Бизарна снимка од автопат во Хјустон (ВИДЕО) - Канал 5

Бизарна снимка од автопат во Хјустон (ВИДЕО)

Тешко е да се најде објаснување за возење во спротивна насока или случаи кога возачот, по дупната гума, го вози автомобилот буквално на бандажот, а во истата група го класифицираме и случајот снимен неодамна на автопат во близина на Хјустон.

Бизарна снимка од автопат во Хјустон (ВИДЕО)

На автопатот во Хјустон, Тексас, Saab 9-3 е снимен како неконтролирано се лизга од едната на другата страна од лентата. Станува збор за кабриолет влечен од бел теренец, а работите изгледаат уште побизарни (и поопасни) кога камерата ќе зумира и ќе открие дека некој е зад воланот на Saab.

Влечењето наназад може да биде застрашувачко искуство, особено ако сте на брз автопат, без цврста врска и секако без да гледате во правецот на движење. За жал, токму ова го доживеал „возачот“ на Saab 9-3.

Снимките добиени од ABC News покажуваат постар Saab 9-3 кабриолет како се извиткува како змија додека возилото го влече по автопатот. Сите четири тркала беа на земја, но ретко сите беа насочени во иста насока. Саабот повремено завршуваше речиси под прав агол во однос на правецот на сообраќајот.

Вистинското изненадување дојде кога возилото од кое се снимаше се приближи, стана јасно дека некој всушност седи зад воланот на Саабот и се обидува да го контролира. Во исто време, белиот теренец вози како да не се случува ништо необично зад него. Возачот продолжува да вози безгрижно без никакво двоумење.

@abcnews

A scary scene unfolded on a Houston highway as a dangerous towing attempt had drivers dodging disaster — and left stunned by what they were witnessing.

♬ original sound - ABC News

Дејвид Чаирез и еден колега ја снимија необичната ситуација, кажувајќи за „Eyewitness News“ на ABC дека жена го возела теренецот и им се чинело дека се смеела додека Саабот се нишал зад неа. Зачудувачки, според достапните информации, не е пријавена никаква несреќа. Причината за таквото влечење останува непозната, како и колку далеку била нивната дестинација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ин мемориам: Почина режисерот Сашо Миленковски

На 63-годишна возраст почина театарскиот режисер Сашо Миленковски.

Ин мемориам: Почина режисерот Сашо Миленковски

Роден во Битола во 1963 година, Миленковски зад себе остави богата театарска кариера во која режираше повеќе од 50 претстави, поставувајќи дела од автори како Шекспир, Молиер, Достоевски и Бекет.

Неговиот опус се одликува со разновидност – од класични автори како Шекспир, Молиер, Достоевски и Бекет до современи драмски текстови. Особено значајно место во неговото творештво имаат поддршката и афирмацијата на современата македонска драма.

Меѓу најзначајните негови режии се праизведбата на „Балканот не е мртов“ од Дејан Дуковски во Битолскиот народен театар (1992), која освои четири награди на фестивалот „Војдан Чернодрински“ во Прилеп и беше изведена на „Охридско лето“ и „Млад отворен театар“. Со оваа претстава, како и со „Буре барут“ поставена во Македонскиот народен театар во 1994 година, Миленковски даде значаен придонес во промоцијата на Дуковски, кој подоцна се етаблира како еден од најизведуваните македонски драмски автори во светот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

ВМРО-ДПМНЕ: Филипче молчи за дипломатскиот преседан кој го направи Бугарија за да не си ги наруши личните релации со нив

Владата предводена од ВМРО-ДПМНЕ постојано работи да ја зајакне меѓународната позиција на Македонија, работи на развој на економијата и на подобрување на животниот стандард на граѓаните.

ВМРО-ДПМНЕ: Филипче молчи за дипломатскиот преседан кој го направи Бугарија за да не си ги наруши личните релации со нив

Од друга страна, од СДС и од опозицијата се трудат да и штетат на Македонија.

Кога во прашање се доведуваат државни интереси, без разлика дали станува збор за власт или опозиција, треба да се бранат истите.

Дипломатскиот преседан што го направи Бугарија со објавување на дипломатска нота која содржи информации од безбедносен карактер поврзани со семејството на претседателот на Владата, ни Венко Филипче, ни некој од СДС не го осуди.

Од опозицијата повторно молк, повторно немање реакција ни став.

Оттука, може да се заклучи дека молкот на Филипче значи дека тој повеќе се грижи да не ги наруши личните односи со Софија, отколку да ги брани националните позиции.

Венко Филипче никогаш нема да го видите да застане на страната на Македонија, тој се позиционира таму каде што има корист, а во случајов на страната на Бугарија.

Него не го засега Македонија, ни македонските граѓани, тој има свој зацртан пат да слугува на Бугарија, оти мисли дека ќе добие нешто за возврат.

Така ја кодошеше и државата, така вели дека ќе потпише уставни измени со што Бугарите би биле внесени во македонскиот Устав, без гаранции, оти за него ништо не значи тоа.

За Филипче не е важно што ќе распродаде, ако за возврат добие нешто за себе.

Тоа е разликата меѓу ВМРО-ДПМНЕ и СДС. Тоа што на чело на некогашната голема СДС стои човек кој веднаш би направил ново национално предавство, а луѓето кои ги има поставено околу себе се спремни да го поддржат во тоа.

ВМРО-ДПМНЕ ќе продолжи доследно да ги брани македонските национални интереси, достоинството и позициите на Македонија, затоа што тоа е наша обврска кон граѓаните и државата.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

СДСМ: Мицкоски формира нов сателит – ЗНАМ 2.0

ЗНАМ се распаѓа и веќе не постои ниту во анкетите ниту во гласови. 

СДСМ: Мицкоски формира нов сателит – ЗНАМ 2.0

Последните двајца што останаа, Максим Димитриевски и Горан Минчев се тепаат за фотелји и ги делат последните тендери за да ја наплатат својата улога на последните избори, кога ја предадоа својата партија, а потоа и своите гласачи.

Христијан Мицкоски веќе работи на создавање на нов инструмент, нов сателит- ЗНАМ 2.0, кој треба да му послужи за разбивање на опозициските гласови на следните избори.

ВМРО загуби 150 илјади гласови, поддршката им се намалува од ден на ден, резултати нема.

Буџетот е во колапс, а веќе нема пари ниту за редовна исплата на пензиите.

Затоа на Мицкоски му се брза да создаде нов инструмент за манипулација на изборниот процес и збунување на гласачите.

ЗНАМ 2.0 е уште еден проект во низата обиди на Мицкоски да ја одржи власта по секоја цена.

Но граѓаните веќе ја препознаа оваа игра на Мицкоски и нема да дозволат да бидат измамени.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер