Македонија

Битиќи: На 8-ми мај да ги замолчиме гласовите на насилството и поделбите

Пред 7 години бевме доведени пред граѓанска војна само поради лична и тесно-партиска кусогледост и алчност на ВМРО-ДПМНЕ.

„Пред 7 години бевме доведени пред граѓанска војна само поради лична и тесно-партиска кусогледост и алчност на ВМРО-ДПМНЕ. Насилно и крволочно влегоа во Собранието бидејќи не сакаа да ги ослободат заробените институции“, вели во видео обраќањето по повод упадот во Собранието на 27 април 2017 година, Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборна единица 2.

„Ова ВМРО-ДПМНЕ денес е истото од тој 27-ми април пред 7 години. Тоа го гледаме во секоја нивна порака за раздор и поделба и денес кога повторно ја бараат вашата доверба.

Затоа на 8-ми мај да ги замолчиме гласовите на насилството и поделбите и да се обединиме. А тоа зло - НИКОГАШ да не се повтори“, вели Битиќи и порачува дека „ние не сме случајни минувачи низ нашата Македонија – ајде заедно да бидеме архитектите на една стабилна и европска иднина за нас и нашите деца“.

Битиќи: Премногу длабоки се лузните од ВМРО-ДПМНЕ за граѓаните да му простат

„Не може да го заборавиме 27 април, 2017 година, кога државата беше доведена на раб од граѓанска војна само за тоа што Груевски не сакаше да ја напушти власта. Режимот сакаше да не сврти едни против други, политичката битка да ја направи меѓуетничка. Ова не смее да се заборави, не смее да им се прости, бидејќи денешното ВМРО-ДПМНЕ го водат истите тие кои беа зад завесите на овој трагичен ден за нашата демократија“, порача на денешните средби со жителите на скопската општина Чаир, Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборна единица 2.

Потпретседателот на СДСМ, Битиќи истакна дека кај ВМРО-ДПМНЕ и нивната кандидатка за претседател на државата, Гордана Силјановска нема место за различности, во нивниот тесен политички поглед, секој е еден кој не ги прифаќа ксенофобичните ставови е исклучен, маргинализиран и отфрлен.

„Кај нив нема место за граѓаните кои веруваат во Македонија дека може да биде европски дом, во кој ќе има место за секого. Но имаат една несреќа, а тоа е дека тие граѓани се многу повеќе отколку што се ВМРО-ДПМНЕ и за тоа на 8-ми мај да им го покажеме патот кон буништето на историјата“, порача Битиќи.

Тој апелира на парламентарните и претседателските избори, да се покаже европска зрелост и да не му се даде шанса на национализмот повторно да ја освои државата.

„Да се ослободиме од стравовите и да го прифатиме единството, единството во различностите, бидејќи таму лежи нашата сила. Верувам во вас, во граѓаните, верувам дека тоа ќе го препознаете, дека ќе ги отфрлите политиките кои ви се наметнуваат од елити кои немаат што да ви понудат освен да ве туркаат кон минатото и поделбите“, упати повик до жителите на Чаир, потпретседателот на СДСМ, Битиќи.

Скопје, 27 април 2024

СДСМ

Живот

Го удрила струја поради селфи на воз во движење: Кликовите се поважни (Вознемирувачко видео)

На социјалните мрежи кружи видео кое може да се опише како - лудост.

Гледаме млад човек на вагон, додека возот се движи, но не се знае кога и каде е снимен.Тој се насмевнува, очигледно добро се забавува позирајќи за селфи, а потоа настанува хаос.

Најверојатно дошол во контакт со електричната мрежа, се појавила искра, а момчето повеќе не се појавува во кадарот. Иако, како да се гледа дел од неговата нога на покривот на вагонот.

Нема информации што се случило потоа, па може да се погоди и да се надеваме дека не е тешко повреден.

Клипот првпат е објавен на Твитер, каде што собра 9,7 милиони прегледи и предизвика жестока дебата, пренесува Times Now News.

Еден корисник напишал: „Зошто луѓето пробуваат вакво нешто“, а друг додаде: „Можеби поради кликови на социјалните мрежи“.

Автомобилизам

Фолксваген драстично ја менува стратегијата

Марката Volkswagen планира да ја зголеми понудата на plug-in хибридни автомобили како одговор на забавувањето на побарувачката за електрични возила.

Проширувањето на портфолиото на PHEV е еден од главните приоритети на VW, изјави во средата извршниот директор Томас Шефер. Овој потег е промена на насоката од претходната стратегија на фокусирање главно на електрични возила преку линијата со ознака ID, пишува Bloomberg.

„Клиентите сега сакаат plug-in хибриди, вклучително и во Кина и САД“, рече Шефер во интервјуто на маргините на автомобилската конференција во Лондон.

Продажбата на plug-in хибриди во Европа порасна побрзо од продажбата на електрични возила претходно оваа година. Volkswagen ја менува својата стратегија за електрична енергија откако одложи некои модели и заостана во Кина, каде што доминираат локалните брендови. Минатата година, производителот се откажа од плановите за изградба на фабрика за електрични возила од 2 милијарди евра во Германија.

Со забавување на растот на електричните возила, производителите на автомобили се свртуваат кон познатите погонски единици за да ја одбранат продажбата и уделот на пазарот.

Тојота има корист од порастот на глобалната побарувачка за хибриди. Групацијата Mercedes-Benz претходно во средата соопшти дека ќе продава автомобили со мотори со внатрешно согорување подолго од очекуваното поради разочарувачката продажба на електрични возила.

Најновата хибридна технологија на VW, која се користи во модели како Passat и Tiguan, веќе нуди електричен опсег од повеќе од 100 километри, пишува HAK Revija.

Свет

Русите почнаа офанзива кон милионскиот Харков (ВИДЕО)

Руските сили денеска почнаа да користат оклопни возила за да ја пробијат границата со североисточниот украински регион Харков и силно ја гранатираа областа, објави Киев.

Да потсетиме дека Харков е вториот по големина украински град во кој сè уште живеат повеќе од милион луѓе по повеќе од две години војна.

Ова е најсилниот знак досега дека Русија сака да отвори нов фронт во војната. Руските сили напредувале еден километар во близина на пограничниот град Вовчанск. Борбите во пограничните области на регионот Харков продолжуваат. Киев таму итно испрати засилување, соопшти Министерството за одбрана.

Украинскиот претседател Володимир Зеленски потврди дека Русија започнала нова офанзива во регионот Харков.

Украински извори објавија, како што тврдат, снимки од руски возила кои учествувале во нападот. Камерите со дронови покажуваат уништување на руски камиони и оклопни возила утринава во Харковската област.

притисни ентер