Автомобилизам

Авто отпадите во Дубаи се преполни со егзотика (ВИДЕО)

Блискиот исток е новиот дом на сè поимпресивна колекција од супер автомобили и егзотични возила.

Некои од нив понекогаш страдаат во хаварија или сообраќајна несреќа. Овие оштетени возила често завршуваат на отпади, каде што се расклопуваат за резервни делови.

Тимот на Хагерти неодамна истражи некои од огромните гробишта на автомобили во Дубаи и наиде на неколку интересни откритија. Можеби најинтересен е Lotus Eletre.

Електричниот теренец на „Лотус“ треба да се појави во 2022 година, но испораките официјално нема да започнат до 2024 година. Примерокот пронајден на депонијата не покажува видливи надворешни оштетувања, па затоа многу од светло жолтите панели на каросеријата сè уште би можеле да се користат. Од механичка страна, јасно е дека воздушното потпирање откажало, поради што возилото седи пониско од вообичаеното. Рачките на вратите се исто така исфрлени, што дефинитивно укажува на некаков дефект. Точната причина за ненавремениот крај на овој Лотус не е позната, а претпоставките укажуваат дека овој технолошки напреден автомобил пропаднал во поплава.

Жолтиот Лотус Елетра е само еден од многуте спортски и луксузни автомобили натрупани на депониите во Дубаи. Познатиот автомобилски фотограф Лари Чен неодамна беше во обиколка на едно од овие огромни депонии и претстави разни оштетени автомобили како што се Бентли, Ролс-Ројс, Мекларен, Ферари, Ламборџини, Порше, Астон Мартин и Масерати.

Според Чен, тоа веројатно било едно од најшарените депонии што некогаш го посетил благодарение на впечатливите палети на бои што ги красат луксузните автомобили. Отпадот е многу добро организиран, со посебни простории наменети за различни делови од автомобили. Воопшто не е чудно со оглед на тоа што некои делови се особено барани, но исто така се неверојатно скапи. На пример, еден сет карбонско-керамички сопирачки може да чини до 50.000 долари кога ќе се купат нови.

Чен, исто така, посети отпад специјализиран за американски супер автомобили од брендови како што се Форд, Шевролет и Доџ, кој нуди резервни делови за потребите на тој специфичен пазар. Генерално, Чен беше импресиониран од разновидноста на возила за ентузијасти пронајдени на депонијата – глетка невозможно да се види на авто отпадите во Америка или Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Филипче молчи за дипломатскиот преседан кој го направи Бугарија за да не си ги наруши личните релации со нив

Владата предводена од ВМРО-ДПМНЕ постојано работи да ја зајакне меѓународната позиција на Македонија, работи на развој на економијата и на подобрување на животниот стандард на граѓаните.

Од друга страна, од СДС и од опозицијата се трудат да и штетат на Македонија.

Кога во прашање се доведуваат државни интереси, без разлика дали станува збор за власт или опозиција, треба да се бранат истите.

Дипломатскиот преседан што го направи Бугарија со објавување на дипломатска нота која содржи информации од безбедносен карактер поврзани со семејството на претседателот на Владата, ни Венко Филипче, ни некој од СДС не го осуди.

Од опозицијата повторно молк, повторно немање реакција ни став.

Оттука, може да се заклучи дека молкот на Филипче значи дека тој повеќе се грижи да не ги наруши личните односи со Софија, отколку да ги брани националните позиции.

Венко Филипче никогаш нема да го видите да застане на страната на Македонија, тој се позиционира таму каде што има корист, а во случајов на страната на Бугарија.

Него не го засега Македонија, ни македонските граѓани, тој има свој зацртан пат да слугува на Бугарија, оти мисли дека ќе добие нешто за возврат.

Така ја кодошеше и државата, така вели дека ќе потпише уставни измени со што Бугарите би биле внесени во македонскиот Устав, без гаранции, оти за него ништо не значи тоа.

За Филипче не е важно што ќе распродаде, ако за возврат добие нешто за себе.

Тоа е разликата меѓу ВМРО-ДПМНЕ и СДС. Тоа што на чело на некогашната голема СДС стои човек кој веднаш би направил ново национално предавство, а луѓето кои ги има поставено околу себе се спремни да го поддржат во тоа.

ВМРО-ДПМНЕ ќе продолжи доследно да ги брани македонските национални интереси, достоинството и позициите на Македонија, затоа што тоа е наша обврска кон граѓаните и државата.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски формира нов сателит – ЗНАМ 2.0

ЗНАМ се распаѓа и веќе не постои ниту во анкетите ниту во гласови.

Последните двајца што останаа, Максим Димитриевски и Горан Минчев се тепаат за фотелји и ги делат последните тендери за да ја наплатат својата улога на последните избори, кога ја предадоа својата партија, а потоа и своите гласачи.

Христијан Мицкоски веќе работи на создавање на нов инструмент, нов сателит- ЗНАМ 2.0, кој треба да му послужи за разбивање на опозициските гласови на следните избори.

ВМРО загуби 150 илјади гласови, поддршката им се намалува од ден на ден, резултати нема.

Буџетот е во колапс, а веќе нема пари ниту за редовна исплата на пензиите.

Затоа на Мицкоски му се брза да создаде нов инструмент за манипулација на изборниот процес и збунување на гласачите.

ЗНАМ 2.0 е уште еден проект во низата обиди на Мицкоски да ја одржи власта по секоја цена.

Но граѓаните веќе ја препознаа оваа игра на Мицкоски и нема да дозволат да бидат измамени.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Делови од Драчево и Влае денеска без струја

Поради планирани технички зафати во електродистрибутивната мрежа, денеска (29 јуни) без електрична енергија ќе останат делови од општините Кисела Вода и Карпош, информираат од ЕВН Македонија.

Од ЕВН Македонија АД известуваат дека денеска без електрична енергија ќе останат:

– Улицата Герника бр.8 и бр.10 Драчево, општина Кисела Вода, од 5:00 до 13:00 часот;

– Улицата Иван Хаџиниколов бр.3 и бр.5 Драчево, општина Кисела Вода, од 5:00 до 13:00 часот;

– Улицата Вангел Дину и дел од непарни броеви на улицата Франц Прешерн, населба Влае, општина Карпош, од 9:00 до 13:00 часот.

Тагови: ЕВН

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.