Тенис

Чичкото на Рафаел Надал со несоодветна изјава: Желба ми е да се повреди Ѓоковиќ

Непримерна изјава даде Тони Надал, чичкото на познатиот тенисер Рафаел.

Тој во изјавата за „Ла Секста“ посака Новак Ѓоковиќ да се повреди пред почетокот на Олимписките игри во Париз, пренесе Б92.

- Се надевам и дека во август ќе донесе медал од Олимписките игри. Јас сум голем оптимист. А, за да успее, моја желба е Ѓоковиќ да се повреди, како и уште пет-шест други, за да победи Рафа - нагласувајќи дека тоа е шега.

На легендарниот Шпанец многу му се важни и Олимписките игри, кој успеа да триумфира во споменатото натпреварување во 2008 година во Пекинг.

- Рафаел ми кажа дека Игрите во Пекинг во 2008 година биле најдоброто искуство во неговата кариера и дека таму го освоил златото благодарение на поддршката од другите шпански спортисти и атмосферата што владеела таму. Тој дојде во Пекинг во не најдобра форма, но благодарение на Пау Гасол и поддршката од другите спортисти успеа да триумфира. Нема ништо подобро од тоа да ја претставуваш својата земја – изјави Тони Надал.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Латвија откри тунел под границата со Белорусија, користен од мигранти

Латвија денес објави дека открила тунел под границата со Белорусија и најави планови за сузбивање на мрежите за кои тврди дека им помагаат на сè поголем број мигранти илегално да ја преминат границата.

Минатиот месец, летонски војници употребија солзавец и испукаа предупредувачки истрели за да ги запрат мигрантите кои се обидуваа да влезат во земјата од Белорусија, која дели граница долга 173 километри со Латвија, земја-членка на Европската унија.

„Заштитата на источната граница на Латвија ќе се засили, граничната контрола, полицијата, вооружените сили и безбедносните служби ќе соработуваат поинтензивно, а беспилотните летала ќе се користат почесто за рано откривање и задржување на илегалните мигранти“, изјави министерот за внатрешни работи Јанис Домбрава на заедничката прес-конференција со премиерот Андрис Кулбергс.

Во последните недели, европските земји изразија загриженост поради илегалната миграција, откако десетици илјади луѓе преминаа од Мароко во шпанската енклава Сеута, иако оттогаш повеќето од нив ја напуштија шпанската територија.

Кулбергс изјави дека криминални групи им помагаат на мигрантите да влезат во Латвија – а со тоа и во Шенген-зоната без внатрешни граници – од Белорусија, но дека нивните крајни дестинации се наоѓаат на други места на континентот.

„Тие мигрираат таму каде што е полесно (да се влезе во ЕУ). Затоа, ние не смееме да бидеме најлесното место (за влез)“, рече Кулбергс на прес-конференција.

Тој вети дека ќе преземе строги мерки против мрежите што ги превезуваат мигрантите од границата до нивните дестинации и дека ќе ги идентификува сите локации што ги користат мигрантите во рамките на Латвија. „Ако сè оди според планот, уверени сме дека ќе му зададеме доволно силен удар на системот“, рече Кулбергс. „Сакам да им порачам на организаторите: на сето ова ќе му дојде крај.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Манасиевски: Кога немаат идеи и резултати, во СДС произведуваат конфликти за да останат во центарот на вниманието

Кога немаат идеи и резултати, во СДС произведуваат конфликти за да останат во центарот на вниманието.

Суштината на политиката што ја гледаме од раководството на талогот Венко Филипче е Македонија да зборува за инциденти, расправии и поделби. Затоа што тие се навикнати на таков начин на водење на држава, па сега мислат дека такa повторно ќе дојдат на власт.

Таа политика излезе на виделина кога пратија осудени насилници да направат инцидент во Ново Село токму кога и претседателот Мицкоски беше таму.

Ефтимов и Стојанов, децата на Заев, осудени насилници без проблеми се ставија на располагање на Филипче и без никакво размислување отидоа да направат инцидент.

Но граѓаните ги прочитаа. Граѓаните знаат дека од овој СДС освен создавање на хаос и инциденти, проблеми и манипулации, друго и не може да се очекува.

Валентин Манасиевски, портпарол на ВМРО-ДПМНЕ

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Регионалниот стационар во Кавадарци функционира во полн капацитет

Регионалниот стационар во Кавадарци функционира во полн капацитет и секојдневно ги исполнува своите задачи, информира градоначалникот Митко Јанчев.

[🏥]

Уреден простор, добри услови и тим кој посветено си ја врши својата работа. [❤️]

Кога работите функционираат како што треба – тоа едноставно се гледа, стои во објавата на Јанчев.

Тагови: Митко Јанчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.