Австралија воведува посебни возачки дозволи за возење суперспортски автомобили - Канал 5

Автомобилизам

Австралија воведува посебни возачки дозволи за возење суперспортски автомобили

Причината е несреќа во која загина петнаесетгодишно девојче.

Австралија воведува посебни возачки дозволи за возење суперспортски автомобили

Се случила во 2019 година, додека Софија Нејсмит одела по тротоарот. Ја прегази Ламборџини Хуракан откако возачот изгубил контрола над автомобилот поради несоодветна брзина. Поради тоа, властите на Јужна Австралија одлучија да воведат посебни возачки дозволи за сопствениците на спортски автомобили.

Т.н UHPV (возила со ултра висока моќност) кои се дефинирани сопоред специфичната моќност. Поточно, станува збор за возила полесни од 4500 kg чија специфична моќност надминува 276 kW по тон. Од оваа одредба се исклучени автобусите и мотоциклите, но се проценува дека и понатаму ќе подлежат на околу 200 модели.

Возачите на вакви возила ќе треба да поминат посебен тест за да добијат У дозвола. „Овој тест е моментално во развој и ќе осигури дека лицето е свесно за ризиците поврзани со возењето UHPV и користењето на заедничките карактеристики на возилото во напредните системи за помош на возачот“, изјави за Drive портпаролот на Министерството за транспорт на Јужна Австралија.

Дополнително, додека возите на јавни патишта, системите за безбедносна помош како ESP и TC, т.е. системи за електронска контрола на стабилноста и лизгање на погонските тркала не смеат да се исклучуваат. Ова правило е веќе на сила, а прекршителите во возилата UHPV се казнуваат до 5000 долари, на пример за деактивирање на ESC. Истовремено се воведени и построги казни за прекршителите кои со несовесно возење предизвикуваат сообраќајна незгода со тешки повреди. Во тој случај, затворската казна се зголемува од постоечките 12 месеци на најмногу седум години.

Специјалната возачка дозвола ќе стапи на сила на 1 декември 2024 година, дознава Australian Drive.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Во рамките на посетата на Вашингтон, остварив средба со Каролин Вик

Во рамките на посетата на Вашингтон, остварив средба со Каролин Вик, главен директор за политики и вршител на должноста главен директор за развој во Американската корпорација за меѓународен финансиски развој - DFC.

Мицкоски: Во рамките на посетата на Вашингтон, остварив средба со Каролин Вик

Во рамките на посетата на Вашингтон, остварив средба со Каролин Вик, главен директор за политики и вршител на должноста главен директор за развој во Американската корпорација за меѓународен финансиски развој - DFC, институција која располага со инвестициски капацитет од 205 милијарди долари и претставува значаен инструмент на САД за мобилизирање приватен капитал и инвестиции во стратешки сектори.

Разговаравме за можностите за продлабочување на соработката и отворање нови перспективи за инвестиции во Македонија, особено во стратешки области како енергетиката, високите технологии и современата инфраструктура.

Нашата цел е преку силното стратешко партнерство со Соединетите Американски Држави да создадеме нови можности за економски развој, привлекување инвестиции и подобар стандард за граѓаните, напиша на својот профил на Фејсбук, премиерот Христијан Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Се огласија сирени во два полски града, затворени и аеродромите

Полска привремено затвори два аеродрома поради воени дејствија на руските воздухопловни сили во соседна Украина. 

Видео: Се огласија сирени во два полски града, затворени и аеродромите

Пријавени се експлозии во близина на полско-украинската граница.

Оперативната команда на полските вооружени сили соопшти дека активностите во воздушниот простор се поврзани со руските напади со беспилотни летала во Украина, пренесува LBC.

Украински претставник потврди дека за време на денешниот руски напад со беспилотни летала, се слушнале експлозии на неколку километри од границата со Полска, која е членка на НАТО. Во Жешов и Лублин, во источниот дел на земјата, се огласија сирените за воздушна опасност, а граѓаните беа предупредени да побараат засолниште.

„Копнените системи за противвоздушна одбрана и системите за радарски надзор се во состојба на целосна готовност“, соопштија Полските вооружени сили.

Од командата додадоа дека станува збор за превентивни мерки насочени кон обезбедување и заштита на воздушниот простор, особено во областите што граничат со загрозените региони.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Казни до 1.800 евра за градилишта што го нарушуваат комуналниот ред и узурпираат јавни површини

Инспекциските служби на Општина Центар за една недела изрекоа глоби, во износ од 1.300 до 1.800 евра, за четири градилишта на територијата на локалната самоуправа.

Герасимовски: Казни до 1.800 евра за градилишта што го нарушуваат комуналниот ред и узурпираат јавни површини

Казните се изречени поради оставање градежен материјал и градежен шут на јавни површини, со што биле нарушени комуналниот ред и јавната чистота, а биле отежнати движењето на пешаците и одвивањето на сообраќајот.

„Нашите инспектори се на терен и будно ја следат состојбата на активните градилишта. Контролите продолжуваат, а особено внимание посветуваме одржувањето на чистотата и непреченото користење на јавниот простор. Секој што нема да ги почитува прописите ќе биде соодветно санкциониран“, порача градоначалникот на Општина Центар Горан Герасимовски.

Од Општина Центар апелираат до инвеститорите и градежните компании да не оги узупираат а јавните површини, да ги почитуваат законските обврски и да се грижат за безбедното движење на граѓаните.

Инспекциските контроли продолжуваат со засилен интензитет.

Тагови: Општина Центар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер