Арсовска: Губиме големи странски инвестиции, неопходна е посветеност на структурните реформи

Сериозни инвеститори планираат да го насочат својот капитал и да ги реализираат предвидените проекти за следните две години во земјите од Западен Балкан. 

Во наредните две години сериозни инвеститори ќе вложуваат во регионот на Западен Балкан, но за да не ја избегнуваат Македонија потребно е итно спроведување на структурните реформи, истакна претседателот на Сојуз на стопански комори на Македонија, Данела Арсовска по средбите со лидерите на водечките стопански комори на светските економии, САД, Русија, Велика Британија, кои ги оствари во Париз на годишниот состанок на World Chambers Federation WCF. 

Таа е првиот избран претставник од Македонија, во раководството на World Chambers Federation WCF, единствениот глобален форум кој застапува над 12.000 стопански комори. На состанокот на раководството на коморите Арсовска, оствари повеќе значајни билатерални состаноци на кои беа дискутирани позициите за влез на нови инвестиции во нашата земјата. 

„Сериозни инвеститори планираат да го насочат својот капитал и да ги реализираат предвидените проекти за следните две години во земјите од Западен Балкан. Со оглед на нашата позиција како земја, единствена во регионот со член во раководството на WCF, Македонија има можност за позиционирање како дестинација за реализација на крупни инвестициски проекти. Генералната слика и покрај тоа што стратешки сме добро геопозиционирани, е дека моменталната политичко и социо-економска состојба во земјата е нестабилна, а поткопаната доверба во правниот систем и владеењето на правото, се одразуваат преку непредвидлив деловен амбиент и системска нефункционалност, кои се главните причини кои ги одвраќаат инвеститорите. Без посветување на спроведување на структурните реформи, било какви стимулативни мерки кои ќе се понудат, не се доволно за инвеститорите да донесат одлука. Пропуштање на одлуки за големи странски инвестиции се пропуштена можност за остварување побрз економски развој", истакна Арсовска.

Таа додаде дека на решавање на овие проблеми кои ги одвраќаат странските инвеститори треба сериозно и посветено да се работи, бидејќи дел од светски реномираните компании веќе ја разгледуваат и можноста за отпочнување проекти во Србија, наместо во Македонија. 

 Арсовска е избрана за член на меѓународната група за подготовка на економските политики и препораки на петнаесеттиот Самит на лидери на Влади на Г20 кој оваа година во октомври ќе се одржи во Ријад. 

На овогодишната средба во Париз лидерите на стопанските комори дискутираа и за светските економски движења, со фокус на справување со глобалните предизвици, модернизирање на глобалниот трговски систем, како и дизајнирање на нови модели на глобално управување што ќе придонесат за просперитетен и унифициран дигитален екосистем. 

 Светската Коморска Федерација како единствен глобален форум кој ги обединува стопанските комори од целиот свет, го претставува гласот на деловната заедница во најрелевантните светски организации како, Организацијата на Обединети Нации ООН, Г20, Светската Трговска Организација, како и Европската Банка за обнова и развој. 

 Раководството на Светската коморска федерација со седиште во Париз, секоја година ја објавува глобалната агенда на различен континент, во 2018 година во Дубаи, минатата во Русија, а годинава во Франција.

Русија треба да плати 50 милијарди долари отштета на акционерите на поранешен нафтен гигант

По повеќе од 15 години од ликвидацијата на „Јукос“, холандскиот суд денеска донесе одлука дека Русија мора да плати отштета од 50 милијарди американски долари на поранешните акционери на таа поранешна нафтена компанија.

Апелациониот суд во Хаг ја поништи пресудата од 2016 година за поддршка на Русија што ја оспори претходната одлука на Постојаниот арбитражен суд со која им е доделена на поранешните акционери отштета од 50 милијарди долари.

Апелациониот суд изјави дека оваа „претходна пресуда“ е „погрешна“ и дека првата одлука на Постојаниот арбитражен суд е „повторно валидна“.

Русија веднаш објави дека ќе се обиде да ја оспори одлуката.

„Кремљ загуби во Хаг пред акционерите на„ Јукос“, коментираше со задоволство на Твитер поранешниот директор на „Јукос“, Михаил Ходорковски.

Поранешните акционери ја обвинија Русија за организирање на распаѓањето на „Јукос“ од политички причини. Постојаниот арбитражен суд, меѓународно тело во Хаг, донесе одлука во 2014 година дека треба да им се плати отштета, што руската влада ја одби.

Холандскиот суд ја вратил одлуката од 2016 година, сметајќи дека Постојаниот арбитражен суд нема надлежност.

Јукос беше предводен од олигархот , кого Кремљ го прогласи за непријател, Михаил Ходорковски, кој беше уапсен во 2003 година, обвинет за даночна измама и беше ослободен десет години подоцна.

