Цеца за само два месеци од концерти ќе заработи повеќе од 300 000 евра

Балканската музичка ѕвезда Светлана Цеца Ражнатовиќ за два месеца од концерти ќе заработи повеќе 300 000 евра.

Популарната пејачка во јули и август веќе има закажано десет концерти во регионот. Ако се земе во предвид дека просечниот хонорар на Цеца по концерт е од 30000 до 50 000 евра , може да се заклучи дека фолк ѕвездата летово одлично ќе заработи, пренесуваат медиумите.

По долгата апстиненција од концерти поради корона пандемијата Цеца веќе започна со концерти низ регионот на Балканот.

Нејзините фанови се посебно воодушевени од концертот во Љубовија на кој и покрај обилниот дожд нивната миленичка не го прекинала концертот.

Потоа Цеца одржала спектакуларен концерт во Будва, по кој кратко и одморила.

Мегапопуларната пејачка досега веќе одработила три концерти во Србија и Црна Гора, во август има закажано уште седум, меѓу низ се и два концерти во Македонија, и по неколку во Србија и Црна Гора.

Со БМВ блокирала противпожарно возило, па добила лекција (ВИДЕО)

Несовесна жена возач можела да биде среќна поради трпението на пожарникарите.

Видеото објавено на Редит уште еднаш покажува колку краткото застанување на патот е непромислен потег. Вклучувањето на сите четири трепкачи не значи дека сте семоќен, особено на улиците каде што автомобилите се веќе паркирани странично, па паркираниот автомобил им пречи на возилата што се обидуваат да го поминат патот.

Оваа жена возач одлучила да го паркира БМВ -то на патот, веројатно мислејќи дека може да се паркира на неколку минути, бидејќи тоа никому нема да му пречи. Токму тогаш, минувале пожарникари, со вклучени сигнални светла и сирена.

Спротивно на очекувањата, пожарникарите одлучиле да почекаат некое време и да ја повикаат сопственичката со сирена, да го отстрани автомобилот и да им дозволат да поминат непречено. По околу една минута, сопственичката, оди спокојно за да седне во автомобилот. Пожарникарите одлучија да ја почестат со соодветна мелодија. Со оглед на сите работи, таа можела да биде среќна за минималното предупредување.

Патем, во претходните случаи, сопствениците на БМВ кои што биле неправилно паркирани и спречиле пожарникарите да пристапат до хидрантот,останале без стакло.

Полицијата се судри со демонстрантите во Париз на протест против ковид-пропусниците (ВИДЕО)

Илјадници луѓе во Франција протестираа денеска против воведувањето на специјални ковид-пропусници, при што дојде до судири со полицијата.

Демонстрантите маршираа низ Париз, а француската полиција, целосно опремена за немири, турна некои од демонстрантите со тупаници и употреби солзавец против некои од нив, објави АП.

Околу 3.000 припадници на безбедносните сили биле распоредени во француската престолнина за време на третата сабота од протестите.

Полицијата зазеде позиции долж Елисејските полињата за да ја заштити таа авенија од демонстранти.

Четири протести биле одржани во Париз, а маршеви имало и во други градови низ земјата.

Додека учесниците на маршот се движеле кон исток, полицијата истрелала солзавец врз толпата, а облаците чад го исполнија небото.

Во настанатиот хаос беше виден маж демонстрант со крвава глава.

Втората група демонстранти била предводена од лидерот на ултрадесничарската партија Национално собрание, Марин Лепен, додека третата група, која марширала кон Министерството за здравство, ја предводел Флоријан Филипо од партијата Патриот.

Пратениците донеле закон за коронавирусот според кој од 9 август ќе бидат потребни пропусници за движење на повеќето места, бидејќи бројот на заразени лица се зголемува, како и бројот на хоспитализации.

Анкетите покажуваат дека повеќето Французи го поддржувале усвојувањето на законот, но некои Французи се силно против.

За добивање на пропусниците е потребен доказ за вакцинација или брз негативен тест или доказ за неодамнешно закрепнување од „Ковид-19“.

Вакцинацијата на сите здравствени работници е наредено да заврши до средината на септември.

Во Русија горат 267 шумски пожари

Во Русија во моментов горат речиси 270 пожари, изјави денеска претставник на прес -службата на Министерството за вонредни ситуации, додавајќи дека 47 од нив се изгаснати.

"Околу 267 пожари сега беснеат на руска територија, додека 47 се изгаснати. Нема опасност за населбите или комерцијалните објекти", изјавила прес -службата за ТАСС.

Јакутија останува под посебна контрола, додаде министерството, истакнувајќи ги напорите направени за заштита на населбите и економските објекти од пожарите.

притисни ентер