Свет

Цените на нафтата се задржаа на над 78 долари за барел

Цените на нафтата денеска се стабилизираа над нивото од 78 долари на меѓународните берзи, поддржани од загриженоста за снабдување по прекинот на извозот од ирачки Курдистан.

На лондонската берза цената на барелот по пладне беше повисока за 32 центи од вчерашното затворање и изнесуваше 78,44 долари. Вчера ја затворија трговијата со добивка од 3,13 долари.

На американскиот пазар барелот денеска се тргуваше по повисока цена за 26 центи, од 73,07 долари. Вчера ја затворија трговијата во плус од 3,55 долари.

Вчера на берзите преовладуваше загриженост за понудата поради прекинот на извозот од ирачки Курдистан, што се совпадна со заклучокот на инвеститорите дека интервенциите на регулаторите во САД и Швајцарија ја отстранија заканата од банкарска криза и ризикот за економскиот раст и побарувачката за нафта.

Извозот на околу 450.000 барели дневно од ирачки Курдистан преку Турција е запрен откако арбитражниот суд потврди дека извозниците мора прво да добијат дозвола од Багдад.

Суспендирањето на извозот до крајот на годината би значело за Barclays до три долари повисока цена на нафтата оваа година во споредба со сегашната прогноза од 92 долари, соопшти британската банка.

Цените на нафтата се поддржани и од индикациите за закрепнување на побарувачката во Кина. Увозот на сурова нафта во Кина се очекува да се зголеми за 6,2 отсто оваа година на 540 милиони тони, според проценката на одделот за истражување на China National Petroleum објавена вчера.

Рускиот вицепремиер Александар Новак изјави денеска дека Русија мора да се фокусира на зголемување на извозот на енергија во „пријателските“ земји кои не воведоа санкции против неа, истакнувајќи дека испораките на нафта во Индија биле 22 пати повисоки минатата година отколку во 2021 година.

Организацијата на земјите извознички на нафта (ОПЕК) одделно објави дека вчера цената на барел од нафтената кошничка на нејзините членки се зголемила за 39 центи, на 75,01 долар.

Свет

Украина собори 43 руски дронови во девет нејзини региони, соопшти военото воздухопловство

Украинската воздушна одбрана собори 43 од вкупно 61 дрон лансирани од Русија за време на синоќешните напади насочени кон девет региони на Украина, соопшти украинското воздухопловство.

Воздухопловните сили известија дека 15 беспилотни летала се „изгубени“. Властите засега не пријавиле значителна штета или жртви.

Македонија

Притвор за скопјанец поради недозволено држење оружје

Јавен обвинител од Основното јавно обвинителство Скопје донесе Наредба за спроведување истражна постапка против 47-годишен скопјанец за кривично дело – Неовластено изработување, држење, посредување и тргување со оружје и експлозивни материи.

Јавен обвинител од Основното јавно обвинителство Скопје донесе Наредба за спроведување истражна постапка против 47-годишен скопјанец за кривично дело – Неовластено изработување, држење, посредување и тргување со оружје и експлозивни материи според член 396 став 3 од Кривичниот законик.

На 18 јануари полициски службеници извршиле претрес во дом и други простории на лицето, на улица “Македонско-косовска ударна бригада” во Скопје, при што пронашле една пушка марка “Црвена застава”, една ловна пушка, муниција – куршуми и патрони, како и делови и компоненти од огнено оружје.

Ценејќи дека лицето нема да може да биде обезбедено во текот на постапката со друга поблага мерка, јавниот обвинител до судијата на претходна постапка од Основниот кривичен суд Скопје достави предлог за определување мерка притвор, соопштуваат од Обвинителството.

Македонија

Дејан Чиплаковски по трет пат го фаќа Чесниот Крст во Берово

Дејан Чиплаковски од Берово е среќниот фаќач на Чесниот Крст од водите на река Брегалница во Берово по повод празникот Богојавление Водици.

Чиплаковски повеќе пати учествува на оваа традиција, а досега трипати го има извадено крстот од реката Брегалница во Берово.

-По трет пат го фаќам крстот. Бог се јави и за многу години празникот Водици. Здравје среќа на сите, истакна Чиплаковски.

Честитки до среќниот фаќач на крстот упати и градоначалникот на општината Звонко Пекевски кој на Чиплаковски и неговото семејство им посака да ги следи добро здравје и среќа во текот на годината.

Општина Берово среќниот фаќач на крстот го награди со вредносен ваучер од 10.000 денари, Зегин обезбеди 15.000 денари, а Чиплаковски доби подарок телевизор од фирмата Мис Стон.

Претходно по повод Богојавление Водици се одржа црковна литургија./МИА