Македонија

Бочварски: Буџетот за транспорт и врски носи повеќе пари за инвестиции, над 80 отсто наменети за капитални инвестиции

Предлог буџетот за 2020 година во делот на транспорт и врски е склоп од правилно распределување на граѓанските пари за вложување во капиталните инвестиции со што ја подобруваме економијата во нашата држава.

Со предлог буџетот правиме историски најголеми вложувања во изградба и рехабилитација на патишта и изградба на патна инфраструктура, во гасоводна мрежа и во реализација на крупните проекти во Железницата.

Владата предводена од СДСМ преку Министерството за транспорт и врски конечно го подигнува нивото на комуналната инфраструктура, продолжува со изградба на социјални станови, обезбедува услови за воведување на нови авиолинии, помага на општините и во изработка на урбанистичките планови и ја подготвува најголемата реформа во градежната дејност преку креирање на нови законски решенија.

Овој буџет е развоен кој ги застапува директните потреби на стопанството и граѓаните.

Буџетот е проектиран на 5,8 милијарди денари, од кои 83% од проектираните средства односно 4 милијарди 819 милиони денари се расходи наменети директно за реализација на капиталните проекти.

За наредната година ќе има зголемување за 854 милиони денари во споредба со 2019 година.

Ова е голем показател дека државата ни е НА ПРАВ ПАТ, дека парите на граѓаните се инвестираат за нивните суштински потреби.

Од предлог буџетот за 2020 година, 2,6 милијарди денари се одвојуваат за железници, 446 милиони денари за канализации и водоводи преку Европска инвестициона банка и 248 милиони денари за водоводи, 247 милиони денари за проекти за локални патишта и 104 милиони денари за нови авиолинии.

Како градоначалник на Штип особено сум задоволен што во овој буџет се издвојуваат средства за почеток на реализација на најголемиот сон на штипјани, Брана на река Отиња, во висина од 200 милиони денари.

Потенцирам дека овој развоен буџет за 2020 година преку 80% ќе биде наменет за изградба на капитални објекти.

Во тоа е разликата помеѓу СДСМ и ВМРО-ДПМНЕ!

Додека тие инвестираа во барокни фасади и споменици, ние инвестираме во нови патишта, канализации и водоводи, железници, Брани и многу капитални инвестиции кои се од суштинско значење за развојот на нашата држава.

Вложувањата во инфраструктурата обезбедуваат повеќекратен бенефит за економијата и бизнисот, затоа и економијата во државата расте и очекуваме со овој развоен буџет да продолжи да расте и во 2020 година.

Затоа ќе продолжиме со засилени работи на терен и со поголеми инвестиции на капитални објекти.

Прес-конференција на Благој Бочварски, претседател на Комисија за транспорт и врски на СДСМ

Живот

Побеснет бик фрла жена како да е кукла- ја молеле да не му приоѓа, не ги послушала (ВИДЕО)

На социјалните мрежи кружи застрашувачко видео снимено на плажата Ла Фортуна, во близина на мексиканскиот град Сан Лукас.

Туристка се обидела да ги собере работите, кога бик опасно ѝ се приближил. Луѓето се обиделе да ја предупредат, но таа не послушала.

На почетокот, жената во црн фустан ги собира работите од песокот, додека бикот ги мириса. Слушаме како луѓето ја предупредуваат да побегне.

„Премногу си играте со него. Ве молам, немојте да го правите тоа“, рекол еден маж.

Меѓутоа, жената не се откажала и ја ставила раката на главата на животното, како да го турка.

„Ве молам, не го правете тоа“, продолжил да се моли човекот.

Опасното животно молскавично реагирало и ја удрило жената со рогови. Сведоците на инцидентот почнале да врескаат, пренесува Daily Mail.

Туристката успеала да стане, но бикот повторно ја соборил на песокот. Се кренала прашина, а никој не се осмелил да ѝ пријде и да ѝ помогне на несреќната жена.

„Се обидувавме да ви кажеме“, се слушаат извици.

Останува нејасно од каде дошол бикот на плажата и зошто ѝ пришол на жената. Во исто време не се знае нејзиниот идентитет и со какви повреди се здобила или дали е жива.

Технологија

Аватари на починати за 46.000 евра- дигитална реинкарнација преку вештачка интелигенција

Враќањето на мртвите во живот преку технологија до неодамна беше поврзано само со филмови, но со напредокот на вештачката интелигенција - вакво нешто повеќе не е само прашање на фикција.

Технолошкиот сектор за тага, познат и како „технологија на смртта“, сега се проценува на повеќе од 100 милијарди фунти на глобално ниво, според веб-страницата за технолошки вести TechRound.

- Го клонираме изгледот на една личност до 96,5% сличност со оригиналната личност - вели Мајкл Јунг, финансиски директор на DeepBrain, една од компаниите кои фиктивно ги враќаат луѓето во живот.

Компанијата верува дека овој вид технологија може да биде важен за развојот на културата на „добра смрт“, каде што однапред се подготвуваме за смртта на најблиските, оставајќи ја семејната историја, приказни и спомени како дел од наследството.

Сепак, процесот не е евтин и корисниците не можат сами да креираат аватар. Наместо тоа, тие треба да ѝ платат на фирмата до 50.000 долари. И покрај оваа висока цена, некои инвеститори се уверени дека ќе биде популарна, а DeepBrain собра 44 милиони долари во својот најнов круг на финансирање.

Психологот Лаверн Антробус предупредува дека треба да се биде многу внимателен кога се користат такви „технологии на тага“ во периоди на силни емоции.

- Загубата е нешто што нѐ изненадува. Може да мислите дека сте прилично блиску до тоа да бидете добро, а потоа нешто може да ве врати назад – вели таа, а пренесува Би-би-си.

Антробус додава дека луѓето не треба да брзаат да го користат четботот на изгубената сакана личност.

- Треба да се чувствувате прилично цврсто пред да користите вакво нешто. Сфатете ги работите многу, многу бавно.

Таа исто така, предупредува дека не постои замена за човечката поддршка кога станува збор за надминување на тагата.

- Навистина не можам да замислам дека технологијата ќе ги преземе традиционалните аспекти на жалоста, кои се однесуваат на чувството на блискост со луѓето, чувството на грижа за нив, чувството на благодарност.

Свет

Камион виси на мост во Кентаки: Пожарникари ја извлекуваат жената- возач (ВИДЕО)

Во судница во Кентаки е прикажано видео од спасувањето на жена која возела камион што виси над река откако нејзиното возило излета преку оградата на мостот.

На видеото се гледа и несреќата што довела до оваа неверојатно опасна ситуација на мостот Кларк во Луисвил, Кентаки, пренесува ABC 7.

Видеото од 1 март покажува како возачката избегнува автомобил запрен на мостот, за да удри во камионот следниот момент. Можете да ја видите и снимката од камерата од кабината на камионот - едната што ја снимила возачот, а другата што ја прикажува ситуацијата пред камионот.

Сидни Томас (26) која го управувала камионот, иако се трудела максимално да го контролира возилото, не успеала и изгубила контрола над него - камионот наеднаш свртел налево и ја пробил оградата на мостот. Кабината на камионот во кој се наоѓала Сидни во следниот момент висела на околу 30 метри од водата. Таа очајно се држела за воланот за да не испадне од кабината.

На пожарникарите од Луисвил им требало речиси еден час за да ја одведат на безбедно, па беа поздравени како херои, што и заслужиле.

Возачот на пикапот што ја предизвикал несреќата, 33-годишниот Тревор Бранам, се соочува со повеќе обвиненија, меѓу кои и суспендирање на дозволата. Тој бил на суд завчера и се уште не се пријавил со своја одбрана.

Еве како изгледаше оваа страшна несреќа:

притисни ентер