Борис Бекер има проблеми со сопругите, но реши да ужива во Шпанија (ФОТО)

По извесно време на Ибица, поранешната тениска sвезда Борис Бекер (52) продолжува да ужива во летниот годишен одмор на шпанскиот остров Форментери со својата нова девојка Лилијан де Карваљо Монтеиро и синот Амадеус.

Тие биле снимени на луксузна јахта на која атрактивната бринета ја покажа беспрекорната линија во едноделен трендовски костим за капење, додека Борис, дури и додека пливаше, носеше маица за да се заштити од силното сонце.

Најмладиот син на пензионираниот германски тенисер беше преокупиран со нуркање, додека неговиот татко и Лилијан се возеа на даска.

Иако парот изгледа идилично на фотографиите објавени од светските медиуми, минатата недела де Карваљо Монтеиро беше на удар на лутата поранешна сопруга на Бекер, холандската манекенка Лили Бекер (44), на која очигледно не му се допаѓа фактот што новата жена на Борис го поминува своето време со нивниот десетгодишен син.

- За време на кризата со корона, вие веќе сте втора девојка што му подготвувате појадок / пица / палачинки на мојот син за само седум месеци! Па, тој не може! Ова ти го кажувам како мајка - почитувај го моето дете - оди сликај се со Борис во твоето бикини и слободно фали се со твоето супер тело, но те молам оддалечи се од мојот син! Уживајте во вашиот одмор, но не допирајте го моето бебе! Точка! - напиша налутено Лили на социјалните мрежи, но подоцна ги избриша контроверзните објави.

Нападнатата Лилијан не ги коментираше испадите на поранешната сопруга на Борис, која се разведе од тенисерот пред две години.

Инаку , Бекер беше поврзан со манекенката Јоана Монтеро претходно оваа година.

„Врба" на Манчевски во трката за европски оскар

Европската филмска академија (ЕФА) денес ја објави одлуката да го вклучи „Врба" на Милчо Манчевски во селекцијата за најдобар филм 2020 на 33-те Европски филмски награди. 

За филмовите во селекцијата за најпрестижната европска награда, што е позната и како Европски Оскар, ќе гласаат над 3.800 членови на Академијата и ќе изберат по 5 номинации во 5 категории: најдобар филм, режисер, актер, актерка и сценарио. Номинациите ќе бидат објавени на 7 ноември на фестивалот во Севилја, Шпанија.

Годинава доделувањето наградите на Европската филмска академија ќе се одржи во Рејкјавик, Исланд на 12 декември.

Во селекцијата на ЕФА годинава се 38 филмови.

Ова е втор пат филм од Манчевски да влезе во селекцијата за европските филмски награди, во 2011 година селектиран беше и неговиот „Мајки".

Пандемијата го прекина, но не можеше да го загуши подемот на „Врба" – драмата на Милчо Манчевски. „Врба" го започна своето патување со светска премиера на Римскиот филмски фестивал во октомври минатата година, каде што беше забележан со исклучително позитивни критики. Пред ковид пандемијата, по македонската премиера филмот играше в кино два и пол месеци и ги сруши рекордите на гледаност во земјата.

Публиката го забележа на низа фестивали, а филмот продолжи да собира одлични критики – Варајети го нарече „суптилен, длабок", Холивуд репортер вели „те зграпчува, супериорно атмосферски, актуелен и универзален", за Скрин интернешенел е „трогателен и длабок".

„Врба" е добитник на наградите „Хосе Оливеира" на Фантаспорто во Порто, на Најдобар филм на Велингтон, Нов Зеланд, се прикажа и на фестивалите во Талин, Тајпеј, Пекинг, Истанбул, Сараево, ФЕСТ во Белград, Синеквест во Сан Хосе, Клуж-Напока, Бенгалуру во Индија... „Врба" неделава ќе го отвори фестивалот во Софија, а ќе го затвори фестивалот во Тирана. Номиниран е и за Најдобар меѓународен филм и за Најдобар режисер на Рејнденс во Лондон.

„Врба" ги раскажува приказните на три мајки во средновековна и современа Македонија. Играат Сара Климоска, Наталија Теодосиевска и Камка Тоциновски, директор на фотографија е Тамаш Добош, монтажата е на Николас Гастер, продукцискиот дизајн е на Дејвид Манс, а музиката е од Кирил Џајковски.

Филмот е македонско – унгарско – белгиската копродукција со учество на Албанија, а продуциран е од Јане Ќортошев и легендарниот британски продуцент Ник Пауел.

Средба Димитров – Рот: Македонија останува приоритет за германското претстедателство

 Вицепремиерот за европски прашања Никола Димитров, утрово во Брисел се сретна со германскииот министер за Европа, Мајкл Рот, чија земја претседава со ЕУ до крајот на годината.

Како што јави дописникот на МИА од Брисел, Димитров го информира Рот за приоритетите на македонската Влада во областа на евроинтеграциите и потенцирал дека „пристапниот процес е најдобрата алатка европските стандарди и принципи да ги воведеме дома".

–Македонија е цврсто решена да стане просперитетна европска демократија во која ќе владее правото, нагласи Димитров.

Германскиот министер за Европа престојува во Брисел каде учествува на министерскиот состанок за општи работи на ЕУ. Иако Македонија не е денеска формално на дневен ред, министрите се тие кои одлучуваат за усвојувањето на преговарачката рамка. Рот потврдил дека Македонија останува приоритет за германското претстедателство.

– Првата меѓувладина конференција со Македонија, почетокот на пристапните преговори, е еден од врвните приоритети на германското претседателство со ЕУ, истакнал Рот.

Вицепремиерот Димитров во Брисел денеска ќе се сретне и со еврокомесарот за проширување, Оливер Вархеји, како и со потпретседателот на Европската Комисија задолжен за миграциски политики, Маргаритис Схинас, а планирана е негова посета на Берлин следната недела, информираат од неговиот кабинет.

Може да се заработува од отпад, но тој прво мора да се селектира и редовно да се собира

 Од селекција на отпад, потоа негово рециклирање може да се заработува, и тоа да биде одржливо на долг рок. 

Денешните технологии тоа го овозможуваат, и тоа е процес кој веќе е реалност во други земји. Значењето е уште поголемо од аспект на заштитата на животната средина, во зачувување на природата, и пред се во добивањето почисти и поубави урбани средини, информираат од компанијата „Пакомак".

Добро организиран град во делот на управување со амбалажниот отпад, како што посочуваат, може многу други проекти да ги финансира од тоа.

Одлична можност е да се прават пари од отпад, но тој прво мора да се селектира, па да се собира. Неформалните собирачи на отпад треба да бидат вклучени во организираниот систем за негово собирање и селекција, за што е потребно заедничко делување на институциите, локалните самоуправи, комуналните претпријатија и компаниите. Мора да се обезбеди листа на улични собирачи, кои ќе треба да поминат обука, да имаат заштитна облека и ракавици и да работат во координација со комуналните претпријатија. За оние кои од разни причини нема да сакаат да станат дел од легални системи за селекција и собирање, институциите мора да применат казни доколку повторно продолжат со нелегално собирања отпад, истакнуваат од компанијата.

притисни ентер