Судбина

Властите во Колумбија ќе убијат 80 нилски коњи на поранешниот нарко бос Ескобар

Колумбиските власти планираат остро намалување на популацијата на нилски коњи коишто потекнуваат од животни донесени и во сопственост на некогашниот нарко-бос Пабло Ескобар.

Колумбиските власти планираат остро намалување на популацијата на нилски коњи коишто потекнуваат од животни донесени и во сопственост на некогашниот нарко-бос Пабло Ескобар, соопшти Владата, по години дебата за тоа како да се контролира крдото во пораст.

Министерката за животна средина, Ирене Велез Торес објави дека властите имаат намера првично да убијат околу 80 животни, велејќи дека напорите за преместување на нилските коњи во зоолошки градини и паркови за диви животни во земји, вклучувајќи ги Мексико, Индија и Филипините - досега не успеале. Министерството, се вели, сè уште работи на планови за преместување, но се предупредува дека е потребна итна акција за да се ограничи бројот на овие животни.

Се проценува дека во мигов во Колумбија живеат околу 200 нилски коњи. Без интервенција, нивниот број би можел да се зголеми на околу 1.000 до 2035 година, соопшти министерството.

Научниците предупредуваат дека животните ги нарушуваат околните екосистеми, загрозувајќи ги автохтоните видови, како што се морските крави и речните желки, и оштетувајќи го обработливото земјиште, а истовремено претставуваат опасност и за луѓето.

Нилските коњи потекнуваат од четири животни од Африка, увезени од Ескобар за неговата приватна зоолошка градина во имотот „Хасиенда Наполес“. Откако Ескобар беше убиен од безбедносните сили во 1993 година, имотот пропаднал, а животните избегале во блиските реки, каде што брзо се размножувале и се прошириле низ регионот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Расчистен случајот со оштетување канделабра во парк на подрачје на општина Карпош

На 12.06.2026 во 21:30 часот во Полициската станица Карпош е извршен разговор со 48-годишник од Скопје.

Имено, по преземени мерки и постапување по пријава од општина Карпош, полициски службеници од СВР Скопје - Полициска станица Карпош дојдоа до сознание дека на 11.06.2026 во 21:30 часот на ул."Волгоградска", во близина на фитнес игралиштето, неговиот 13-годишен син оштетил и откорнал канделабра за улично осветлување.

По целосно документирање на настанот ќе бидат поднесени соодветни пријави.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски на пуштање во употреба на Дом за стари лица во Илинден

Денес во 12:00 часот претседателот на Владата на Република Македонија, Христијан Мицкоски ќе присуствува на пуштање во употреба на Дом за стари лица „ПУСЗ Оаза by Adora“ во Општина Илинден.

За време на настанот предвидено е премиерот Мицкоски да даде изјава за медиуми .

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево со мала до умерена локална облачност

Времето денес ќе биде сончево со мала до умерена локална облачност.

Ќе дува слаб до умерен северозападен ветер. Минималната температура ќе биде во интервал од 7 до 17, а максималната значително ќе опадне во однос на денешната и ќе дбиде во интервал од 25 до 33 степени.

Во Скопје, претежно сончево. Ќе дува слаб ветер од северозападен правец. Минималната температура ќе се спушти до 13, а максималната ќе достигне до 32 степенa.

За време на викендов и во понеделник времето ќе биде претежно сончево со мала локална облачност. Во вторник локално, а во среда на повеќе места ќе има врнежи од дожд кои наместа ќе бидат поројни, проследени со повремено засилен ветер и појава на грмежи. Од четврток времето повторно ќе биде променливо облачно со сончеви периоди.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.