Брачна двојка од САД починале од корона, откако ги заразила ќерка им со негативен тест - Канал 5

Живот

Брачна двојка од САД починале од корона, откако ги заразила ќерка им со негативен тест

Мајк и Керол Бруно од Чикаго направиле се што можат за да избегнат инфекција со ковид-19. Тие не биле на поголеми традиционални собири и претежно разговарале со семејството преку Интернет или по телефон.

Брачна двојка од САД починале од корона, откако ги заразила ќерка им со негативен тест

Сепак, по внимателно испланирана семејна посета, тие се заразиле со коронавирус и починале.

„Моите родители се венчаа пред скоро шеесет години и сега тие починаа во рок од 10 дена“, изјави нивниот син Џозеф Бруно за Си-Ен-Ен.

„Дури и кога сторивме сè како што треба, сепак се заразивме“, рече тој.

Керол Бруно дошла во станот на нејзиниот син заедно со неговата сестра за да ја ишиша косата. Пред посетата, неговата сестра, која работи во фризерски салон, направила тест за ковид-19 , што бил негативен. Таа исто така била во самоизолација три до четири дена пред да дојде кај родителите, за да се осигури дека семејството не е заразено.

Нејзината мајка, пак, не излегувала од дома за време на пандемијата. За време на таа посета, која траела околу 40 минути, сите носеле маски и не се прегрнувале. Мајката дополнително, како претпазливост, седнала покрај отворен прозорец.

Ден по посетата, сестрата добила симптоми на ковид-19, а Џозеф и неговата мајка наскоро се почувствувале лошо.

Керол Бруно била примена во болницата на Денот на благодарноста, но била отпуштена истата недела кога нејзината состојба започнала да се подобрува, но набрзо се вратила во болницата каде е ставена на апарати за дишење. Потоа се разболел и нејзиниот сопруг, кој завршил во болницата околу две недели по Денот на благодарноста.

Керол починала еден ден откако нејзиниот сопруг бил ставен на апарати за дишење. Мајк починал девет дена подоцна, два дена пред Божиќ.

„Утеха ми е што татко ми не знаеше дека мајка ми починала“, рече Џозеф Бруно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Доцнат плати во државни институции, општини не можат да плаќаат преку Трезорот

Среде скандалот со Алта банка доцни исплатата на плати во повеќе државни институции, меѓу кои и во најголемата енергетска компанија ЕСМ.

СДСМ: Доцнат плати во државни институции, општини не можат да плаќаат преку Трезорот

Вработени реагираат дека вакво нешто се нема случено досега. Вообиечано плата добивале во првите пет дена од месецот.

Според информациите, вработените во ЕСМ добиле и СМС-пораки дека се уште не се знае кога точно ќе биде исплатена октомвриската плата и дека треба да бидат трпеливи.

Дополнитено, од општини пристигнуваат реакции дека преку Трезорот не можат да реализираат плаќања.

Што се случува? Дали Мицкоски и неговата ВМРО ОКГ до толку ја испразнија државната каса што веќе не можат да се сервисираат ниту редовните обврски?

СДСМ со месеци предупредува за катастрофалната состојба со буџетот. Дупката во буџетот е околу 900 милиони евра, јавниот долг неконтролирано расте.

Мицкоски и ВМРО ги доведоа државните финансии во сериозна опасност, со криминалните политики создадоа нов долг од 4 милијарди евра за две години и до крај на година ќе биде и над 60% од БДП.

Затоа е вториот ребаланс, затоа се задолжувањата – затоа нема пари за минимална плата од 600 евра, затоа нема пари за земјоделците, празна е касата, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Автобуска несреќа во Хрватска: Најмалку двајца загинати (ВИДЕО)

Две лица загинаа, а неколку други се повредени во тешка сообраќајна несреќа што се случи утрово околу 7:25 часот на автопатот А3 во правец на Загреб, веднаш по раскрсницата Иваниќ-Град. 

Автобуска несреќа во Хрватска: Најмалку двајца загинати (ВИДЕО)

Автобусот со српски регистарски таблички се преврте, потврди полицијата, објави 24 сата со ВИДЕО од несреќата.

Повредените лица ќе бидат префрлени во болниците во Загреб. Итните служби пристигнаа на местото на несреќата, а ангажиран е и хеликоптер на Итната медицинска помош. На терен се и пожарникари.

Сообраќајот се одвива бавно, по левата лента. Во тек е полициска истрага за утврдување на околностите на несреќата.

„Утрово, на 8 ноември, околу 7:25 часот на автопатот А3, км 61 во правец на Загреб (веднаш по раскрсницата Иваниќ-Град), се преврте автобус со српски национални ознаки, при што загинаа две лица. Неколку лица се повредени и ќе им биде укажана медицинска помош во болниците во областа на Загреб. Сообраќајот е забавен, се одвива по левата лента. Во тек е истрага“, соопшти полицијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утрово најстудено во Скопје со минус 3 степени, во текот на денот променливо облачно време

Денеска времето ќе биде променливо облачно со сончеви периоди и температура до 15 степени, информираат од УХМР.

Утрово најстудено во Скопје со минус 3 степени, во текот на денот променливо облачно време

МИНИМАЛНА ТЕМПЕРАТУРА (во 0С)

-3 Скопје-Петровец, -2 Крива Паланка, Тетово, Велес, Демир Капија, Берово, Маврови Анови, Попова Шапка, -1 Скопје-Зајчев Рид, Битола, Кавадарци, Лазарополе, 0 Прилеп, Струмица, Штип, Крушево, 2 Виница, 3 Охрид, Гевгелија, 4 Претор.

ВРЕМЕТО ДЕНЕСКА

Променливо облачно со сончеви периоди. Во попладневните часови и во текот на ноќта ќе има повремени локални врнежи од дожд. Ќе дува слаб до умерен ветер од југоисточен правец, поизразен долж Повардарието.

Максималната температура ќе биде во интервал од 9 до 15 степени.

Во Скопје, променливо облачно со сончеви периоди. Во вечерните часови и во текот на ноќта ќе има повремени врнежи од дожд. Ќе дува слаб до умерен ветер од југоисточен правец. Максималната температура ќе достигне до 15 степени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер