Божиќно послание на монс. д-р Киро Стојанов, Скопски бискуп и Струмичко – скопски епарх - Канал 5

Живот

Божиќно послание на монс. д-р Киро Стојанов, Скопски бискуп и Струмичко – скопски епарх

Драги браќа и сестри!

Божиќно послание на монс. д-р Киро Стојанов, Скопски бискуп и Струмичко – скопски епарх

Во ова божиќно време, христијаните го слават и му вознесуваат пофалба на Бога со своите литургиски празнувања за неговите големи дела и му благодарат за љубовта што, и покрај нашите талкања, постојано ја покажува, сакајќи да не држи во своја близина. Раѓањето на Спасителот нѐ прави свесни дека Бог го исполнува своето ветување, дека изгледот на овој свет поминува и дека Господ, кога ќе се исполни времето, кога ќе се случи преобразбата на светот, повторно ќе дојде во својата слава придружуван од своите ангели. Ангелите ќе го повикаат секое човечко тело на преобразба и соединување со душата, а Господ, како судија, ќе седне на својот престол и ќе им суди на живите и мртвите. Тогаш ќе се создаде голема поделба на светот, бидејќи секој, сега преобразени, ќе бидат разделени според својата вера и дела.

Светото Писмо ја пренесува пораката за крајот на времето и нè повикува да бидеме будни не само како подготовка за крајот на времето, туку да бидеме будни и во ова време. Божјото Слово, кое се воплоти во одреден историски момент и се всели меѓу нас како „Бог со нас“, постојано нè поттикнува и ни помага да бидеме беспрекорни до крај, посебно „во денот на нашиот Господ Исус Христос“ (сп. 1 Кор 1,8).

Тоа е повик упатен до нас, Христовите верници, да се оттргнеме од нашата пасивност, да се исправиме и да ги подигнеме своите глави и внимателно да ја слушаме пораката што Бог ни ја испраќа преку своите ангели. Оваа порака најпрво и беше упатена на Марија преку ангелот: „Ете, ти ќе зачнеш во утробата и ќе родиш Син, и ќе Го наречеш со името Исус. Тој ќе биде голем и ќе се нарече Син на Севишниот; и ќе му го даде Господ Бог престолот на Неговиот татко Давид, и ќе царува над домот Јаковов засекогаш, и царството Негово нема да има крај“ (Лука 1,31-33). И при раѓањето на Исус во Витлеем, ангелите им објавија на луѓето: „Не плашете се! Еве ви навестувам голема радост, која ќе биде за сите луѓе! Денес во градот Давидов ви се роди Спасител – Христос Господ. Ова ќе ви биде знак: ќе најдете повиен Младенец, кој лежи во јасли“ (Лука 2,10-12).

Активниот пристап кон денот на Господовото доаѓање воедно бара и соодветен активен пристап кон луѓето. Исполнувањето на времето на Неговото доаѓање полека се движи во мали чекори и прави мали нешта, но со голема љубов, како што тоа убаво го изразува нашата светица, света Мајка Тереза. Ова исто така го вклучува и нашиот пристап кон човекот, подароците што ги добиваме од солидарност, отворањето на нашите срца кон оние кои се во неволја и будноста во молитвата и славењето на Бога кој е голем, милостив и благ. Ова се чекори што нè водат кон Витлеем, чекори што нè водат да го следиме патот во наследувањето на Исус.

Свесни сме за фактот дека конфликтите во светот, за жал, не се смируваат, но оваа година покрај старите конфликти започнаа и нови немири обележани со страдањето на невините. Војната во Украина трае повеќе од дваесет месеци, а застапеноста во медиумите е потисната во овие наши денови од конфликтот во Светата земја, помеѓу Израел и Палестина во Појасот Газа. Овие два конфликти ги засенија сите други војни и вооружени конфликти што се случуваат низ целиот свет, каде што моментално се водат повеќе од 20 различни воени конфликти. Се наведуваат високи бројки на убиени и милиони раселени. Секогаш кога човекот ќе сврти грб на Бога и кога поединецот, народите, заедниците или општеството поставуваат лабилно човечко суштество на местото на Бога, ни се случува да сѐ доведеме во опасност.

Постојано сме преокупирани со вести за исчезнати, киднапирања, убиства, во кои често жртви се деца, како што беше случајот со убиства на деца во училиште во нашето соседство, така и со четирнаесетгодишната Вања, нашата сограѓанка, од нашето маало. И најчеста причина за таквите тешки гревови е личниот интерес, односно користољубието. Имајќи го тоа во предвид, во нас се појавува желба да упатиме молба до Бога: „Зошто така нѐ поразуваш, за да не можеме да се излечиме? Чекаме мир – а нема ништо добро; чекаме време за спасување, а еве, ужаси“ (Еремија 14,19)!

