1200 години затвор- стигна пресудата по осум години од трагедијата во Италија во која загинаа 43 лица
КултураБигорски повторно домаќин на детската светска ликовна колонија – „Мал Битолски Монмартр“Древниот Бигорски манастир, по третпат, вчера беше домаќин на еден несекојдневен културно-уметнички настан-уникатната детска ликовна колонија „Мал Битолски Монмартр“, што ова познато светилиште го преобрази во тивка, вдaхновена уметничка сцена.- Под синиот покров на мајското небо, светилиштето на Свети Јован Крстител, по благослов на нашиот старец и игумен, епископот Антаниски г. Партениј, ги отвори широко вратите за новата генерација млади уметници, дојдени од различни делови на светот, за да го претворат манастирскиот двор во жив мозаик на боја, младешка радост и културно единство, рече за МИА, сестра Ефимија. Оваа уметничка манифестација е организирана од претседателката на оваа меѓународна детска ликовна колонија, Елена Хаџи-Антоновска и претседателот на УО на детското ликовно студио „Св. Кирил и Методиј“ – Битола, Славчо Неделковски. - Во нашиот свет храм пристигнаа 150 ученици, професори и родители претставници од 17 земји, Македонија, Албанија, Бугарија, Босна и Херцеговина, Хрватска, Чешка, Индија, Израел, Малезија, Црна Гора, Полска, Романија, Србија, Словачка, Русија и два региона од Турција – Трабзон и Кајсери. Иако оваа година беа оправдано отсутни делегациите од Кина, Јапонија, Грција и Португалија, нивниот дух беше чувствуван преку изложените дела и спомените од претходните учества, додава сестрата. Посочува дека манастирскиот двор заживеал со стотина штафелаи, четки и платна, додека децата со својот чувствителен поглед и радосно срце ги доловуваа на платно духовната убавина и архитектонското достоинство на Светиот манастир. -Секоја цртеж носеше печат на автентично доживување, пренесено преку бои и линии, преку личната имагинација на младите творци. Без исклучок, сите цртежи, зрачеа со сопствена убавина и оригиналност, и оставија длабок впечаток со искреноста и свежината на детскиот израз. Иако не можеа сите да бидат наградени, секое дело беше доживеано како сведоштво за креативност и љубов кон уметноста, нагласува отецот. Победници на денот беа Ајшенур Карадениз, од Трабзон – Турција, Маркета Хејлова, од Плзен – Чешка, Мериам Арнаутска, од Софија – Бугарија и Онур Мете Јузук, од Кајсери – Турција. Нивните дела беа оценети како највпечатливи по оригиналност, зрелост на ликовниот израз и префинето чувство за просторот и формата, со особено внимание на индивидуалниот уметнички напредок и чувствителноста кон архитектонската тематика. Со оваа уметничка средба, Бигорскиот Манастир уште еднаш посведочи дека е не само духовно прибежиште, туку и светилник на културна размена, креативност и братска љубов меѓу народите. Колонијата „Мал Битолски Монмартр“ во Бигорски е место каде младите срца се издигнуваат кон светлина преку благословот на уметноста.Тагови: Бигорскиот манастир Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
Европа200 години затвор- стигна пресудата по осум години од трагедијата во Италија во која загинаа 43 лица Поранешниот директор на италијанската компанија за управување со автопати „Аутостраде пер л'Италија“, Џовани Кастелучи, е осуден на 12 години затвор за уривањето на мостот Моранди во Џенова во 2018 година, во кое загинаа 43 лица. Обвинителите бараа многу подолга казна за него, објави Би-Би-Си. Кастелучи беше еден од 57-те обвинети на судење во Џенова. Тој веќе отслужува шестгодишна затворска казна за сообраќајна несреќа во 2013 година. Друг висок функционер на компанијата, Микеле Донфери Мители, беше осуден на 11 години затвор. Мостот се урна за време на силен дожд во средината на туристичката сезона, а автомобили и камиони паднаа од висина на земја. Емануел Дијаз, чиј брат Хенри загина во несреќата, за италијанската телевизија изјави дека е „многу задоволен“ од пресудата. Егле Посети, која ги загуби сестра си и семејството во уривањето, верува дека 12-годишната казна што му е изречена на Кастелучи е „прифатлива“. Новиот директор се извини Сегашниот извршен директор на „Аутостраде“, Ариго Џана, денес издаде јавно извинување во отворено писмо објавено во еден голем италијански дневен весник. „Дејствијата и одлуките на некои луѓе оставија неизбришливи лузни“, напиша Џана, кој дојде на чело на „Аутостраде“ минатата година. „Денес да се издаде извинување кое тогаш не беше изречено е морална обврска за нас што оди подалеку од утврдувањето на правната одговорност и текот на правдата според вистината“, додаде тој. „Аутостраде“ и нејзината подружница претходно постигнаа договор за корпоративна одговорност. Тие платија околу 30 милиони евра финансиски казни. Ова им овозможи на компаниите да избегнат судење како корпоративни обвинети и можни построги санкции, вклучително и исклучување од јавни договори. Новиот мост, дизајниран од италијанскиот архитект Ренцо Пијано, роден во Џенова, беше отворен во 2020 година.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МакедонијаНов обид за набавка на 150 електрични автобуси - четири компании во трка за големиот тендерЧетири компании доставиле понуди на повторениот тендер за набавка на 150 електрични автобуси и 75 станици за полнење, наменети за јавниот превоз во Скопје и во другите градови низ државата. Министерот за транспорт Александар Николоски најави дека во понеделник јавноста ќе биде информирана за резултатите од евалу-ацијата.. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиКос: Македонија е една од најдобрите земји во реформите, но мора да ги донесе уставните измени15:07Николовски: Постигнат е договор со Швајцарија, Хрватска и Романија , а во тек се преговори и со други земји11:08Стевчо Јакимовски доброволно замина во затворот „Скопје“ 18:05Истекува крајниот рок за Изборниот законик партиите останаа без договор15:00Мицкоски: Изборниот законик е дел од реформите за ЕУ, тоа јасно го кажа еврокомесарката Март Кос12:08
Николовски: Постигнат е договор со Швајцарија, Хрватска и Романија , а во тек се преговори и со други земји11:08
Мицкоски: Изборниот законик е дел од реформите за ЕУ, тоа јасно го кажа еврокомесарката Март Кос12:08
ЕвропаШпанија прими над милион барања за легализација на статусот на мигрантитеШпанија прими повеќе од еден милион барања во рамки на вонредната програма за легализација на статусот на мигрантите, што е двојно повеќе од првичните проценки на владата.Властите имаат рок од три месеци да ги разгледаат барањата и да одлучат дали ќе издадат дозволи за престој и работа.. Премиерот Педро Санчез изјави дека мерката е неопходна за шпанската економија и за интеграција на стотици илјади луѓе кои живеат во земјата.. Владата најави и интеграциски план вреден 500 милиони евра, кој ќе опфати стручно оспособување, учење јазици и зајакнување на јавните услуги.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter