Бајден го обвини Трамп дека ги претворил САД во бојно поле

Демократскиот кандидат за Белата куќа, Џо Бајден го обвини Доналд Трамп дека ги претворил САД во бојно поле, ветувајќи дека доколку победи на изборите во ноември, тој ќе стори сé за да ги „излечи расните рани“.

Смртта на 46-годишниот Афроамериканец Џорџ Флојд пред една недела во Минеаполис беше „повик за будење“ за нашата земја, „за сите нас“, рече поранешниот потпретседател на Барак Обама во говорот во Филаделфија.

Ова е прв пат од средината на март, Џо Бајден (77) да ја напушти својата држава Делавер, каде што бил во карантин поради пандемијата на коронавирус.

Убиството на Џорџ Флојд, кој се задушил затоа што полицаец му го притискаше вратот со колено, а сè беше снимано од минувачите, предизвика протести низ САД кои на некои места ескалираа во немири.

Бајден повеќе пати го осуди насилството, но денеска го обвини Доналд Трамп (73) за „претворање на земјата во бојно поле, поделено со старите непријателства и новите стравови“.

„Тој смета дека поделеноста ќе му помогне да победи на претседателските избори на 3 ноември”, рече демократот, кој има предност на анкетите.

Џо Бајден го критикуваше растурањето на „мирните протести со солзавец и шок бомби“ вчеравечер за да му се овозможи на Доналд Трамп да изврши „комуникациски потфат“, доаѓајќи пред црква во близина на Белата куќа со Библија во раката.

,,Гледајќи ја оваа сцена,со право можеме да заклучиме дека претседателот е повеќе преокупиран од моќта отколку од принципи. И дека тој е повеќе заинтересиран да ги задоволи страстите на својата база отколку потребите на оние за кои треба да се грижи“, рече тој.

"Не треба да бидеме наивни. Би сакал да кажам дека омразата што дојде со Доналд Трамп ќе исчезне со него. Но, не е така. Тоа нема да се случи. Американската историја не е бајка со среќен крај", призна демократот.

Сакајќи јасно да се дистанцира од републиканскиот милијардер, тој им вети на американските гласачи: „Јас нема да манипулирам со стравот и поделбата. Јас нема да ги распалувам пламените на омразата.Дојде време нашата земја да се ослободи од институционалниот расизам“, додаде тој, повикувајќи го Конгресот да „започне вистинска полициска реформа“ уште овој месец.

Обвинение против 95-годишен старец кој бил чувар во злогласен нацистички логор

Во германскиот град Вупертал е поднесено обвинение против 95-годишен старец, кој наводно бил чувар во нацистичкиот концентрационен логор Штутоф близу Гдањск, на територијата на Полска.

Официјални лица во моментов проценуваат дали неименуваниот маж може да се појави на суд и не се откриени дополнителни детали за обвинението.

Слично судење се спроведува во Хамбург против 93-годишен старец , кој исто така бил чувар на логор во близина на градот, тогаш познат како Данзиг. Тој е обвинет за учесник во најмалку 5.230 убиства.

Двајцата старци биле малолетни во моментот кога биле испратени во кампот, поради што предметите ги решаваат малолетнички судови.

Најмалку 60.000 луѓе загинале во Штутоф и тоа бил еден од последните ослободени логори, во мај 1945 година.

Премиерот на Федерацијата БиХ има коронавирус

Премиерот на Федерацијата Босна и Херцеговина, Фадил Новалиќ е позитивен на коронавирусот, јавуваат босанските медиуми.

Новалиќ ги почувствувал првите симптоми на неодамнешното одбележување на 25-годишнината од геноцидот во Сребреница со Мировен марш, а денеска имал треска, болки во мускулите и гадење.

Според медиумите, самиот Новалиќ побарал да биде тестиран.

БиХ денес има 90 нови случаи и ова е прв пат по подолго време бројот на ново заразени во таа земја да се спушти под 100. Пред два дена имало дури 316, што е највисоко од почетокот на епидемијата во таа земја.

Тој сега е во изолација, како и луѓето со кои комуницирал. Не се знае точно колку лица се во прашање, пишува Аваз. Ќе бидат тестирани и министрите со кои бил во врска последниве денови затоа што тој се приклучил на Мировниот марш по владината седница на ФБиХ.

Роналдо има проблеми поради видеото објавено од сестра му (ВИДЕО)

Аргентинскиот весник  Оле пишува дека Кристијано Роналдо ќе биде казнет со парична казна поради неговиот син Кристијано Роналдо Џуниор кој нелегално вози џет-ски во Мадеира, Португалија.

Не би било откриено толку лесно ако сестрата на Кристијано, Елма Авеиро, не објавила видео во кое 10-годишното дете вози џет-ски. Јасно е, споменатото видео наскоро исчезна од сите социјални мрежи.

„Дејли мирор“ пишува дека полицијата испитува кој е сопственик на спорниот џет-ски, а доколку се покаже дека Португалецот е сопственик, тој би можел да добие сериозна казна.

Шефот на крајбрежната полиција во Португалија, Гереиро Кардозо изјави дека е покрената истрага и дека е свесен за сè што се случило, со објавување на парична казна на ѕвездата на Јувентус.

Патем, Роналдо, игра во топ форма за Јувентус. 35-годишниот играч има постигнато 32 гола на 40 натпревари, а клубот од Торино се доближува до новата италијанска титула.

притисни ентер