Компанијата, првиот руски производител на нафта во тоа време, беше ликвидирана во август 2006 година, за што Кремљ се смета дека ги задуши политичките амбиции на Ходорковски.

Голем дел од групата го купи Роснефт, јавната руска нафтена компанија и благодарение на тоа, стана светски играч, предводен од доверливиот човек на Путин, Игор Сечин.

Руската Федерација го потпиша Договорот за енергетска повелба, но не го ратификуваше, тврдеше холандски суд во 2016 година, велејќи дека решенијата на Постојаниот арбитражен суд се спротивни на рускиот закон.

По жалбата, судиите заклучиле дека Русија е должна да го примени договорот, освен ако тоа не е во спротивност со рускиот закон, а судот утврди дека тоа не е случај.

Меѓутоа, адвокатот на Русија, Андреа Пина предупредува дека акциите на „Јукос“ се стекнале преку корупција.

„Русија верува дека збогатувањето на„ Јукос “било можно само преку корупција и други нелегални активности“, рече Пина, предупредувајќи дека судот го игнорирал проблемот.

Поранешниот портпарол на акционерите,  Емануел Гајлард коментира дека Русија сака погрешно да претстави сè за да се заборави дека случајот е „најголемата експропријација во 21 век“.

Путин го помилува Ходорковски во декември 2013 година и оттогаш тој живее во егзил.

Индија подигна ѕид за да ги скрие сиромашните од Трамп (ВИДЕО)

Ѕид од тули долг половина километар е бргу подигнат во индиската држава Гуџарат пред посетата на американскиот претседател Доналд Трамп, за да го скрие од погледите сиромашниот град каде живеат повеќе од 2.000 луѓе.

„Потрошија толку многу пари на овој ѕид, зошто да не ги искористат за да го подобрат нашето соседство и да го направат подобро за нас“, изјави Кеши Саранија, еден од жителите.

„Зошто нè кријат нас сиромашните“, се прашува тој, пренесе АП.

За време на дводневната посета на Индија следната недела, Трамп ќе го посети градот Ахмедабад во Гуџарат за да присуствува на настанот наречен „Намасте Трамп“, што значи „Здраво Трамп“, на стадионот за крикет.

Минатиот септември се одржа митингот „Здраво Моди“ кога Трамп беше домаќин на индискиот премиер Нарендра Моди во Хјустон.

Трамп ќе се вози низ сиромашните делови на градот и ќе биде придружуван од Моди, кој е од областа Гуџарат.Високиот владин претставник Бидал Пател изјави дека ѕидот е изграден од безбедносни причини , а не да го скрие сиромашниот кварт.

„Освен безбедносни причини, ѕидот беше подигнат заради убавина и чистота“, рече претставникот.

Властите вчера испратија известувања за иселување на 45 семејства кои живеат во друга сиромашна населба во близина на стадионот за крикет.

ВМРО – ДПМНЕ : СДСМ со лажни вести сака да ја сокрие инволвираноста на Заев во Рекет

Лажните вести во врска со оставките на техничките министри на ВМРО-ДПМНЕ кои произлегуваат од кујната на СДСМ се резултат на очај и страв од огромен пораз, се наведува во партиската реакција. 

Тоа што Заев пушта лажни вести значи дека криминалците се плашат од Чулев и дека власта сака да ја сокрие вистината за РЕКЕТ.

Најпрвин блиски медиуми до кујната за лажни вести на СДСМ каде што уредник е еден поранешен новинар од рекетарската телевизија на СДСМ, објави лажна вест дека министерот Наќе Чулев ќе даде оставка, за веднаш потоа друг близок медиум до СДСМ да ја надгради истата вест дека сите технички министри ќе си дадат оставки.

Уште еднаш потенцираме дека се работи за лажна вест и апелираме до граѓаните дека очајот на СДСМ ќе продуцира уште многу вакви лажни вести во наредниот период.

Очигледно е дека во редовите на СДСМ владее натпревар кој медиум поголема лажна вест ќе објави, за да се обидат да дефокусираат од реалните скандали и проблеми кои се случуваат во Владата на СДСМ, како и за целата инволвираност на Заеви во случајот РЕКЕТ.

Ниту СДСМ, ниту криминалците кои се во коалиција со СДСМ нема да ја имаат таа среќа ниту Наќе Чулев, ниту било кој од техничките министри да си дадат оставка.

Заев и сите околу него ќе одговараат за целата инволвираност во случајот РЕКЕТ, каде јасно се гледа од судските докази дека Зоран и Вице Заеви се гледале со Катица Јанева и Зоран Милески – Кичеец.

Ниту една лажна вест нема да може да дефокусира од реалните скандали кои ВМРО-ДПМНЕ ќе ги објавува од утре, па во наредниот период поврзани со работата на функционерите на СДСМ.

Центар за комуникации на ВМРО-ДПМНЕ

притисни ентер