Буфон: Роналдо секогаш ми даваше гол, Меси е исто така уникатен, направи неверојатни работи

На легендарниот италијанскиот голман Џанлуиџи Буфон, најтешко му било на натпреварите кога против него настапувал Роналдо.

- Се подготвувате на одреден начин во зависност од тоа против кого играте. Во раните години од мојата кариера, се сеќавам дека Кристијан Виери често постигнуваше голови против мене бидејќи имаше огромна физичка моќ, ме збунуваше не само мене, туку и дефанзивците. Од модерните играчи ќе го именувам Кристијано Роналдо – тој секогаш ми даваше гол. Неверојатно. Морам да кажам дека гневот со кој правеше одредени потези на натпреварите е нешто што никогаш не сум го видел кај никој друг. Имаше забележлива енергија која произлегуваше од решеноста да се постигне цел по секоја цена. Меси е исто така уникатен, има направено неверојатни работи. Имав доволно среќа да играм со големи шампиони како Зидан. Ги исклучувам Италијанците бидејќи би спомнал премногу. Роналдињо, Бразилецот Роналдо – играв против уникатни шампиони, изјави поранешниот голман на Јувентус за „BSMT“.

Во текот на својата кариера, Буфон бранеше и за Парма и Пари Сен-Жермен.

Во Србија подарок од 5.000 евра за секој купувач на електричен автомобил

Властите во Србија синоќа најавија дека од буџетот ќе бидат издвоени по 5.000 евра за секој кој ќе купи нов електричен автомобил што ќе се произведува во фабриката во Крагуевац.

-Ако автомобилот чини 22 или 23 илјади, имате пет илјади од нас, секој клиент, најави српскиот претседател, Александар Вучиќ.

Како што беше најавено, денеска и официјално ќе биде означена реализација на проектот во фабриката Стелантис во Крагуевац, што се однесува на почеток на производство на електричниот автомобил „Фиат Гранд панда“.

На церемонијата ќе присуствуваат претседателот на Србија, Александар Вучиќ и Карлос Таварес, главен извршен директор на Стелантис.

Нетанјаху ќе се сретне со Бајден

Премиерот на Израел, Бенјамин Нетанјаху во текот на неделата ќе се сретне со претседателот на САД, Џо Бајден во Белата куќа, изјави неименуван американски извор.

Средбата ќе се одржи како што е планирано и покрај повлекувањето на Бајден од претседателската трка, изјави анонимен американски функционер. Сè уште не е утврден точниот датум бидејќи Бајден заздравува од Ковид-19.

Нетанјаху на 24 јули треба да се обрати во Конгресот. Се очекува тој да се сретне и со потпретседателката Камала Харис.

Јанчев: Спроведено второ авионско прскање против комарци

Утринава беше спроведено второто авионско прскање против комарци, објави градоначалникот на Кавадарци, Митко Јанчев. 

Со третирањето беше опфатено течението на реката Луда Мара од с. Марена, целото градско подрачје, с. Ваташа па се до брана Моклиште.

Изведувач на работата е фирмата Бониер од Куманово, напиша Јанчев на социјалните мрежи.

притисни ентер