Бриселскиот аеродром одново привремено затворен за сообраќај поради дрон - Канал 5

Свет

Бриселскиот аеродром одново привремено затворен за сообраќај поради дрон

Воздушниот простор над аеродромот „Зевентем“ во Брисел синоќа одново беше затворен за сообраќај околу 40 минути, откако над аеродромскиот комплекс бил забележан дрон. 

Бриселскиот аеродром одново привремено затворен за сообраќај поради дрон

Според белгиската Контрола на воздушниот сообраќај, воздушниот сообраќај на аеродромот бил прекинат околу 21:20 часот, по што е возобновен нешто по 22 часот.

Контролата информира дека предвидените полетувања од аеродромот биле само времено одложени, додека самое еден од авионите кои летале кон „Зевентем“ бил пренасочен кон Амстердам.

Според редот на летање, за синоќа беа предвидени осум полетувања од „Зевентем“ и 20 слетувања.

Аеродромот во Брисел беше времено затворен за сообраќај во два наврати, од 20 до 21 и од 22 до 23:30 часот, и во вторникот вечерта, отако во воздушниот простор над него беа забележани дронови.

Белгиските медиуми јавија дека има информации оти синоќа неколку дронови биле забележани и „во реонот околу и во непосредна близина“ на воздухопловната база „Флорен“ во јужна Белгија. Информацијата за медиумите ја потврдил градоначалникот на градот Флорен, Антонан Колине, според кого, постојат „сериозни сомнежи“ дека биле видени дронови.

Над базата „Флорен“ дронови беа регистрирани и во вторникот вечерта, нешто по 20 часот. Во базата во „Флорен“ времено се сместени првите четири авиони од типот Ф-35, што неодамна и беа доставени на Белгија. Станува збор за првите од 45-те авиони Ф-35 што Белгија ги нарача од САД за обнова на својата застарена флота на ловци од типот Ф-16.

Претходно, во текот на денот дрон бил забележан и над објектот на Белгискиот нуклеарен истражувачки центар (СЦК) во градот Мол во североисточна Белгија, во близина на границата со Холандија. Дронот го забележал случаен минувач, кој за тоа ја известил локалната полиција.

Нешто подоцна дрон бил регистриран како прелетува и над Европското училиште во Мол.

Тагови: дрон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

НУ Народен Театар Битола со две награди на Денови на комедија во Куманово

Со доделувањето на наградите на најдобрите, заврши годинешното 29.издание на Фестивалот „Денови на комедија“ во Куманово, кој оваа година се одржуваше од 23 септември до 5 октомври.

НУ Народен Театар Битола со две награди на Денови на комедија во Куманово

НУ Народен Театар Битола доби две награди и тоа за најдобра режија: Марјан Георгиевски и за најдобра костимографија: Андреј Георгиевски, за претставата „Секстет“.

Со својата изведба екипата на оваа претстава повторно ја воодушеви и ја насмеа до солзи публиката која ја исполни салата до последното столче. „Секстет“, комедијата од Марк Камолети, и овојпат покажа дека добрата комедија не познава граници – се игра, се чувствува и се споделува со публиката.

Во претставата играат: Бернар -Николче Пројчевски, Жаклина-Катерина Аневска Дранговска, Роберт -Александар Димитровски, Сузан-Сандра Грибовска Илиевска, Сузет -Анастасија Чипуровска, Џорџ-Борче Ѓаковски. Сценографијата е на Влатко Чачоровски, музика -Александар Димовски.

Во текот на фестивалските денови, публиката имаше можност да проследи театарски претстави исполнети со хумор, квалитетна актерска игра и препознатлива фестивалска атмосфера преку изведбата на театрите од Македонија и земјите од регионот. Фестивалот беше затворен со претставата надвор од конкуренција, „Не можам да платам, не сакам да платам“ на Театар Куманово, посветена на годинешниот лауреат Игор Џамбазов,

Фестивалот е поддржан од Министерството за култура и туризам и од Општина Куманово.

Честитки за целата екипа, да се множат успеси и убави претстави!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Руски дрон погоди мост на реката Днепар во Запорожје

Пет лица се повредени, а сообраќајот беше привремено запрен по рускиот напад врз мост на реката Днепар во Запорожје.

Руски дрон погоди мост на реката Днепар во Запорожје

Оваа информација на „Телеграм“ ја соопшти Михајло Семикин, вршител на должноста началник на Регионалната воена управа на Запорожје.

Според најновите информации, во нападот се повредени две жени на возраст од 24 и 59 години и тројца мажи на возраст од 36, 43 и 54 години. Двајца од мажите – на возраст од 43 и 54 години – се вработени во Црвениот крст кои биле нападнати додека оделе на работа.

Првичните извештаи укажуваат дека тие биле хоспитализирани со полесни повреди. Сите повредени добиваат медицинска помош.

Семикин потврди дека сообраќајот на мостот е ограничен. „Непријателот нападна еден од мостовите преку реката Днепар во Запорожје.

Поради нападот, сообраќајот на мостот е привремено ограничен“, се наведува во соопштението. Жителите на Запорожје се повикани да ги прилагодат своите планови за патување со оглед на сообраќајните ограничувања и да ги следат официјалните соопштенија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Нов случај „Лотарија“: Две вработени уапсени за проневера од 1,3 милиони евра

Две вработени во Државна лотарија вчера се приведени под сомнение за проневера на околу 80 милиони денари или околу 1,3 милиони евра.

Нов случај „Лотарија“: Две вработени уапсени за проневера од 1,3 милиони евра

Двете вработени неофицијално биле во секторот финансии, а сомнежите се однесуваат на начинот на кој биле евидентирани и движени парите од уплатните места за игри на среќа.

Парите од уплатните места требало да бидат евидентирани и уплатени како дневен промет, но сомнежот е дека дел од средствата фактички ги немало, иако сметководствено состојбите биле затворани.

Се истражува дали со фиктивна документација биле прикажувани исплати и добивки, како и дали пари биле префрлани од една на друга сметка за финансиски да се затвораат обврските.

Дејствијата што се истражуваат започнале од 1 јануари 2024 година. Повеќе информации од обвинителството се очекуваат во текот на денот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер