Со оваа постапка скоро сигурно Трамп ќе стане третиот претседател на САД во историјата што ќе биде отповикуван.
Судскиот комитет со 23 гласа „за“ и 17 „против“ усвои обвинение против Трамп за злоупотреба на службената должност наводно преку вршење притисок врз Украина да го испита Џо Бајден, можен ривал на изборите во 2020 година.
Комитетот исто така го одобри второто обвинение за спречување на истрагата на Конгресот за аферата со тоа што Трамп ги повикал поранешните и сегашните членови на администрацијата да не соработуваат во истрагата.
Целиот Претставнички дом, каде Демократите имаат најголем дел од обвиненијата, треба да го одобрат следната недела, со што ќе се стави крај на процесот на отповикување и испраќање на Трамп на судење во наредните недели.
Но, голема е веројатноста Сенатот, во кој доминираат Републиканците, да не го прогласи претседателот за виновен и да не го прифати процесот на отповикување.
Трамп е обвинет за злоупотреба на неговите претседателски овластувања за лична политичка корист со притисок над Украина за да се меша во изборите во САД во 2020 година.
Републиканците го бранат Трамп и ги обвинуваат Демократите за политички мотивирана фарса, тврдејќи дека ривалите се обидуваат да го соборат уште од почетокот на неговиот мандат во јануари 2017 година.
Трамп , доколку заврши постапката , ќе стане третиот претседател што ќе биде отповикан. Демократот Бил Клинтон имаше инпичмент во 1998 година затоа што лажеше дека имал секс со практиканката Моника Левински во Белата куќа, но беше ослободен од Сенатот.
Демократскиот претседател Ендру Џонсон се соочи со импичмент во 1868 година, но не беше осуден во Сенатот.
Републиканскиот претседател Ричард Никсон поднесе оставка во 1974 година пред да биде отповикан за аферата Вотергејт.