Свет

Белата куќа се очекува да испрати повеќе ATACMS системи во Украина

САД планираат да испратат дополнителен број армиски тактички ракетни системи во Украина, како дел од новиот пакет воена помош од 300 милиони долари, наведуваат двајца американски функционери запознати до темата.

Политико

САД планираат да испратат дополнителен број армиски тактички ракетни системи во Украина, како дел од новиот пакет воена помош од 300 милиони долари, наведуваат двајца американски функционери запознати до темата.

Според еден од официјалните лица, САД ќе испратат во Киев дополнителни противпешадиски/противматеријални или АПАМ проектили, што се постара верзија на ATACMS системот со долг дострел. Ракетите имаат домет од 100 милји и носат боеви глави со стотици касетни бомби. На официјалните лица им беше дозволена можноста анонимно да зборуваат.

САД прво открија дека во септември тајно испратиле првична пратка од APAM, откако претседателот Џо Бајден го одобри планот да му се обезбеди на Киев оружје со поголем дострел. Администрацијата со недели дебатира за испраќање дополнителни ATACMS, додека Украина се бори да ја спречи Русија да постигне предност на бојното поле, наведува претставник на Министерството за одбрана.

Белата куќа во вторникот објави дека ќе испрати „итен“ пакет помош за Украина, вклучително и артилериски гранати и дополнителни гранати за хаубици од 155 милиметри и Повеќекратен ланисирен систем со наведувани ракети.

Советникот за национална безбедност Џејк Саливан соопшти дека Пентагон може да ги искористи заштедите на трошоците од претходните договори за да направи „скромна сума“ за нова безбедносна помош достапна токму сега, без да влијае на подготвеноста на американската војска.

Ако историјата е некаков водич, ATACMS може да не се појави на јавната листа на оружја вклучени во најновиот пакет. Официјалните лица не открија дека ја обезбедиле ракетата во првата пратка минатото лето, поради загриженоста за оперативната безбедност.

Запрашан во вторникот дали проектилот се наоѓа во најновиот пакет, Саливан кажа дека нема најави на оваа тема.

Веста доаѓа во момент кога Конгресот е во застој со усвојувањето на дополнителното барање на Бајден што вклучува дополнителни финансии за војната во Украина, како и помош за Израел и Тајван. Пентагон од декември не може да испрати дополнително оружје во Киев, кога остана без пари за да ги надополни своите резерви. На војниците на фронтот им снемува муниција и средства за противвоздушна одбрана додека пратениците се расправаат околу законодавството.

Бајден во вторникот се сретна со двајцата водечки полски лидери, жестоки политички ривали, за да им соопшти дека разликите треба да се остават настрана за одбраната на Украина.

Додека Украинците ќе го поздрават доаѓањето на новото оружје, најновиот пакет е само привремено решение. Официјални лица на Пентагон велат дека сè уште имаат потреба од целосно покривање на трошоците за надополнување на оружјето, во вредност од повеќе од 10 милијарди долари, што беше испратено во Киев од сопствените резерви на американската војска.

„Ова не е алтернативен пат за дополнување“, кажа друг официјален претставник за планот да се користат заштедите на армијата за Украина.

Живот

Судијата го одби барањето за поништување на судењето на Трамп за скандалот со порно ѕвездата

„Како можеме да излеземе од ова на начин што е фер за претседателот Трамп“, рече Бланш.

Судијата во кривичната постапка против Доналд Трамп во вторникот го одби барањето за поништување на судењето на адвокатот на Трамп, Тод Бланш, кој тврдеше дека сведочењето на порно ѕвездата Сторми Даниелс за нивната наводна афера во 2006 година е ирелевантно и само ќе ги разгори страстите на поротата.

„Како можеме да излеземе од ова на начин што е фер за претседателот Трамп“, рече Бланш.

Судијата Хуан Мерчан рече дека се согласува дека има елементи во нејзиното сведочење што би било подобро да не се кажат.

„Мислам дека беше малку тешко да се контролира сведокот. Мислам дека не сме во фаза кога поништувањето на судењето е оправдано“, рече Мерчан.

Предлогот беше поднесен неколку часа по нејзиното сведочење. Таа пред поротата кажа за нејзината наводна врска со Трамп и митото од 130.000 долари што го добила за да молчи кога тој се кандидираше за претседател во 2016 година.

Даниелс (45) рече дека одлучила тој инцидентот да остане приватен откако добила закана на паркинг во 2011 година, но се предомислила за време на кампањата во 2016 година, кога биле изнесени неколку обвинувања за сексуален напад против Трамп.

„Мојата мотивација не беа парите, сакав да ја раскажам приказната“, вели таа.

Трамп (77) се изјасни дека не е виновен за фалсификување деловни книги за да се прикрие давање мито на Даниелс.

Тој негира дека имал секс со Даниелс, а неговите адвокати тврдат дека таа го измислила затоа што сакала да се појави во шоуто на Трамп „The Apprentice“.

Даниелс потврди дека се надевала дека Трамп ќе ја ангажира во шоуто по нивниот однос.

Свет

Нетанјаху незадоволен од предлогот на Хамас за прекин на огнот во Газа

Израелскиот премиер Бенјамин Нетанјаху синоќа изјави дека не е задоволен од новиот предлог на Хамас за прекин на огнот, а Хамас предупреди дека нема да има договор доколку продолжи израелската агресија врз Појасот Газа.

Нетанјаху кажа дека новиот предлог на Хамас за прекин на огнот е далеку од основните барања на Израел, додавајќи дека сè уште е неопходен воен притисок за ослободување на заложниците што Хамас ги држи во Појасот Газа.

Израелските сили вчера рано утрината ја окупираа палестинската страна на граничниот премин во Рафа, што Нетанјаху го оцени како „многу значаен чекор кон уништување на преостанатите воени капацитети на Хамас“.

Со оваа воена операција е прекинат клучниот пат за помош до Појасот Газа, што веќе е на работ на глад.

Официјалниот претставник на Хамас, Осама Хамдан, вчера предупреди дека нема да има прекин на огнот доколку продолжи израелската агресија врз Појасот Газа.

Хамдан ова го изјави на прес-конференција во Бејрут, а делегацијата на Хамас во меѓувреме пристигна од Доха во Каиро за да ги продолжи преговорите за прекин на огнот, соопшти Хамас.

-Тврдиме дека воената операција во Рафа нема да биде пикник за (израелската) армија, рече Хамдан.

„Топката е во теренот на Нетанјаху“, додаде тој.

Тој посочи дека новиот предлог за прекин на огнот со кој се согласи Хамас е „минимумот што одговара на барањата на нивниот народ и неговиот отпор“.

-Преминот Рафа беше и ќе остане исклучиво египетско-палестински премин, рече Хамдан.

Македонија

Состојба на патиштата

 АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони.

Сообраќајот на државните патишта се одвива непречено, по претежно суви коловози.

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Патниот правец Охрид – Ресен, преку националниот парк Галичица од 01.04.2024 е пуштен за сообраќај за сите видови возила со вкупна тежина до 3.5 тони.

притисни ентер