Будуќност поведе со 2-0 против Цедевита во полуфиналето на АБА лигата - Канал 5

Кошарка

Будуќност поведе со 2-0 против Цедевита во полуфиналето на АБА лигата

Кошаркарите на Будуќност ја остварија и втората победа против загрепска Цедевита во полуфиналето на регионалната кошаркарска АБА лига.

Будуќност поведе со 2-0 против Цедевита во полуфиналето на АБА лигата
Откако вчера црногорската екипа славеше минимално, со еден поен разлика, денеска тимот од Подгорица ја доби и втората полуфинална пресметка со 81:76 .

Најзаслужен за победата на Будуќност беше Савовиќ кој средбата ја заврши со 22 постигнати поени, додека Шеховиќ придодаде 14.

Сега серијата „подобар до три“ се сели во Загреб.

Третиот и евентуално четвртиот меч на програмата се во сабота и недела, а доколку е потребна мајсторка, таа би се играла во Подгорица на 22 април (следната среда).

Вечерва од 21 часот во Белград, ќе се одигра вториот меч меѓу градските ривали Црвена Звезда и Партизан, во кој црвено-белите влегуваат со предност од 1-0 во победи, по вчерашниот триумф со 73:64. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Царинска управа: На Табановце спречен обид за нелегален пренос на девизи - запленети 64 илјади евра

Царински службеници на влез на граничниот премин Табановце спречија обид за нелегален пренос на готовина во износ од 64.250 евра, пронајдени при контрола на автомобил со германски регистарски таблички со кој патувал грчки државјанин. 

Царинска управа: На Табановце спречен обид за нелегален пренос на девизи - запленети 64 илјади евра

Девизите се запленети, а против лицето е поведена прекршочна постапка пред надлежен суд.

Во конкретниот случај, на прашање на царинските службеници дали има нешто да пријави, лицето пријавило 60 илјади евра со образец издаден на влез во Република Србија. Поради сомневање во изјавата, царинските службеници заедно со полициски службеник на Фронтекс извршија детален претрес при што се пронајдени вкупно 124.250 евра. Согласно Законот за девизно работење на лицето му се вратени 60 илјади евра, а останатите се одземени.

Годинава се откриени вкупно 30 случаи на нелегален пренос на девизи, при што запленети се вкупно 820.675 евра, 141.300 британски фунти и 35 илјади австралиски долари.

Тагови: царина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Постигнат е договор за разоружување на Хамас и повлекување на израелските сили од Појасот Газа

Претседателот на САД, Доналд Трамп изјави дека е постигнат договор за целосно разоружување на Хамас и другите милитантни групи во Појасот Газа.

Трамп: Постигнат е договор за разоружување на Хамас и повлекување на израелските сили од Појасот Газа

Договорот е дел од мировниот план во 20 точки што беше претставен минатата година.

Овој договор е клучен чекор кон тоа Газа конечно да биде управувана од нова палестинска влада, која ќе соработува со мировниот комитет за да му помогне на палестинскиот народ, објави Трамп на социјалната мрежа „Трут соушл“.

Тој додаде дека во исто време „Израел ќе ја добие безбедноста што ја заслужува, а Газа повеќе нема да се користи како база за терористички напади.

Тагови: Доналд Трамп Хамас

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Шпанија испраќа војници за да ја зајакне безбедноста, откако илјадници мигранти вчера допливаа од Мароко

Шпанија испраќа војници за да ја зајакне безбедноста во својата северноафриканска енклава Сеута, откако илјадници мигранти вчера допливаа од Мароко.

Видео: Шпанија испраќа војници за да ја зајакне безбедноста, откако илјадници мигранти вчера допливаа од Мароко

Најмалку 15 лица се удавија додека се обидуваа да стигнат до Сеута. Локалните власти апелираа до Мадрид за помош по неодамнешното зголемување на обидите за преминување на мигрантите, но вчера имаше хаотични сцени бидејќи граничните контроли не можеа да ги запрат.

Врховниот суд на Шпанија,овој месец пресуди дека мигрантите запрени на море додека се обидуваат да стигнат до Сеута или Мелиља, друга шпанска енклава, не можат по брза постапка да бидат вратени во Мароко.

Шпанското министерство за внатрешни работи ги обвини мрежите за трговија со луѓе дека го искористуваат тоа за „поттикнување на протокот на мигранти“.

Тагови: Шпанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер