Германија бара уште повеќе работници од Балканот, донесен нов закон

Германската економија зависи од имиграцијата. Затоа федералната влада започна програма за привлекување странски експерти под мотото „Направете го тоа за Германија.“

Тоа е национален приоритет. „Без странски експерти, ние нема да можеме да ја одржиме нашата благосостојба. Не можеме едноставно да ги чекаме овие луѓе, мора да работиме напорно за нив“, рече федералниот министер за труд Хубертус Хајл, пренесува Дојче веле.

Германското биро за статистика тврди дека бројот на работоспособни работници во Германија ќе се намали за четири до шест милиони до 2035 година. Во многу индустрии веќе има недостиг на работна сила. Според германската трговска и индустриска комора (ДИХК), дури 56% од анкетираните фирми во моментов сметаат дека недостигот на работна сила е најголем деловен ризик.

Секоја трета германска компанија вработува работници од други земји на ЕУ и трети земји во последните години. Многу бизниси не се во состојба да преземат нови нарачки поради недостаток на работници и претрпуваат огромни финансиски штети.

Федералната влада го реализира барањето на бизнисмените и напорно работи веќе некое време за да ги создаде предусловите за привлекување експерти од странство. По долгата дебата, беше донесен Законот за миграција на трудот, со кој се признава дека Германија е имигрантска земја - шест децении по пристигнувањето на првиот голем бран гастарбајтери.

Примарната цел на законот е да им се олесни на странските работници пристап до германскиот пазар на трудот - и практично во сите гранки.

„Во принцип, не е важно од каде доаѓа, најважно е да се докаже дека тој сака да се интегрира во земјата, дека сака да соработува и да биде дел од општеството. И, тогаш не е прашање од каде е некој, тоа како тие сакаат да се интегрираат “, рече Федералната министерка за образование, Ања Карлицек за ДВ.

Во понеделникот, таа отвори нова Централна канцеларија за признавање на професионални квалификации (ЗСБА). Според локалниот печат, во моментов има околу 1.400 служби за признавање странски јазик во Германија.

Процесот на признавање беше досега премногу комплициран и траеше многу долго, многу подолго отколку, да речеме, во скандинавските земји, САД или Канада. Новата канцеларија за признавање на странските квалификации, која започна со работа на почетокот на овој месец, треба да го поправи ова.

За време на турнејата низ земјата, Карличек и Хил демонстрираа како треба да изгледа ова во пракса: Лицата заинтересирани да дојдат во Германија, најпрво треба да се јават во ЗСБА, која ќе им помогне во подготвувањето на целокупната документација неопходна за признавање на квалификациите, и да бидат достапни за консултации (преку разговор, е-пошта или телефон) и нивните барања да бидат дистрибуирани до релевантните институции на ниво на германските сојузни провинции.

Но, она што и помага на Германија (новите правила на имиграција) од една страна предизвикува големи проблеми во Југоисточна Европа , која не ја напуштаат само квалификуваните универзитетски дипломирани луѓе, туку и негувателки, возачи, автомобилски механичари и работници од други индустрии. Повеќе од 100,000 работници годишно ја напуштаат Германија, само од Хрватска или БиХ.

На 1 март 2020 година, во Германија влегува на сила новиот Закон за миграција на професионални работници. Тоа треба да го олесни пристигнувањето во Германија и потрагата по работни места за сите квалификувани работници од земјите што не се членки на ЕУ. Во иднина, правилото што автоматски ќе им користи на граѓаните на ЕУ нема да важи повеќе. Еден од регионите кон кој што традиционално се насочени германските работодаваќи е Западен Балкан - работниците од тој регион уживаат добар углед во Германија:

„Во минатото направивме многу истражувања за Западен Балкан, што е еден од регионите кои се многу важни за нас, затоа што таму наоѓаме многу добра, квалификувана работна сила, а од друга страна, има многу луѓе кои знаат германски, а тоа е од огромна помош во деловната интеграција “, изјави Торстен Ролфсмаер од Федералното биро за вработување.

Мотивација за напуштање не само што се повисоките германски плати, туку и корупцијата, лошата перспектива и честопати недостасува владеење на правото. Според ОБСЕ, само Србија ја напуштиле 650,000 луѓе помеѓу 2000 и 2015 година - скоро една десетина од вкупното население. Слично е и во другите земји од регионот, пишува Дојче Веле.

Бараат ли Албанските политичари загарантирана „7ца на Лото“ за следното коло на 15 Јули?

Колку наивно да изгледа, „политичкото“ барање на ДУИ за етнички Албанец премиер, на кое се надоврзаа и Села и Тачи, треба да ги загрижи сите останати политички структури и граѓани во Македонија.

Барањето за „етнички Премиер“ на ДУИ, и последно објаснување на Бујар Османи во минатото издание на Само Интервју наликува на аналогија со игра на Лото.
Луѓето си уплатиле ливчиња ( албанските партии се пријавиле за учество на избори ), легитимно и чесно, секој може да „игра Лото“, а уплатата е за следното „коло“ на „Лото“ закажано за 15 Јули, при што велат - ако нам не ни падне „седумката“ , тој што ќе има најмногу среќа „ да победи на изборите“, односно да му се падне „7ката“ нема да може да се израдува на „наградата“...или добитникот ќе ни ја даде наградата , или ние ќе си направиме „наше Лото“, а дури може и да се „истепаме“ - што би кажал Мендух Тачи вечерва, дека ако нема Влада без Албанците, можно е повторно да има војна.
Латентно, бенигно, дел од албанските политичари ни праќаат политичка но и општествена порака дека после 15 јули можно е да се случи поделба на : „ние„ и „вие“, нешто што се нарекува Бинационална држава или федеразлиација на Македонија
Чудно е што институциите како што се ОЈО, МВР и др. се прават и „глуви и слепи“ на канонадата на заканувачки изјави на дел од албанските политичари , кои велат - зошто Македонците треба да имаат ексклузивитет за политичката позиција Премиер, и ако не се случи тоа , не се знае како ќе „заврши“ целиот тој изборен процес?
Дополнително, малку и вознемирува што останатите етнички партии, пред се македонските, турските, српските, босанските,речиси воопшто не реагираат на овие типични и класични „закани“, кои воопшто не смеат да се сметаат само како ефтин „политички маркетинг“. Искуството едноставно тоа ни го кажува, искуството од блиското минато, особено последните 4 години.

Дали тоа дел од Албанските политичари ги „будат духовите“ од 2001, останува да се види после изборите на 15ти Јули, но сакајќи или не се поставува следново прашање:
Што доколку не се „падне 7ката“, на следното „коло на Лото“ на 15 Јули, туку има двајца добитници на „6ка“, и тоа двајца Македонци?
Ќе биде ли некој од нив, двајцата добитници на „6ка“, политички доблесен и дали ќе ја подели наградата од “6ката“ со некој кому не му се паднала ниту „4ка“?
Стануваме ли полека „Лото држава“, во која 7цата не е “главната награда“ туку „4ката“?

15 Јули е блиску...ќе биде многу интересно, особено за коалициите на СДСМ и ВМРО-ДПМНЕ

Демонстрантите во Белград насилно влегоа во зградата на Собранието, има повредени (ВИДEO)

Илјадници демонстранти , кои протестираат против новите рестриктивни мерки што ги најави претседателот Александар Вучиќ , упаднаа насилно во зградата на Собранието.

Со повици и запалени факели , десетици демонстранти влегоа насилно во згрсдата на парламентот. Полицијата кон нив фрлаше солзавец , но сепак не успеа да ги спречи .

Во судирот со полицијата има и повредени граѓани , но нивуот број засега не познат . Се знае дека полицијата почнала да приведува дел од демонстрантите кои упаднале во зградата на Собранието.

Околу 22 часот илјадници српски граѓани се собраа во близина на зградата на српскиот парламент по најавата на претседателот на земјата, Александар Вучиќ, дека ќе бидат вратени драстичните мерки, вклучително и враќање на повеќедневниот полициски час и забрана за собирање на повеќе од пет лица, во затворен простор и на отворено.

Хаос во Белград: Илјадници излегоа против полицискиот час на Вучиќ , полицијата употреби солзавец (ВИДЕО)

Илјадници српски граѓани се собраа во близина на зградата на српскиот парламент по најавата на претседателот Александар Вучиќ, дека ќе бидат вратени драстичните мерки, вклучително и враќање на повеќедневниот полициски час и забрана за собирање .

Граѓаните се собраа во близина на српскиот парламент и го запреа сообраќајот на платото пред зградата на парламентот. Најпрво имало неколку стотици , а тој број се зголеми на неколку илјади во текот на вечерта.

Луѓето извикуваат „Вучиќ крадецу“, „Вучиќу пе**ру“, „Оставки“, „Предавство“, свиркаа и некои удараа со тенџериња.

Поединци исто така извикуваат „Косово е срцето на Србија“, „Не сакаме мигранти“.

Околу 22:10 часот, демонстрантите тргнаа кон зградата на парламентот. На платото пред зградата на Собранието, тие запалија факели и почнаа да се пробиваат во зградата. Дел од нив успеаја, по што оклопната полиција интервенираше и успеа да ги избрка од парламентот.

Илјадници луѓе сега се пред зградата на Собранието, а кордон на полицијата е пред вратата во целосна подготвеност.

притисни ентер