Вархеји: Ќе продолжи интергацијата на Западен Балкан во ЕУ

Имам добри вести за интергацијата на Западен Балкан во ЕУ. Таа ќе продолжи и ќе работиме уште посилно и напорно да го оствариме тоа. 

Мора да ги забрзаме процесите и да вметнеме динамика во нив, но истовремено да ги направиме посигурни и поверодостјни за сите нас и за рагионот и за земјите членки, изјави еврокомесарот за соседска политика и преговори за проширување Оливер Вархеји на заедничката прес-конференција со техничкиот премиер Оливер Спасовски.

Проширувањето, нагласи Вархеји, за новата ЕК е приоритет и не може да работи без поголемо влијание во регионот.

– Мора да работиме врз основа на процената дека Македонија и Албанија се подготвени за почеток на преговори. Нема промена во тој став и ќе се држиме до таа првична процена дека мора да почнеме пристапни преговори со овие две земји. Тоа значи дека треба да имаме позитвина одлука од Советот за отворање на пристапните преговори пред Самитот во Загреб годинава, изјави еврокомесарот Вархеји.

Тој посочи дека ќе имаат многу работа во следните месеци, кога ќе треба да се унапреди процесот на проширување.

– Новиот пристап мора да биде сигурен и попредвидлив, и ќе мора да биде малку пополитички и објективен, но и со поголема динамика. Тоа се принципите на кои ги засноваме нашите предлози. Принципите треба да функционираат и за регионот и за нашите земји членки. Сакаме да предложиме отворање на пристапни преговори уште пролетва, но тоа треба да дојде заедно со економски план за регионот. На Самитот во Загреб се надевам дека ќе ја добиеме поддршката на земјите членки за интензивирање на нашето присуство и затворање на економскиот јаз, изјави Вархеји.

Вархеји, посочи дека сакал да испрати порака со неговата посета на нашата земја, која е прва официјална посета на регионот и прва посета надвор од ЕУ.

– Сакав првата посета да ја посветам на Македонија која веќе направи многу за членство и го испорача историскиот Преспански договор, изјави Вархеји.

Тој нагласи дека очекува успешни избори, по кои ЕУ ќе добие сигурен партнер во Владата, посочувајќи дека е клучно спроведувањето на Преспанскиот договор и билатералниот договор со Бугарија, без разлика на тоа која ќе биде следната влада.

– Побарав ЕП да определи награда од 50 милиони евра за постигнувањата и резултатите на земјата во искористувањето на европските фондови. Предлогот очекувам дека ќе добие зелено светло и ќе се овласти исплатата, изјави Вархеји.

Техничкиот премиер Оливер Спасовски, изрази очекување дека средбите и комуникацијата со Вархеји ќе добијат на интензитет, бидејќи како што рече, влегуваме во клучен период за остварување на нашата стратешка цел, членство во ЕУ.

– Се надеваме и со право очекуваме одлука за почеток на пристапни преговори во претстојните месеци, по 15 години во чекалната со статус држава кандидат за членство, изјави Спасовски.

Прес-конференцијата се одржа по средбата на делегацијата на Директоратот за европска соседска политика и преговори за проширување на Европската Унија на Европската комисија, предводена од Вархеји, со владина делегација во која покрај премиерот Спасовски, беа и вицепремиерот задолжен за европски прашања Бујар Османи, вицепремиерката задолжена за економски прашања и за координација со економските ресори Мила Царовска, шефот на дипломатијата Никола Димитров, министерот за внатрешни работи Наќе Чулев и министерот без ресор задолжен за дијаспора Едмонд Адеми.

Еврокомесарот Вархеји претходно оствари средба со претседателот на државата Стево Пендаровски, а како што е најавено ќе се сретне и со претседателот на Собранието Талат Џафери, претседателот на СДСМ Зоран Заев, како и со лидерот на ВМРО-ДПМНЕ, Христијан Мицковски. /МИА

Пронајдени четири лица мигранти во „мерцедес" кај струмичко Банско

Полицијата вчера во струмичкото село Банско при преглед во возило „мерцедес" со гостиварски регистарски ознаки, пронашла четири лица – мигранти.

