Актерот гостувал во ток-шоуто „Џими Кимел во живо!“ во кое рекол дека му биле извртени зборовите и дека испаднало дека ја критикувал поранешната сопруга. Тој рече дека тоа го повредило бидејќи испаднало дека е „најлошиот, бесчувствителен, глупав и ужасен тип“ и нагласи дека во своите изјави рекол дека ја почитува Џенифер Гарнер и дека неговите деца секогаш се на прво место.

„Потоа зборував за тоа колку се почитуваме, колку се грижиме еден за друг и за нашите деца. Пишуваше дека ја обвинувам поранешната сопруга за мојот алкохолизам, дека сум бил заробен во тој брак. Се испостави дека јас бев најлошиот, бесчувствителен, глупав и ужасен тип. Ме повреди“, изјави Афлек.

Тој додаде дека не бил подготвен за негативни реакции по интервјуто во шоуто на Хауард Стерн.

„Разговаравме многу за моето семејство, алкохолизмот, вистинските проблеми, како да бидам одговорен и сакан, како работам со поранешната сопруга, како се гордеам со тоа како заедно ги воспитуваме нашите деца, како даваме се од себе. Бев воодушевен и мислев дека треба да бидам поискрен и самокритичен. И тогаш ги видов сите овие работи на Твитер и се запрашав, што е ова?“ изјавил актерот.

Неговата поранешна сопруга Џенифер Гарнер не била пресреќна од изјавите кои му ги дал на радио водителот Хауард Стерн и таа се чувствувала повредена, изјавил извор за Six. Изјавите наводно ја налутиле и неговата сегашна девојка, пејачката Џенифер Лопез.

"Ја вовлекуваат и неа, иако е непотребно. Не сака да биде дел од тоа. Ја запознала Џенифер Гарнер. Се обидува да биде добра со неа и децата на Бен. Тој беше невнимателен", рекол изворот.

Да потсетиме, актерот во радио емисијата на Хауард Стерн изјавил дека се чувствувал заробен во бракот и затоа почнал да пие.

„Веројатно сè уште ќе пиев. Тоа е дел од причината зошто почнав да пијам бидејќи бев заробен. Мислев дека не можам да заминам поради моите деца, но не бев среќен. Потоа ќе испиев шише виски и ќе заспиев на каучот, што се покажа како лошо решение “, изјави актерот во емисијата на популарниот радио водител.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.