Австралија предлага данок за Мета, Гугл и ТикТок за да се финансира новинарството - Канал 5

Свет

Австралија предлага данок за Мета, Гугл и ТикТок за да се финансира новинарството

Австралиската влада предложи закон со кој ќе се бара од големите технолошки компании како што се „Мета“, „Гугл“ и „ТикТок“ да платат дел од своите приходи .

Австралија предлага данок за Мета, Гугл и ТикТок за да се финансира новинарството

Австралиската влада предложи закон со кој ќе се бара од големите технолошки компании како што се „Мета“, „Гугл“ и „ТикТок“ да платат дел од своите приходи доколку не успеат да постигнат комерцијални договори со медиумските куќи за финансирање на новинарството, пренесе Кликс.

Законот беше објавен во вторник, а владата планира да го достави до парламентот до 2 јули. Предлогот, наречен „Стимулација за преговарање со вести“, предвидува големите дигитални платформи кои не успеат да постигнат договори со издавачите на весници да платат данок од 2,25% на приходите генерирани во Австралија.

Владата вели дека компаниите би можеле да имаат пониски вкупни трошоци доколку одлучат директно да им плаќаат на медиумските куќи за користење на новинарска содржина. Се очекува системот да генерира помеѓу 200 и 250 милиони австралиски долари годишно, приближно износот што платформите претходно им го плаќаа на медиумските куќи според Кодексот за преговарање со новинските медиуми од 2021 година.

Министерката за комуникации, Аника Велс, изјави дека собраните пари ќе бидат распределени на медиумските организации врз основа на бројот на новинари што ги вработуваат.

Премиерот Ентони Албанезе изјави дека новинарството мора да има јасна финансиска вредност. Тој рече:

„Големите мултинационални компании не треба да можат да земаат содржина и да ја користат за профит без соодветно да ги компензираат оние што ја создаваат.“

Додаде дека инвестирањето во новинарството е од суштинско значење за здрава демократија.

Од друга страна, Мета се спротивстави на предлогот, наведувајќи дека медиумите „доброволно објавуваат содржина на нашите платформи затоа што имаат корист од неа“.

Гугл изјави дека не гледа потреба од нов данок, тврдејќи дека веќе има комерцијални договори со медиумите и дека пазарот на рекламирање се променил.

ТикТок сè уште не коментирал.

Албанезе, одговарајќи на можните критики од САД, рече дека австралиската влада ќе донесува одлуки исклучиво во согласност со националните интереси на земјата.

Тагови: Австралија гугл

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Пожарот во Белгија се шири кон Германија

Големиот пожар што беснее во областа Хај Фенс (High Fens) и во природниот резерват Хај Свомп (High Swamp) во источниот дел на Белгија се наоѓа на само три километри од германската граница.

Видео: Пожарот во Белгија се шири кон Германија

Ситуацијата во пограничниот град Моншау, во западна Германија, беше напната во текот на изминатата ноќ, а на жителите од некои делови на градот им беше препорачано да се подготват за напуштање на своите домови, пренесува „Блид“.

„Не може да се исклучат ризиците по здравјето предизвикани од чадот од пожарот. На жителите на Платевен, Лејлох и Калтерхерберг, западно од Месевего, им се препорачува да ги напуштат овие подрачја до 10 часот наутро и да престојуваат кај роднини и пријатели“, се наведува во соопштението на локалните власти.

Потврдено е дека градските власти на Моншау ќе отворат прифатилиште во општествениот центар во Имгенбројх, почнувајќи од 7 часот наутро, за сите оние што не можат самостојно да најдат алтернативно сместување.

Екипите за итни интервенции во Моншау не очекуваат огнот наскоро да се прошири на германска територија, но потврдуваат дека се во состојба на подготвеност.

„Секако, внимателно ја следиме ситуацијата. Ќе продолжиме континуирано да ја следиме и проценуваме состојбата, а по потреба ќе ангажираме и дополнителни противпожарни сили“, изјави Филип Кригер, командант на противпожарната служба во Моншау.

Од белгиска страна, евакуацијата на градовите Кихелшајд и Лејкауљ веќе е започната.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МО: Утре во 19 часот, почесна артилериска стрелба по повод Денот на Армијата

Почесна артилериска стрелба по повод Денот на Армијата

МО: Утре во 19 часот, почесна артилериска стрелба по повод Денот на Армијата

Министерството за одбрана ги информираме граѓаните на Скопје, дека на 17-ти август 2026 година (понеделник), со почеток во 19.00 часот, во касарната ,,Илинден“ во Скопје од страна на единица на артилерискиот баталјон на Армијата ќе се изврши почесна артилериска стрелба со истрелување на 10 плотуни од 6 артилериски орудија.

Почесната стрелба како дел од протоколарните обврски на Армијата за одбележување на празници е во рамки на активностите кои се реализираат по повод одбележувањето на 18Август-Денот на Армијата.

Претходно, истиот ден, во 18.00 часот ќе биде извршена и пробна артилериска стрелба со истрелување на еден плотун од 6 артилериски орудија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Видео: Неверојатен судир на аеродромот: „Фиат Панда“ удри во мал авион

Неверојатна сообраќајна несреќа во Италија.  Автомобил панда се заби во мал авион без да закочи .

Видео: Неверојатен судир на аеродромот: „Фиат Панда“ удри во мал авион

Невообичаена несреќа се случи во делот за општа авијација на аеродромот Милано-Линате, кога службено возило се судри со приватен авион од типот „Хокер Бичкрафт 400А“ (Hawker Beechcraft 400A).

Според снимката од безбедносната камера, авионот се движел кон пистата, додека возилото „Фиат Панда“ се приближило без видливо запирање и удрило во предниот дел на леталото.

https://www.instagram.com/reel/Db5e9ZDsOh_/?utm_source=ig_embed&utm_campaign=loading

За среќа, во несреќата нема повредени. За воланот на автомобилот бил 54-годишен вработен во компанија што обезбедува услуги за опслужување на аеродромот. Меѓу патниците и членовите на екипажот немаше повредени. Ударот бил насочен кон предниот дел на авионот, односно кон заштитниот поклопец што ги штити радарската антена и другата опрема сместена во носот на леталото.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер