Регион

Борисов со патерица и бандажирана нога го претстави предлог кабинетот

Кандидатот за премиер на ГЕРБ, Даниел Митов има рок од седум дена невозможната мисија да ја направи возможна и да формира влада. 

По добиениот мандат од Радев, порача дека ќе се обиде да ја добие поддршката од партијата на Трифонов и на Демократска Бугарија, иако и двете партии категорично отфрлаат каква било коалиција со партијата на Борисов. Но, Борисов не губи надеж, ниту дава можност друг да биде во центарот на вниминието. Со патерица и бандажирана нога веќе го претстави предлог кабинетот, во конференциската сала во болницата каде вчера му беше оперирано коленото по несреќен пад додека играл фудбал. Повика на мудри преговори.

-Дури и ако тие не се согласат да не поддржат, ние сме должни да разговараме со нив. Бидејќи ако им биде потребно мнозинство за важни прашања, ние ќе одговориме со истата ароганција. , вели Бојко Борисов, премиер во заминување

На списокот на Борисов има дури осум нови министри. Захариева би останала прв дипломат, а на местото на Каракачанов би дошол Румен Христов, иако Борисов, вели не му бил прва опција.

-Ако треба да бидам коректен, му понудив на Красимир Каракачанов да остане во овој кабинет како министер за одбрана. Сепак, тој објасни дека, за разлика од другите партии, тој го прифаќа гласот на гласачите. , изјави Борисов

Борисов појасни дека за два дена ќе соопшти дали успеале да формираат влада. Доколку не, мандатот оди кај „Има таков народ“ на шоуменот Трифонов. Тој најави евентуална коалиција само со „Демократска Бугарија“ и „Исправи се“, што е исто така невозможно со оглед дека би му недостигале 20 пратеници. Дали постизборна Бугарија е пред нови избори, ќе се знае многу наскоро.

Свет

Трамп e подготвен да го обнови конзервативниот сојуз со Орбан

Поранешниот американски претседател и републикански претседателски кандидат Доналд Трамп денеска изјави дека е подготвен да го обнови конзервативниот сојуз со унгарскиот премиер Виктор Орбан.

Во видео-порака, Трамп изјави дека со нетрпение очекува тесна соработка со Орбан кога, како што изјави, повторно ќе положи заклетва како 47-ми претседател на САД, пренесуваат американските медиуми.

Трамп, во пораката, го нарече Орбан голем човек и истакна дека додека бил претседател на САД, работел со него на подобрување на вредностите и интересите на САД и Унгарија.

Пораката на Трамп беше емитувана на собир во БУдимпешта на Конзервативно-политичката акциска конференција (CPAC) што е најистакната конзервативна организација во САД.

Тоа беше трет собир на CPAC во Унгарија.

Орбан беше еден од најблиските сојузници на Трамп во Европа за време на неговото претседателствување, а двајцата се сретнаа на Флорида минатиот месец.

По нивниот состанок, Орбан ја истакна својата јасна поддршка за Трамп и додаде дека само враќањето на Трамп во Белата куќа може да донесе мир во Украина.

Свет

Шојгу: Русија никогаш не планирала да ги нападне земјите од НАТО

 Русија никогаш не планирала да ги нападне земјите од НАТО, изјави денеска рускиот министер за одбрана Сергеј Шојгу.

„Руската Федерација никогаш не била закана за НАТО. Ние немаме ниту геополитички ниту воени интереси да ги нападнеме земјите од блокот, ние едноставно го штитиме нашиот народ на нашите историски територии“, рече Шојгу на состанокот на министрите за одбрана на земјите-членки. на Шангајската организација за соработка во главниот град на Казахстан, Астана.

Шојгу нагласи дека Русија секогаш вложувала максимални напори за одржување на стратешката стабилност и рамнотежа на силите во светот. /МИА

Македонија

Малолетник се сомничи дека извршил обљуба врз малолетничка од Струмичко

 Полицијата сомничи малолетник од струмичко село дека вчера извршил обљуба врз малолетничка од Струмичко, соопштија денеска од СВР Струмица.

Според соопштението, вчера во Полициската станица во Струмица во присуство на родител бил повикан малолетникот, а за настанот бил запознаен јавен обвинител од Основното јавно обвинителство Струмица, по чии насоки се преземаат мерки за негово расчистување.

Инаку, вчера полицијата информираше за уште еден случај за обљуба врз малолетничка. Четиресет и пет годишен жител на Радовиш се сомничи дека во периодот од јануари до април во повеќе наврати извршил обљуба врз малолетничка од радовишко село.

притисни ентер