Бектеши: Со процесот на дигитализација во државата ќе се рационализираат парафискалните давачки - Канал 5

Македонија

Бектеши: Со процесот на дигитализација во државата ќе се рационализираат парафискалните давачки

Парафискалните давачки често се спомнувани од бизнис заедницата како фактор кој влијае на конкурентоста на економијата.

Бектеши: Со процесот на дигитализација во државата ќе се рационализираат парафискалните давачки

Земајќи ги во предвид барањата од бизнис секторот за поголема предвидливост и рационалност на административното оптоварување од таканаречените парафискални давачки, а воедно и реализирајќи активности предвидени во Акцискиот план за Стратегијата за неформална економија, Министерството за економија почнувајќи од 2019-та спроведе низа на активности за мапирање и анализа со крајна цел –предлози за оптимизирање на парафискалните давачки, кажа министерот за економија Крешник Бектеши на на панел дискусијата „Политики за рационализација на парафискалните давачки и реформи за повисока конкурентност” во рамки на Економскиот форум „Парафискални давачки-мало делче во сложувалката на конкурентноста”, во организација на Фајнанс тинк.

„Како прва активност која се спроведе беше мапирањето на парафискалните давачки користејќи ги податоците од каталогот на е-услуги на МИОА што резултираше во листа од 377 парафискални давачки. Беше формирана работна група со претставници од сите релевантни институции која преку еден инклузивен процес со активно учество на бизнис заедницата преку стопанските комори ги разгледува и дава предлози и мислења за парафискалните давачки во земјава.

Почнувајќи од Април 2022-ра година, Министерството за економија го спроведува проектот “Рационализација на парафискалните давачки” со техничка поддршка од Делегацијата на Европската Комисија. Анализите кои ги направија експертите ангажирани во рамките на проектот во соработка со сите релевантни чинители покажаа дека постои потреба за подобро системско уредување на парафискалните и останатите такси и давачки од неданочна природа во земјава, но и зголемена свест со цел диференцирање на парафискалните од останатите давачки и такси од неданочна природа. Ова дотолку повеќе што анализите направени во рамките на проектот покажаа дека од вкупно 377 давачки, дури 255 се административни такси и се регулирани во тарифникот на Законот за административни такси, останати неданочни плаќања регулирани со други материјални закони се вкупно 117, додека давачки кои се наплаќаат од самостојни органи на управа и се воедно давачки од кои одат директно во буџетот на органот се вкупно 46“ кажа Бектеши.

Според министерот процесот на системско уредување на овие давачки бара донесување на акти кои ќе ја дадат правната рамка за воспоставување, следење и надзор на давачките од неданочна природа, вклучувајќи ги и парафискалните давачки, како и креирање на алатки за понатамошно систематизирање на давачките што ќе обезбеди поголема предвидливост и транспарентност.

„Битно е да се истакне дека оптимизацијата на овие давачки е процес кој треба да обезбеди правичност, водејќи сметка за интересите на бизнисите, но и водејќи сметка за реална процена на цената на чинење на определени услуги, имајќи во предвид дека неданочните давачки се приход од кој се обезбедува непречено фукнционирање на определени институции и на државните институции воопшто“ потенцираше министерот и додаде дека важно е да се каже дека дигитализацијата на услугите која интензивно се одвива во државата, дава дополнителен инпут во процесот на рационализација на парафискалните и останатите неданочни давачки, преку интероперабилноста и намалувањето на времето и трошоците за добивање на определени услуги.

„Остануваме посветени на овој процес како Министерство за економија, но и како Влада со сите чинители и засегнати страни. Задоволни сме што успеавме да отвориме една поширока дебата за овие теми кои се од исклучително значење за бизнис секторот, но и за државата воопшто и се надеваме дека оваа дебата наскоро ќе резултира со решенија кои ќе значат подобро бизнис опкружување и зголемување на конкурентноста на компаниите, но и подобро и поорганизирано воспоставување и следење на неданочните приходи во државата“ кажа Бектеши, соопшти Министерството за економија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Пожар на експресниот пат Штип- Кочани, сообраќајот во прекин (ВИДЕО)

На социјалните мрежи се појави снимка од голем пожар покрај експресниот пат Штип- Кочани.

Пожар на експресниот пат Штип- Кочани, сообраќајот во прекин (ВИДЕО)

Поради силината на пожарот, сообраќајот вечерва е во прекин.

На учесниците во сообраќајот им се препорачува, доколку е можно, да користат алтернативни патни правци и да не се упатуваат кон зафатената делница додека трае интервенцијата на противпожарниоте служби.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДОМ: Одлуки за дата-центри зад затворени врати не смее да има!

ДОМ бара да се стопира нетранспарентната постапка за дата-центарот во пресрет на утрешното гласање на советот во Пехчево.

ДОМ: Одлуки за дата-центри зад затворени врати не смее да има!

Недозволиво е за проект со потенцијално сериозно влијание врз водата, енергијата, природата и локалната заедница да се одлучува зад затворени врати, без доволно информации, јасни анализи и вклученост на експертите граѓаните.

Како што истакнавме во неколку наврати, дигиталниот развој не смее да биде изговор за нетранспарентност и игнорирање на јавниот интерес.

Одлуките за вакви проекти мора да се носат транспарентно, одговорно и заедно со граѓаните, а никако зад затворени врати, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Жешкото лето скапо ги чини Германците- штетата од сушата е проценета на 36 милијарди евра

Екстремната топлина и неколкунеделната суша предизвикаа штета од најмалку 36 милијарди евра на германската економија ова лето, проценува Гринпис. 

Жешкото лето скапо ги чини Германците- штетата од сушата е проценета на 36 милијарди евра

Ова одговара на 0,8 до 0,9 проценти од вкупната економска активност во земјата. Проценката ги вклучува економските загуби поради пропаднати земјоделски култури, пожари и трошоци за здравство, како и загубите на продуктивност и трошоците за образование предизвикани од високите температури.

„Ова лето, обележано со топлина и суша, беше катастрофа за милиони луѓе и економијата“, рече финансискиот аналитичар на Гринпис, Маурисио Варгас.

Температурниот рекорд беше соборен три дена по ред

Националниот температурен рекорд беше соборен три дена по ред во јуни, а највисоката температура од 41,7 степени Целзиусови беше измерена во сојузната покраина Бранденбург на истокот од земјата. Во последните недели избувнаа бројни големи шумски пожари. Гринпис проценува дека десетици милиони работни часови се изгубени поради топлината, додека се очекува долгиот сушен период значително да ги намали приносите во некои делови од земјата.

Внатрешната речна пловидба мораше да биде суспендирана во одредени делови поради екстремно ниските нивоа на водата на големите реки како што е Рајна. Индустриите што зависат од големи количини суровини и полуготови производи се особено погодени, вклучувајќи ја хемиската, челичната и нафтената индустрија.

Најголемите загуби се должат на пад на продуктивноста

Гринпис нагласи дека ова е проценка заснована на нецелосни податоци, но верува дека сепак е важно да се пресмета обемот на економската штета предизвикана од високите температури. Најголемата единствена ставка на штета се однесува на губење на продуктивноста.

Според проценката, околу 25 дена екстремна топлина предизвикаа загуби од 10,8 милијарди евра поради пониска продуктивност и поголемо отсуство од работа. Штетата во шумите беше проценета на 5 до 7,5 милијарди евра, додека трошоците за здравство достигнаа 6,9 милијарди евра. Земјоделството, внатрешната пловидба и образованието исто така беа значително погодени.

Гринпис предупредува дека сè уште не е можно да се пресметаат некои сериозни последици, вклучувајќи го и влијанието врз енергетскиот систем поради недостатокот на вода за ладење и зголемувањето на концентрацијата на озон и мали честички од загадувањето на воздухот предизвикани од високите температури.

„Со оваа пресметка, не е можно да се вклучат сите штети предизвикани од екстремни временски услови како што е топлотниот бран оваа година“, предупреди Варгас.

Тагови: лето суша

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер