Ашер се ожени по третпат

Американскиот пејач Ашер и неговата пет години помлада девојка Џенифер Гоjкочеа викендов се венчале во Лас Вегас, каде што тој настапи на полувремето на „Супербоулот“.

„Може да потврдиме дека Ашер и Џенифер Гоjкочеа го направија 'следниот чекор' во нивната врска и се венчаа во неделата вечерта во Лас Вегас опкружени со блиски пријатели и семејството“, изјави претставникoт на пејачот за „Пипл“ (People). - „И двајцата со нетрпение очекуваат да продолжат да ги воспитуваат своите деца заедно опкружени со љубов и им се заблагодаруваат на сите за убавите желби“.

Ашер (45) и Џенифер, која исто така работи во музичката индустрија, ги размениле заветите во „Тераса белведер“ - капела за венчавки на отворено којашто собира 30 гости. Мајката на Ашер, Џонета Патон, била сведок на венчавањето, според Изводот за брак.

Поп-пејачот од претходните два брака има две деца, а заедно со нововенчаната сопруга има уште две заеднички.

Збогум на хидрауликата? Претставени на револуционерни сопирачки

Тоа значително ќе го намали растојанието за сопирање.

Германскиот снабдувач на автоделови „ZF“ дизајнираше нов систем за сопирање кој не бара течност за сопирачките или хидраулика за работа. Наместо тоа, силата на сопирање ја обезбедува електричен мотор директно до тркалото.

Додека чувството на сопирање треба да одговара на хидраулични сопирачки, „ZF“ ветува растојание за сопирање од 100 km/h до 0 km/h е девет метри пократко од конвенционалните сопирачки, пишува „Revijahak“.

Дополнително, опсегот на електрични автомобили треба да се зголеми за 17 проценти поради поефикасна рекуперација.

Добавувачот ветува и помали трошоци за одржување. Пониска е и емисијата на ситни честички.

„ZF“ им овозможува на производителите на возила да го состават својот оптимален систем за сопирање од класични хидраулични до нови електрични системи, во зависност од барањата.

Можни се и хибридни форми со, на пример, хидрауличен систем на предната оска и електричен систем на задната оска.

Компанијата не дава информации за точниот датум на лансирање на пазарот.

Извор: Б92

Египет гради втор камп за раселените Палестинци во градот Кан Јунис во јужна Газа

Египет гради втор камп за раселените Палестинци во градот Кан Јунис во јужниот дел на Појасот Газа во соработка со Црвениот крст во Палестина, објави ТВ Ал-Кахера њуз.

Египетските власти го изградија првиот камп во Кан Јунис минатиот декември и го проширија во јануари. Новиот камп, кој ќе има струја и вода, ќе се состои од 400 шатори со капацитет од 4.000 луѓе.

Следниот чекор е изградба на теренска болница во пограничниот град Рафа и медицински камп во Деир ал Балах во центарот на Газа. Во Рафа ќе бидат формирани и два центри за дистрибуција на помош.

Според Агенцијата на Обединетите нации за палестински бегалци (УНРВА), повеќе од 85 отсто од 2,4 милиони луѓе во енклавата се внатрешно раселени од почетокот на конфликтот на 7 октомври минатата година, кога Хамас и други палестински фракции го нападнаа јужниот дел на Израел, при што загинаа околу 1.200 луѓе. /MИА

Воздухопловната база на НАТО во Кучово ќе биде отворена на 4 март

Воздухопловната база на НАТО во албанскиот град Кучово, која се наоѓа во јужниот дел на земјата, што е прва ваква база во Западен  Балкан, ќе биде инаугурирана на 4. идниот месец.

Подготовките на базата на НАТО во Кучово се при крај и за првпат Министерството за одбрана објави видео и фотографии од неа.

Во видеозаписот, Командантот на албанските воздухопловни сили, бригадниот генерал Фердинанд Димо вели дека се е подготвено базата да профункционира.

- Ние сме на крајот од сите работи за трупите на воздухопловните сили да се обучуваат во оваа база. Но, не само тоа, трупите на НАТО и НАТО авионите можат да се сместат, обучуваат и летаат од воздухопловната база Кучово, која веќе е тактичка воздухопловна база на НАТО, вели тој.

Димо ги наведува и досегашните чекори, од моментот кога беше одлучено во Кучово да се изгради воздухопловна база за НАТО.

- Во 2021 година беше планирано да се спроведат инвестициите за ревитализација на инсталациите на базата Кучово. Сега сме на крајот со реализацијата на три значајни проекти, како што се оградувањето и безбедносниот систем, како и периметарската заштита на базата. Приближно 50 милиони евра се инвестирани од НАТО, а повеќе од 5 милиони евра од албанската влада“, објаснува командантот на воздухопловните сили.

Според него, изградбата на воздухопловната база на НАТО во Кучово ќе придонесе и за економски развој на целиот округ Берат.

На свеченоста на 4 март ќе присуствуваат високи претставници на албанската држава, НАТО и САД.

Инаку, базата е изградена за потребите на албанските воздухопловни сили за време на комунистичкиот режим кој владееше во Албанија помеѓу 1944 и 1991 година и го штитеше воздушниот простор на земјата. Исто така, била домаќин на различни видови руски и кинески авиони.

Последните летови од оваа база биле извршени во 2005 година. /МИА

притисни ентер