Во својата неуморна потрагата таткото станал и таксист, се со надеж дека еден ден ќерката ќе ја вози како патник, пишува „БиБиСи“.
Џифенг стапила во контакт со родителите оваа година откако наишла на онлајн објава за него. Кога се нашле, целиот во солзи и рекол: „Тато те сака“.
Оваа неверојатна приказна трогна многумина во Кина.
Никогаш не изгубиле надеж
Ванг и Лиу биле продавачи на овошје и ја продавале својата роба на штанд покрај улица во југозападниот град Ченгду. Еден ден кога имало посебно многу голема гужва, Ванг немал ситно, па накратко заминал до соседниот штанд да ги раситни парите за муштериите. Кога се вратил некоја минута подоцна, ќерка му исчезнала, јавуваат кинеските медиуми.
Ванг и неговата сопруга поминале година во потрага за неа по градот и околината, објавувале огласи во новините и испраќале онлајн апели. Парот, кој има уште една ќерка и син, никогаш не го напуштиле Ченгду, во надеж дека Џифенг еден ден ќе го пронајде својот пат до нив.
Очајниот татко во 2015, дури се одлучил да ја прошири потрагата на тој начин што станал таксист. На задниот прозорец од автомобилот ставил голем знак дека бара информации, а делел и картички со информации за Џифенг на секој патник кој го превезувал. Бидејќи родителите немале фотографија од исчезнатото девојче, ја користеле сликата на нејзината сестра, бидејќи биле слични.
Неговата уникатна метода го привлекла вниманието на кинеските медиуми.
„Еден ден можеби токму мојата ќерка ќе биде личноста која ќе седне во мојот автомобил“ – изјавил тој.
Сама се препознала на скицата
Во текот на годините кинеската полиција идентификувала неколку жени кои би можеле да бидат Џифенг, но ДНК тестирањата секој пат покажувале дека не станува збор за неговата ќерка. Но кој крајот на минатата година дошло до нов момент, кога полицискиот експерт за скици прочитал за Ванг и се одлучил да направи цртеж за тоа како би можела да изгледа Џифенг како возрасна жена. Цртежот потоа бил проследен преку интернет.
Илјадници километри подалеку, на другата страна на државата, жена по името Канг Јинг го здогледата цртежот и се шокирала колку многу личи на неа.
Таа била посвоена, а била израсната од ново семејство во град оддалечен само 20 километри, јавуваат кинеските медиуми. Семејството кое ја посвоило изјавило дека таа била пронајдена на улица во Ченгду, како мало дете.
Го контактирала Ванг кон почетокот на оваа година, и открила дека дели невообичаени карактеристики со него, како малата лузна на челото и склоноста да и биде лошо секогаш кога плаче. Брзо закажале ДНК тестирање и овој пат резултатите биле позитивни – Ванг конечно го пронашол своето одамна изгубено дете.