Најинтересно е што потенцијалниот дефект не го оштетува возилото, туку домашната инсталација. Имено, при полнење на батеријата, инсталацијата може да се прегрее, штекерот да се стопи и на крајот да дојде до пожар.
Добрата вест е што засега нема информации за несреќи, но затоа Audi доби 615 пријави од клиенти, што на крајот е причина за истрагата.
Од Audi велат дека проблемот не е пријавен за корисниците кои користат бавен полнач на штекер од 110 волти. Прегревање се јавува кога е поврзан со побрз полнач од 220V/240V, попознат како полнач на ниво 2. Во куќите каде што инсталациите не можат да го издржат товарот, може да настанат проблеми поради прекумерно загревање на кабелот. NHTSA (Национална управа за безбедност на сообраќајот на автопатиштата) известува дека во некои случаи е можно целиот штекер да се стопи.
Проблемот наводно бил откриен уште во 2021 година, а откако било утврдено дека нема грешка кај автомобилите, Audi ставил предупредувачка налепница на сите примероци за корисниците да ги проверат своите домашни инсталации. Друга опција била последователно намалување на моќта на полнење до 50%.
Со повлекувањето, сите сопственици ќе добијат нови кабли опремени со сензор за температура, почнувајќи од вториот квартал следната година.