Живот

Белгиски божиќни традиции

Чествувањето на Божик се разликува од земја до земја, па дури и од регион до регион.

Некаде божиќните подароци се разменуваат на Бадник, некаде на Божиќ, во некои места како главен оброк се служи мисиркино месо, на други шунка, а некаде се претпочита морската храна. Свои специфики во чествувањето на Божик има и Белгија.

По традиција во Белгија за бадниковата вечера се собира целото семејство. Традиционалната вечера, се состои од три дела – се започнува со пијалак и предјадење, многу често супа, морска храна или апетисани, потоа следува главното јадење, најчесто печена полнета мисирка или дивеч и се завршува со десерт.

На ручекот на Божик пак се собира потесното семејство и тука по правило се служат специјалните колачи кои се приготвуваат за време на божиќните празници.

Неодминлив дел од секоја бадникова вечера или божиќен ручек е компирот, подготвен на различни начини, а особено се популарни крикетите од компири.

Традиционален белгиски десерт е Божиќната торта, која е ролатот направен од пандишпан премачкан со крем и прекриен со глазура од чоколадо и путер.

Во некои семејства се служи и т.н. „Пита на тројцата мудреци“. Станува збор за леб во кој е сокриен „фев“, кој може да биде некоја ситница, верски симбол, пластична или порцеланска мала фигура, златна паричка или дури зрно грав. „Питата“ се дели меѓу сите присутни на оброкот и оној кај кој ќе се падне „февот“ е крал или кралица на денот.

Традиционално во пресрет на Божиќ се кити елка со лампиони, светилки, ленти и ѕвезда на врвот. До елката, некои ставаат и украси што го симболизираат Христовото раѓање.

Покрај во домот, оние што живеат во куќи, обично во руралните средини, украсуваат елки и во своите дворови и поставуваат „сцени од Христовото раѓање“ во природна големина.

Со светилки, венци и ленти се украсуваат и куќите, во дворовите се поставуваат фигури на Дедо Мраз, санки и Ирваси, а многу често се пушта и пригодна музика.

Свети Никола и Црниот Пит

Во Белгија „задолжени“ за делење подароци се Свети Никола и неговиот помошник Црниот Пит. Така, Свети Никола се чествува на неговиот роденден – 6 декември, традиција кој според некои преданија датира од третиот век.

Но, Свети Никола уште на 4 декември доаѓа од Мадрид за да оцени кои деца биле добри и заслужуваат подароци, а кои биле лоши и нема да добијат ништо.

Следниот ден децата ги остават своите чевли или корпи пред вратата заедно со подарок или закуска за Свети Никола, од кого очекуваат да им донесе подароци и бонбони. Подароци се оставаат и за Црниот Пит, а понекогаш и сено за коњот на Свети Никола. Подароците вклучуваат колач од ѓумбир, мандарини или детски цртежи. Свети Никола пристигнува на покривот со својот коњ, по што Црниот Пит се симнува по оџакот и ги остава подароците за децата.

На самиот ден на Свети Никола – 6 декември, претпладнето се оди на црковна служба, по што се организира богат семеен ручек, кој задолжително вклучува колачи и пудинзи.

Кога станува збор за божиќните подароци, тука Свети Никола и Црниот Пит немаат никакви обврски, туку најчесто подароците за децата се оставаат под накитените елки на божиќното утро.

Божиќни панаѓури

По традиција во пресрет на Божик во белгиските населени места се организираат божиќни панаѓури, каде на тезги и штандови се продаваат занаетчиски производи, подароци, храна и пијалаци.

Божиќните панаѓури по правило се одржуваат на централните плоштади, но не ретко се организираат и во општинските згради или пак со поставување тезги и штандови пред локалните кафулиња.

Панаѓурите вообичаено траат во периодот на Адвентот, чествување кое трае четири седмици пред Божик. Адвентот се чествува со палење свеќи. Традиционално има четири свеќи во разни бои, кои се поставени на венец од гранки од елка или бор и се палат една по една секоја недела пред Божик.

„Среќен Божик“

Зборовите со кои се честита Божик во Белгија зависат делот во земјата во кој се наоѓате. Во регионот Фландрија, односно северната половина од Белгија, се говори белгиска верзија на холандскиот јазик, наречен уште и фламански, во јужната половина, односно регионот Валонија се зборува францускиот јазик, а на крајниот исток на земјата доминира германскиот.

Па така, во Фландрија Божик се честита со зборовите „Vrolijk Kerstfeest“, во Валонија со „Joyeux Noel“, а во деловите на германското говорно подрачје со „Frohe Weihnachten“, а сите едноставно значат „Среќен Божик“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Нови жестоки судири во Тирана покажуваат снимките со дрон- полицијата со апел до родителите (ВИДЕО)

Според најновите извештаи, ситуацијата во Тирана останува напната! Трет ден по ред избувнаа судири меѓу полицијата и демонстрантите.

Екипата на Indeksonline е на местото на настанот и носи снимки од областа.

Генералниот директор на државната полиција, Скендер Хита, на прес-конференција одржана во просториите на Генералниот директорат на државната полиција изјави дека 71 полицаец биле повредени во насилни инциденти за време на тридневните протести во Тирана.

Хита апелираше до родителите и едукаторите да не дозволуваат децата и учениците да се користат како штитови во насилни дејствија насочени против институциите и приватниот имот.

Тагови: Тирана

Метео

Утре врнежливо време, во текот на викендот сончево

Утре времето ќе биде променливо облачно со повремени локални врнежи од дожд, информираат од УХМР.

МАКСИМАЛНА ТЕМПЕРАТУРА (во оС)

7 Попова Шапка, 10 Крушево, 11 Маврови Анови, 14 Крива Паланка, Претор, Прилеп, Берово, 15 Штип, 16 Битола, Виница, 17 Скопје-Петровец, Тетово, Охрид, Кавадарци, 18 Скопје-Зајчев Рид, Велес, 19 Демир Капија, 20 Струмица, Гевгелија.

ВРЕМЕТО ДЕНЕСКА И ДО КРАЈОТ НА ДЕНОТ

Претпладне времето беше сончево со мала до умерена, а во северните делови наместа имаше зголемена облачност. Дуваше слаб до умерен, а долж Повардарието повремено засилен ветер од северен правец со брзина над 55 km/h.

До крајот на денот времето ќе биде променливо облачно. Ќе дува слаб до умерен северен ветер, поизразен долж Повардарието.

ВРЕМЕТО УТРЕ

Променливо облачно со повремени локални врнежи од дожд. На некои од повисоките планини врнежите ќе преминат во слаб снег. Ќе дува умерен, наместа долж Повардарието повремено засилен ветер од северен правец. Минималната температура ќе биде во интервал од 1 до 10, а максималната ќе достигне од 11 до 19 степени.

Во Скопје, променливо облачно со повремен дожд. Ќе дува умерен, во делови од котлината повремено засилен ветер од северен правец. Минималната температура ќе се спушти до 6, а максималната ќе достигне до 16 степени.

ВРЕМЕТО ВО НАРЕДНИТЕ ДЕНОВИ

Во деновите од викендот и во почетокот на новата седмица ќе преовладува сончево и стабилно време со променлива облачност во текот на денот.

Автомобилизам

БМВ ја претстави новата блиндирана лимузина- отпорна е на вообичаените закани (ФОТО)

BMW го претстави Concept 7 Protection, блиндиран седан наменет за секојдневна употреба.

Автомобилот е базиран на серијата 7 и има за цел да обезбеди заштита од вообичаени закани како што се грабежи, сообраќајни инциденти и други опасности на градските улици што ги засегаат деловните луѓе и приватните сопственици. За разлика од специјализираните блиндирани возила, овој концепт комбинира безбедност, удобност и целосна дискреција, така што неговиот изглед не се разликува од стандардните модели.

Скриен оклоп и хибридна моќност

БМВ веќе нуди фабрички блиндирани верзии на серијата 7 и i7 со висок степен на балистичка заштита. Овој концепт е развиен како можен додаток на таа понуда, а не како замена. Проектот е сè уште во фаза на студија и истражува колку заштита од муниција за пиштол може да се вгради во полесно возило без да се наруши дискрецијата.

Моделот M760e xDrive послужи како основа за Concept 7 Protection. Неговиот plug-in хибриден погон комбинира 3,0-литарски шестцилиндричен мотор и електричен мотор, и заедно развиваат 603 коњски сили и 800 Nm вртежен момент. Оваа моќност гарантира дека перформансите на блиндираната лимузина не заостануваат зад стандардната верзија и не изгледаат бавно во секојдневното возење.

Подебело стакло отпорно на куршуми и балистички челик во вратите се скриени под стандардната каросерија. Другите делови се зајакнати со композитни материјали. BMW наведува дека овие елементи се целосно невидливи, со што се одржуваат фабричките пропорции на автомобилот и изгледот на ентериерот, така што дополнителната заштита не привлекува внимание.

„Заштитните елементи се дискретно интегрирани во возилото и го зачувуваат престижниот изглед на луксузната лимузина“, истакнаа од BMW. Компанијата воведе и интерфонски систем кој им овозможува на патниците да комуницираат со луѓе надвор од автомобилот без да отвораат прозорци или врати.

Заштита од вообичаени закани

Концептот е дизајниран според новиот BayB стандард за возила за цивилна заштита во урбани средини. BayB стандардот е насочен кон заштита од вообичаени закани со пиштол, а не напади со воено оружје. Автомобилот е сертифициран како отпорен на муниција 9x19mm и помоќниот куршум .44 Magnum, кои често се користат во вооружени грабежи и улично насилство.

Ова се разликува од стандардните модели од серијата 7 Protection и i7 Protection, кои BMW веќе ги нуди со заштита на ниво VR9 и опционален VPAM 10 сертификат. Овие нивоа на заштита се наменети за оклоп што штити од муниција за пушки и експлозии, и се наменети за дипломати, шефови на држави и други лица со висок безбедносен ризик.

Концепт 7 Protection е насочен кон она што BMW го опишува како секојдневни, ситуациски ризици, како што се обиди за кражба на возила, сообраќајна агресија или заседи пред дом или деловен простор. Во однос на нивото на заштита, е под целосно оклопните модели, но е многу сличен на нив во однос на изгледот и карактеристиките на возењето.

BMW вели дека овој автомобил ја покажува насоката во која би можела да се прошири нивната понуда. „BMW Concept 7 Protection дава увид во потенцијалното проширување на портфолиото на заштитни возила на BMW за нови профили на клиенти“, објави компанијата. Моделот е наменет за приватни и деловни корисници кои сакаат фабричко ниво на безбедност без визуелна робусност и голема маса возила за дипломати. BMW сè уште не објави цена или можен датум за почеток на производството.

Тагови: бмв лимузина