Јас како бискуп на оваа помесна Црква, а пред се како христијанин и верник заедно со сите вас, можам да потврдам дека и Бог е длабоко натажен поради овие трагедии и разорното зло што виси над нас. Но, тоа секогаш ни се случува кога човек му врти грб на Бога, кога лошиот дух ќе го убеди дека Бог не му е пријател, и човекот го отстранува Бога од својот живот и откако ќе згреши не сака да го слуша и да одговори на повикот, а понекогаш се бунтува и оправдува. Слично кога Бог го повикуваше и бараше првиот човек: „Адаме каде си?“ (Битие 3,9). Каде си, човеку создаден од земниот прав, тебе што те создадов според својот образ и подобие и кој те вдомив во рајот, каде си?“ А Адам одговари: „Го чув гласот Твој во рајот кога врвеше, па се уплашив, оти сум гол, и се сокрив.” (Битие 3,10). Сличен е и повикот до Каин: „Каде е братот твој, Авел?“ А Каин му одговара: „Не знам; зарем јас сум чувар на брат ми?“ Тогаш Господ Бог му рече: „Што направи? Чуј! Крвта на братот твој вика од земјата кон Мене“ и бара правда од Мене (Битие 4,9-10).

Доволно е денешното зло, крвта која и денес се пролева вика од земјата кон Бога за правда! Како во случајот со Адам и Каин, злото продолжува да се умножува. Затоа, сигурен сум, Бог денес повторно го бара закрвавеното човештво, прашувајќи го: Каде си? Каде одиш, што правиш? Потребно е како општество и човештво, да не бараме изговори и оправдувања за своите гревови и крвта која се пролева на разни места во светот, туку да го свртиме својот поглед кон милостивот Бог, додека не е предоцна.

Но, Бог ја почитува нашата слобода и едноставно препушта на нас самите и нашите постапки. Но, сепак, Тој е секогаш близу. Залудно е да се криеме од Него. Постојано нѐ бара по нашите погрешни патишта, и еднаш ќе мора да дојдеме пред Него. „Сите ќе застанеме пред судот Христов… Секој од нас ќе одговара пред Бог за себе“ (Римјаните 14,10.12). Бог е секогаш со нас. Во еден момент од историјата, тој се воплоти, ја зеде нашата човечка природа, стана човек, еднаков со нас во сè освен во гревот. Тој помина низ земјата правејќи добро. „Дојде кај Своите, но Своите не Го примија. А на сите што Го примија, им даде моќ да станат чеда Божји“ (Иван 1,11-12).

Таткото на Иван Крстител го објавил раѓањето на Исус Христос како доаѓање на Младо Сонце од височина, кое ќе ги просветли „оние што седат во темнина и сенка смртна и да ги упати нозете наши по патот на мирот“ (Лука 1,78-79). Доаѓањето на тоа мало Дете нека ја избрише секоја солза од нашите очи и на сите нека ни подари радост и мир.

На сите ви посакувам среќен Божиќ и благословена Нова Година!

Христос се роди!

Со благослов Ваш епископ/бискуп

+ Киро Стојанов

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Родители од пеколот: Ја силувале својата 11 годишна ќерка, па му ја дале на постар маж од БиХ да ја силува за да го исплатат долгот

Брачен пар од Рот ам Зе (округ Швебис Хол) во Германија е осуден на долги затворски казни од Регионалниот суд во Елванген за сериозно сексуално злоставување и силување на сопствената ќерка.

Родители од пеколот: Ја силувале својата 11 годишна ќерка, па му ја дале на постар маж од БиХ да ја силува за да го исплатат долгот

Судскиот совет го осуди 45-годишниот татко на 11 години и шест месеци затвор, додека неговата 41-годишна сопруга доби казна од девет години и шест месеци, пишува Nezavisne.com.

Во овој случај учествувал и нивниот семеен пријател, 54-годишен маж со двојно државјанство на Босна и Херцеговина и Хрватска, кој моментално е во бегство. По него е издадена меѓународна потерница. Според обвинението, германскиот пар му ја дал својата ќерка на овој маж, третирајќи ја како предмет на сексуална експлоатација.

Девојчето ѝ се доверило на својата наставничка

Според обвинението, родителите постојано ја принудувале нивната тогаш 11-годишна ќерка на сексуални односи во период од повеќе од една година. Подоцна, се сомнева дека нивниот семеен пријател, по потекло од Босна и Херцеговина, кој има и хрватско државјанство, исто така се придружил на злоставувањето.

Во обвинението се наведува и дека родителите му се заканувале на девојчето со електрошокови за да ја принудат да молчи. Истражителите се сомневаат дека таткото имал значителни долгови кон 54-годишниот познаник.

Случајот стана јавен откако девојчето ѝ кажала на својата наставничка за сè, која веднаш ја известила надлежната служба за заштита на деца и млади, која од февруари се грижи за девојчето, кое сега има 13 години. За време на судската постапка, родителите го искористиле своето право да не презентираат одбрана.

Контроверзната судска одлука предизвика вџашеност

За време на постапката, одлуката на судечкиот совет да ги ослободи обвинетите од притвор во јули привлече особено внимание. Во тоа време, судот процени дека нема доволно основа за итно сомневање дека сториле кривични дела, што е еден од условите за наредба за притвор.

Портпаролот на судот објасни дека во тој момент постоела можност обвинетите да бидат осудени, но дека нивната вина сè уште не била сигурна. Девојчето сè уште не било сослушано, а бидејќи родителите одбиле да се изјаснат за обвиненијата, судот се нашол во ситуација каде што имало две спротивставени верзии за настаните.

Сепак, Вишиот регионален суд во Штутгарт не се согласил со оваа проценка. Во август, повторно ја активираше потерницата за таткото и семејниот пријател. Сепак, дотогаш веќе беше предоцна да се спречи бегството на 54-годишникот, кој го искористил периодот на слобода за да ја напушти земјата.

Според властите, бегалецот најверојатно е некаде во Источна Европа. Портпаролот на судот потврди дека мажот, покрај хрватското, има и државјанство на Босна и Херцеговина, што би можело да го комплицира процесот на екстрадиција.

Таткото веќе бил осудуван

Судскиот совет ги отфрли тврдењата дека имало сериозна грешка во правдата за време на постапката. Судот рече дека одлуките се донесени врз основа на доказите и информациите што им биле достапни во тоа време.

Таткото веќе отслужувал затворска казна во Северна Рајна-Вестфалија за обид за измама. Претходно бил осуден и за дистрибуција на порнографски материјал.

За разлика од него, мајката била уапсена дури минатата недела. Една од клучните причини за проценката дека постои ризик од нејзино бегство беше психолошката експертска проценка на сведочењето на девојчето, која судот ја оцени како особено значајна.

Во случаите на сексуална злоупотреба, експертската анализа на сведочењето на жртвата игра важна улога во утврдувањето на фактите и донесувањето судска одлука. За време на сослушувањето, 13-годишното девојче го даде своето сведочење за насилството што го претрпела преку видео-снимка. Снимката, како и наодите и мислењето на вештакот, беа дискутирани на затворена седница, без присуство на јавноста.

Сомнителни финансиски трансакции на двојката

Дополнително, против мајката се води посебна постапка поради сомнение за злоупотреба на хуманитарни донации. Според истрагата, таа собрала пари преку платформата GoFundMe, презентирајќи им лажни информации на донаторите.

Надлежните органи истражуваат и сомнителни финансиски трансакции на банкарските сметки на двојката. Банките пријавиле сомневања за можно перење пари до надлежните институции. Според досегашните сознанија на истражителите, 54-годишен маж кој е во бегство бил исто така вмешан во спорните финансиски трансакции.

Тагови: ќерка родители

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Пијан ракун, кој го насмеа светот, помогна да се соберат 290.000 долари (ВИДЕО)

Ракун кој минатата година провалил во продавница за алкохол во американската држава Вирџинија, испил неколку шишиња алкохол и заспал покрај тоалетот, му помогнал на локалното засолниште за животни.

Пијан ракун, кој го насмеа светот, помогна да се соберат 290.000 долари (ВИДЕО)

Ракун кој минатата година провалил во продавница за алкохол во американската држава Вирџинија, испил неколку шишиња алкохол и заспал покрај тоалетот, му помогнал на локалното засолниште за животни да собере повеќе од 290.000 долари, објави Засолништето за животни во округот Хановер, објави АП.

Ракунот стана глобална медиумска сензација откако менаџерот на продавницата го пронашол во несвест покрај тоалетот неколку часа по провалата.

YouTube video

Засолништето купува камери

Животното се опоравило и било пуштено во дивината, на околу една милја од продавницата во Ашланд.

