионот Морогоро.

Тој не соопштил детали, но локалните медиуми јавија дека до несреќата дошло откако експлодирала цевка за пареа.

Мкама рече дека полицијата пронашла тела на 11 мажи, а две повредени лица се згрижени во болница во административната престолнина Додома.

Тој додаде дека меѓу жртвите има државјани на Кенија, Индија и Бразил.

Мкама истакна дека се очекува тим од експерти да ги истражи причините за несреќата и да соопшти детали за несреќата.

Шеќераната Мтибва е една од најважните мелници за шеќер во источноафриканската нација, која произведува просечно 70.000 метрички тони шеќер годишно, според владините бројки.

Танзанија произведе повеќе од 460.000 тони шеќер во текот на 2022-2023 година во услови на зголемена побарувачка за домашна и индустриска употреба.

„Шарли Ебдо“ со карикатура ја исмеаја смртта на иранскиот претседател

Францускиот сатиричен магазин „Шарли Ебдо“ вчера на насловната страница на своето издание ја исмеа смртта на иранскиот претседател Ебрахим Раиси.

„Господ постои. Нè спасува мула“, пишува на натписот на карикатураат. Може да се види показалец како притиска на хеликоптер од кој ѕирка телото на една личност.

Да потсетиме, Раиси загина во неделата во хеликоптерска несреќа во планинска област во близина на границата со Азербејџан. Остатоците од хеликоптерот во кој се урна Раиси и министерот за надворешни работи Хосеин Амир-Абдолахиан беа пронајдени следниот ден по бурна потрага.

Некои Иранци ја прославија смртта на претседателот кој беше познат по своите тврдокорни ставови. Една година по доаѓањето на власт, тој нареди построго спроведување на иранскиот закон за хиџаб, кој го ограничува облекувањето и однесувањето на жените. За неколку недели, младата Иранска Курдка, Махса Амини, почина во притвор откако беше уапсена од полицијата за морал за наводно прекршување на тој закон.

Како млад обвинител во Техеран, Раиси седеше на панел кој ја надгледуваше егзекуцијата на стотици политички затвореници во главниот град во 1988 година, додека осумгодишната војна на Иран со Ирак се приближуваше кон крајот, велат групите за човекови права.

Инквизиции познати како „комисии на смртта“ составени од верски судии, обвинители и разузнавачи на министерството беа формирани низ Иран за да одлучуваат за судбината на илјадници затвореници во произволни судења кои траат само неколку минути, се вели во извештајот на Амнести интернешенел.

притисни ентер