Челзи дематира дека клубот е на продажба

Фудбалскиот клуб Челзи ги демантираше информациите објавени во весникот „Сандеј тајмс“, дека рускиот милијардер Роман Абрамович планира да го продаде лондонскиот клуб.

Британскиот весник објави дека раководството на клубот, кое го води во име на Абрамович, веќе ангажирало советници, кои ќе направат проценка и подготовка за продажба.

Според весникот Абрамович наводно ја одбил понудата на американската компанија „Силвер лејк партнерс“, која сакала да купи малцински удел во клубот.

Пред два месеца, исто така, се појави вест дека најбогатиот човек во Бртитанија, сер Џим Ретклиф, се обидел да го купи Челзи за две милијарди фунти, но дека и неговата понуда била одбиена.

Претходно, клубот објави дека плановите за реновирање на стадионот „Стенфорд бриџ“ се одложени на неопределен рок, што во јавноста беше протолкувано како подготовка за евентуална продажба.

Меѓутоа, извори блиски до Абрамович тврдат дека тој воопшто не планира да го продава клубот.

Рускиот милијардер го купи Челзи во 2003 година.

ОЦХА: Отстранувањето на експлозивните направи во Појасот Газа ќе трае 14 години

Канцеларијата на Обединетите нации за координација на хуманитарни прашања (ОЦХА) соопшти дека отстранувањето на бомбите и другите видови неексплодирани смртоносни средства во Појасот Газа може да потрае 14 години.

Според процените на ОН, за време на војната во Појасот Газа настанати се 37,5 милиони тони урнатини, а поголемиот дел од нив е покриен со бомби и други видови муниција кои не експлодирале.

ОЦХА соопшти дека околу два милиони луѓе или половина од населението на Појасот Газа, нашле засолниште во Рафа, но немаат пристапат до основните потреби како што се здравствена заштита, чиста вода и санитарни објекти. /МИА

Македонија

МП: Дозволена е екстрадицијата на Љупчо Палевски, првоосомничен за убиството на Вања и Панче

Министерството за правда информира дека е добиено официјално известување дека екстрадицијата на Љупчо Палевски е дозволена.

Турските власти уште во февруари му ветиле на министерот за правда Кренар Лога дека во брзо време во земјава ќе биде екстрадиран Љупчо Палевски Палчо, но иако му бил посочен и рок, тој не сакаше да сподели кога ќе се случи тоа бидејќи се уште траат административните процедури.

Инаку, веќе е завршена судската процедура за Палевски, кој е првоосомничен за убиствата на Вања Ѓорчевска и Панче Жежовски.

Додека се чека на екстрадицијата на Палевски, од притвор излезе таткото на Вања, Александар Ѓорчевски, на кого Врховен му ја прифати жалбата, а осомничените за соучесништво Велибор Манев, Влатко Кешишов и Боре Видевски остануваат во притвор.

По три месеци поминати во притвор возачот Стефан Димковкси кој го превезуваше Палевски низ Србија Бугарија и Турција, беше пуштен да се брани од слобода и му беа определени мерки на претпазливост.

Свет

Зеленски: Украина ќе влезе во НАТО по победата во војната со Русија

Претседателот на Украина, Володимир Зеленски е убеден дека Украина ќе се приклучи во НАТО по победата во војната со Русија.

Зеленски го изјави ова за време на состанокот со офицери кои минуваат курсеви за професионално воено образование според стандардите на НАТО, со учество на генералниот секретар на Алијансата, Јенс Столтенберг.

„Според мое лично мислење, ние ќе бидеме во НАТО дури кога ќе победиме“, нагласи Зеленски. /МИА