Неговата авантура инспирирала скеч во емисијата „Saturday Night Live“, а Засолништето за животни во округот Хановер ја искористило неговата популарност за да собере пари со продажба на маици, дуксери со качулки, капи, шолји и налепници со зашеметениот ракун.

Производите го носат слоганот „Wacky Panda“, додека се создадени тематски колекции за лето и Ноќта на вештерките.

Директорот за заштита на животните во округот Хановер, Џефри Паркер, рече дека собраниот износ е многу пати поголем од вообичаените годишни донации на засолништето, кои обично не надминуваат 20.000 долари.

Дел од парите ќе бидат искористени за купување камери за тело што ги носат осум службеници за заштита на животните.

Камерите ќе им овозможат да собираат докази во случаи на злоупотреба на животни, како и да ги документираат постапките на службениците за време на интервенциите.

YouTube video

Проба алкохол од повеќе шишиња

Локалната самоуправа едногласно го одобри купувањето на камерите на 28 октомври, а се очекува службениците да почнат да ги користат околу јануари.

Паркер рече дека сака дел од преостанатите пари да се издвојат за фонд за финансирање на третманот на повредени животни пронајдени за време на интервенциите.

„Не знам кога некогаш сме му должеле на животно толку голема благодарност како што му должиме на овој ракун“, рече членката на локалната самоуправа Феј Причард.

Ракунот се скрши и веројатно вкусил алкохол од неколку шишиња во продавницата, вклучувајќи рум, виски, вотка и други жестоки пијалоци.

Откако беше пуштен во дивината минатиот ноември, контролата на животните не добила ниту еден извештај за друга провала на ракун, рече Паркер, изразувајќи надеж дека животното сега живее мирен живот.

Продажбата на сувенири сè уште е во тек, а за да се одбележи годишнината од необичната провала, во продажба се појавија нови маички со слоганот: „Една лоша ноќ. Многу добри дела“.

Тагови: ракун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран откри што планира со збогатениот ураниум- на Трамп нема да му се допадне

Иран нема да дозволи ниту една честичка збогатен нуклеарен материјал да ја напушти земјата, а во случај на нови напади на САД врз Исламската Република, ќе има последици, изјави шефот на иранската безбедност Мохсен Резаи во телевизиско обраќање.

Иран откри што планира со збогатениот ураниум- на Трамп нема да му се допадне

Резаи зборуваше за либанската телевизиска станица Ал Мајадин, која е блиску до Иран, откако американските претставници ја намалија потребата од дополнителни воени дејствија против Иран.

Аналитичарите посочија на помирувачкиот тон на американскиот претседател Доналд Трамп по поразот на републиканците на изборите за Конгресот во САД одржани на 3 ноември.

Резаи рече дека во моментов нема преговори меѓу Техеран и Вашингтон.

„Ќе одговориме на секој нов напад на САД со таргетирање на американските бази далеку од нас“, рече тој.

Врховниот лидер на Иран издаде директива со која наредува иранскиот ураниум збогатен на нивоа блиски до оние потребни за производство на нуклеарно оружје да не може да се испраќа во странство, изјавија двајца високи ирански претставници во мај.

„Ни треба збогатен материјал за дизајнирање бродови и подморници на нуклеарен погон“, рече Резаи, додавајќи дека Техеран ја информирал Москва дека неговиот збогатен нуклеарен материјал ќе остане во земјата и „ќе го користиме ние самите“.

Русија претходно понуди да зема збогатен ураниум од Иран како дел од потенцијален договор за ублажување на загриженоста на САД, но рече дека Техеран е тој што треба да одлучи дали да го отстрани од земјата.

Меѓународната агенција за атомска енергија (МААЕ) проценува дека Иран имал 440,9 килограми ураниум збогатен до 60 проценти - ниво далеку над она што било потребно за цивилна употреба кога Израел и САД ги нападнаа иранските нуклеарни објекти во јуни 2025 година. Не е познато колку од тој материјал ги преживеал нападите.

Израел, САД и другите западни земји долго време го обвинуваат Иран дека се обидува да произведе нуклеарно оружје. Иран ги негира обвинувањата.

Вашингтон изјави дека нуклеарните прашања мора да бидат дел од сите почетни разговори со Иран насочени кон прекин на војната меѓу двете земји. Иран достави нуклеарен предлог до САД, преку Катар, кој ќе се дискутира дури откако Вашингтон ќе исполни седум барања што ги постави Техеран, изјави висок ирански функционер за Ројтерс минатата недела.

Тагови: збогатен ураниум Иран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер