Македонија

Беким Сали: Пораките од Европскиот парламент се потврда дека Македонија има реална европска перспектива

Првиот заменик-претседател на Владата и министер за европски прашања, Беким Сали, ја поздрави расправата во Европскиот парламент по Извештајот за Македонија.

Првиот заменик-претседател на Владата и министер за европски прашања, Беким Сали, ја поздрави расправата во Европскиот парламент по Извештајот за Македонија, оценувајќи дека пораките упатени од европратениците претставуваат силна потврда за европската перспектива на државата и дополнителен поттик за продолжување на реформскиот процес.

Во рамки на дебатата, известувачот за Македонија во Европскиот парламент, Томас Вајц, испрати охрабрувачки пораки за европската перспектива на државата, истакнувајќи дека земјата има капацитет и потенцијал да биде дел од следниот бран на проширување на Европската Унија.

„Ова е значајна порака која доаѓа во важен момент за нашата држава. Фактот што во Европскиот парламент се препознава напредокот на Македонија и се истакнува можноста земјата да стане следна членка на Европската Унија претставува охрабрување за сите институции да продолжат со уште посилно темпо на реформи. Европа ја гледа Македонија како дел од европското семејство, а наша обврска е преку резултати да ја оправдаме таа доверба“, изјави Сали.

Тој нагласи дека Владата останува целосно посветена на спроведувањето на реформите во владеењето на правото, јавната администрација, економскиот развој и зајакнувањето на демократските институции, како клучни предуслови за напредок во евроинтегративниот процес.

„Членството во Европската Унија не е само надворешнополитичка цел, туку стратешки избор кој носи посилни институции, економски развој и повеќе можности за граѓаните. Нашата европска перспектива е јасна и остварлива. Денешната дебата во Европскиот парламент е потврда дека местото на Македонија е во Европската Унија. Наша одговорност е преку реформи, резултати и политичка зрелост да го искористиме овој моментум и да ја приближиме државата до полноправно членство во европското семејство“, истакна Сали.

Во однос на сите прашања разгледувани во рамки на Извештајот, Сали нагласи дека Македонија останува посветена на европските вредности, добрососедските односи и конструктивниот дијалог, во согласност со преговарачката рамка и принципите на Европската Унија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Жешката Џеј Ло цел на критики за најсекси изданието што го покажа: „Премногу вулгарно“

Фотографиите на светската музичка ѕвезда Џенифер Лопез од Кан се уште се актуелна тема на социјалните мрежи, иако поминаа неколку дена откако беа објавени...

Латино дивата Џенифер Лопез ужива невидена популарност откако нејзиниот најнов филм „Канцелариска романса“ ги сруши сите рекорди.

Повторно, нејзината завидна фигура се најде во центарот на вниманието, а потоа Џеј Ло „зачини“ сè со интересни објави на мрежите.

Сите ги видоа и коментираа фотките на атрактивната пејачка од Кан, на кои таа позираше во (можеби) најпровокативниот костим, целиот со отвори.

И покрај многуте фотки и коментари сите пропуштиле еден детаљ... Во серијата фотографии, има и една на која латино дивата позира во огледало, а тоа е многу провокативно.

Имено, Џеј Ло седеше на стол, додека ги крена нозете на масата и ги рашири, што им пречеше на многумина.

Иако е голема ѕвезда, многумина сметаа дека не треба да претерува, кога сигурно не и недостасува популарност. -

„Зошто користиш филтри ако си толку убава?“ „Ова е непотребно“, „Премногу вулгарно“, „Држи ги нозете заедно“, „Не ѝ треба ваков маркетинг“, беа само некои од коментарите.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Убавата Алесандра навива за Бразил

Легендарната манекенка и модел, Алесандра Амброзио воодушеви во бикини во боја на знамето. Убавицата дефинитовно е „Горда на своето потекло“.

Следбениците на Инстаграм ја „затрупаа“ со комплименти за нејзината совршена фигура.

Алесандра Амброзио повторно ги воодушеви своите следбеници на социјалните мрежи позирајќи покрај базенот во жолто-зелен костим за капење, додека во раката држи бразилско знаме.

Со коментар „Напред Бразил“, познатата манекенка повторно гордо го истакна своето потекло, што предизвика лавина од позитивни реакции.

Следбениците на Инстаграм ја обсипаа со комплименти за нејзината совршена фигура, оставајќи бројни пораки за поддршка, емотикони во форма на срце и бразилски знамиња.

Иако со години гради успешна меѓународна кариера, убавицата родена во Ерехим, која стекна светска слава како ангел на Викторија Сикрет и соработуваше со водечки модни куќи, докажа дека не ги заборава своите корени.

Тагови: Алесандра Амброзио

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Автобус се запали во близина на Бјеловар, Хрватска

Се запали пригратски автобус во Хрватска.

Рано утрово во автобус во приградската населба во Бјеловар, избувнал пожар, потврди Полициската управа Бјеловар-Билогора.

Во моментот на пожарот, во автобусот се наоѓал само возачот, кој успеал навреме да го напушти возилото, па затоа нема повредени, пишува МојПортал.

Пожарот брзо се проширил на автобусот, но пожарникарите набрзо пристигнале на местото на настанот и го изгаснале пожарот.

Поради интервенција и обезбедување на местото на настанот, државниот пат што поминува низ Рајиќ останува затворен за сообраќај, информираат хрватските медиуми.

Полицијата и другите надлежни служби спроведуваат истрага на лице место за да утврдат како настанал пожарот.

Сè уште не е познато што предизвикало пожарот во автобусот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.