Борисов е уапсен, пред МВР и пред неговата куќа се собраа симпатизери на ГЕРБ (ВИДЕО)

Лидерот на ГЕРБ Бојко Борисов е однесен во Генералниот директорат на Националната полиција. Со црн џип бил изнесен од неговиот дом во Банкаја, јави репортерот на БГНЕС.

„Извршен е претрес во услови на итност без дозвола од судот. Нему ќе му биде одреден 24 часовен притвор. Постапката е од 17 март и не ми кажуваат за што е, нема документи освен извештајот за претрес. Од неговиот дом и лично не му се одземени предмети“, изјавил адвокатот Менко Менков.

„Ќе видам каква наредба ќе направат, па ќе се видиме пред полициската управа. На Борисов не му беше кажано ниту зошто е приведен. Во моментов се врши претрес во домот на неговата портпаролка Севдалина Арнаудова“, додаде тој.

Поддржувачите на ГЕРБ се собираат пред зградата на Генералниот директорат на Националната полиција, јави БГНЕС.

Вечерва околу 20 часот, десет полицајци влегле во домот на лидерот на ГЕРБ Бојко Борисов во Банкаја.

Првично МВР соопшти дека со Борисов се уапсени уште три лица, меѓу кои поранешниот министер за финансии Владислав Горанов, поранешната претседателка на собраниската комисија за финансии Менда Стојанова и портпаролката на Борисов, Севделина Арнаудова. Малку по 21 часот, пак, оваа вест е избришана од веб-страницата на МВР.

Подоцна, Министерството за внатрешни работи го објави следното соопштение, дистрибуирано од прес-центарот до медиумите: „Во тек е голема операција во врска со 120 случаи на Европското обвинителство во Бугарија. Претреси и заплени се вршат на многу адреси. Во моментов се приведени Бојко Борисов, Владислав Горанов, Менда Стојанова и Севдалина Арнаудова. Акцијата продолжува“.

„Оставка“ скандираат членовите на ГЕРБ, кои се наоѓаат пред куќата на Бојко Борисов во Банкаја, каде што се водат истражни дејствија. Целото извршно биро на ГЕРБ е пред домот на лидерот на партијата, како и пред пратениците од пратеничката група.

Рашфорд може да го пропушти ЕП 2024

Напаѓачот на Манчестер Јунајтед, Маркус Рашфорд би можел да го пропушти Европското првенство во 2024 година, пишува „Телеграф“.

Според изворот на изданието, на селекторот на Англија, Герет Саутгеј не му се допаднал настапот на играчот.

За да добие место во формацијата на „трите лава“, фудбалерот мора да покаже подогри игри на претстојните натпревари.

Оваа сезона 26-годишниот Рашфорд одигра 35 натпревари, постигна 8 голови и 6 асистенции.

Словенија, Данска и Србија ќе играат против Англија во групната фаза на ЕП 2024. /МИА

„Гответе со Дракче“ - Кумановска салата

Во четврток (28.03.2024) во емисијата гостин ни беше Нино Величковски.

Состојки за денешниот рецепт:

3 црвени домати

1 свежа краставица

1 главица кромид

1 морков

2 лажици лупен сончоглед

100 гр. сирење

балсамико, масло за јадење, сол по вкус

Погледнете како се подготвува овој рецепт:

„Дубаи мол“ лани го посетиле рекордни 105 милиони луѓе

 Сопствениците на „Дубаи мол“ во Обединетите Арапски Емирати, сооопштија дека трговскиот центар лани го посетиле рекордни 105 милиони луѓе, што го прави најпосетуваното место во светот во 2023 година.

Така, трговскиот центар стана светска атракција, според управителите, привлекувајќи посетители од целиот свет. Управата наведува и дека е забележан скок од над 19 отсто во однос на 88 милиони во 2022 година. А пак, само во првите два месеци од оваа 2024 година, забележани се 20 милиони посетители, така што и годинава „Дубаи мол“ најверојатно ќе постави нов рекорди.

- Овие бројки го одразуваат импресивниот статус на трговскиот центар во Дубаи и го одразуваат напредното лидерство на Дубаи и силната економија. Нашиот трговски центар го отелотворува живиот дух на градот и посветеноста на извонредноста, претворајќи ја визијата на менаџментот во реалност. Како составен дел од економското ткиво на Дубаи, ние играме клучна улога во неговиот успех и иновативност, рече Мохамед Алабар, основач на компанијата „Емаар“ којашто управува со трговскиот центар.

„Дубаи мол“ има околу 1.200 продавници на познати брендови облека, обувки, модни додатоци, апарати за домаќинство итн, а тука се наоѓаат и околу 200 ресторани и кафулиња. Уште една причина за посетеноста е и аквариумот, каде што живеат 33.000 животни. /МИА

притисни ентер