Во денешното соопштение од МВР се наведува дека вчера околу 11.30 часот полициски службеници го лишиле од слобода Н.А.(35) од с.Долна Бањица, гостиварско, затоа што при преглед во возилото „мерцедес" со гостиварски регистарски ознаки, што го управувал, биле пронајдени мигрантите. Тој бил приведен во полициска станица, а мигрантите биле предадени во Прифатниот транзитен центар „Винојуг"-Гевгелија.

По целосно документирање на случајот, стои во соопштението, против Н.А. ќе биде поднесена соодветна пријава.

На инфективните одделенија во земјава се лекуваат 411 пациенти, слободни кревети има

Во изминатите 24 часа  во ковид центрите во болниците низ земјава е пријавено дека се лекуваат вкупно 411 пациенти позитивни и суспектни на корона вирусот.

По извештаите на болниците кои пристигнуваат во Министерството за здравство на дневна основа, во болницата во Битола се хоспитализирани 32 пациенти позитивни и суспектни на КОВИД-19. Во болницата во Штип се хоспитализирани 32 пациенти. На инфективното одделение во Тетово има 24 пациенти, во Велес се лекуваат 26 болен, а во Куманово 53 пациенти позитивен и суспектен на КОВИД 19. Во ковид центарот во Охрид има хоспитализирано 55 пациенти, во Прилеп 73, во ковид центарот во Гостивар 4, а во Струга 19 болни. Во болницата во Струмица хоспитализирани се 17 пациент, во Кочани 6 во Кичево 8, Кавадарци 45, во Гевгелија 4 лица, а во Дебар 13 позитивни и суспектни на корона вирусот. Имајте предвид дека бројките се менуваат од час во час, според направените приеми и исписи на пациенти.

Вкупната бројка на пациенти позитивни и суспектни на корона вирусот кои се лекуваат на инфективните оддели во главниот град и во болниците низ земјава е 667 и има околу 384 празни болнички кревети во ковид центрите.

Во тек на денот се прават и исписи на оздравени пациенти со што ќе се ослободат дополнителни легла.

Инаку, сите одделенија на клиничките болници располагаат со болнички места до кои има довод на кислород. Министерството има увид во состојбата со капацитети и доколку има потреба одделенијата ќе бидат дополнително проширени.

Министерство за здравство

Во ковид центрите во Скопје за 24 часа се хоспитализирани 30 пациенти

Вкупно се лекуваaт 256 болни, сомнителни и потврдени за КОВИД-19.

Во изминатите 24 часа во ковид центрите во Скопје се хоспитализрани 30 нови пациенти поради компликации од корона вирусот. Вкупно 256 лица сомнителни и потврдени за КОВИД -19 се лекуваат на инфективните оддели во главниот град.

Во последното деноноќие, на интерните клиники имало 11 приеми.

Во ковид центарот во ГОБ 8 Септември имало 6 нови приеми на пациенти и

7 на Инфективната клиника во текот на вчерашниот ден. Во Козле бил примени 6 пациенти.

Во изминатите 24 часа дома се пуштени 7 оздравени пациенти.

Во моментов на Кожната клиника во ковид центарот се лекуваат 16 пациенти, на Клиниката за неврологија 26 болни, а на Институтот за ТБЦ се примени вкупно 36 пациенти со симтоми на корона вирусот.

Во ГОБ 8 Септември има вкупно 80 болни, а на Клиниката за инфективни болести лежи 81 пациент, додека во Иститутот за белодробни заболувања кај деца Козле има 13 пациенти. На ГАК има 4 хоспитализирани ковид позитивни пациентки.

Вкупно 256 пациенти потврдени и сомнителени за КОВИД- 19 се лекуваат на инфективните оддели во болниците во главниот град. Голем дел од пациентите се на кислородна поддршка.

Бројот на приеми во изминативе денови е стабилен и утрово до 8 часот имало 70 слободни места, а се очекува во тек на денот по направените исписи на оздравените пациенти да се ослободат и дополнителни места.

Сите инфективни одделенија имаат довод на кислород и можат да згрижат пациенти кои имаат потреба од кислородна поддршка.

Министерство за здравство

притисни ентер