Македонија

ВМРО – ДПМНЕ : Обвинителите, истражителите и сите службени лица од СЈО да бидат суспендирани

Обвинителите, истражителите и сите службени лица кои биле дел од злосторничкото здружување на Катица Јанева, мора да бидат суспендирани, рече на прес конференција Наум Стоилковски, портпарол на ВМРО-ДПМНЕ.

Обвинителите, истражителите и сите службени лица кои биле дел од злосторничкото здружување на Катица Јанева, мора да бидат суспендирани , се до завршување на истрагата за аферата „Кеш“ со чие излегување во јавноста видовме дека преку СЈО биле проневерени милиони евра пари од граѓаните.

Само на овој начин, само така јавноста ќе има гаранција дека соработниците на Кaтица Јанева и на Зоран Заев нема да влијаат и да ја попречуваат истрагата за тоа каде и како завршија над 10 милиони евра.

СЈО на вработените и на физичките лица за хонорари и по други основи исплатиле над 10 милиони евра, пари од Буџетот на Република Македонија.

Анализата на трошењето на СЈО, покажува дека доминираат исплатите од ставката договорни услуги, односно 87% од вкупните расходи на СЈО се по таа ставка, договорни услуги.

Анализата покажува дека се оправдани сомненијата дека милиони евра се исплаќани преку СЈО за купување на политичка поддршка на Зоран Заев, особено во моментите кога таа највеќе му требала, а тоа е за време на изборните процеси во Република Македонија.

Анализата на исплатите по основ на договорни услуги, покажува дека тие нагло се зголемуваат токму помеѓу третиот и четвртиот квартал од 2016 година, а изборите во Република Македонија се одржаа на 11 декември 2016 година. Оваа динамика на зголемени исплати трае се до третиот квартал од 2017 година, а знаеме дека кога на 29-ти октомври 2017 година беше одржан вториот круг од локалните избори. Ваквата анализа остава простор за огромен сомнеж за причините за исплаќање на парите од СЈО односно за прашањето дали има поврзаност за растот на наплатата за услугите со изборниот процес во 2017 година?

Компаративна анализа на исплатите на физичките лица за третиот квартал од 2016, 2017, 2018 и 2019 година, по основ на договорни услуги од страна на СЈО, оваа компаративна анализа покажува дека истите тие исплати својот врв, својот пик, го доживуваат токму на 30-ти септември 2018 година. Тоа е месецот кога беше спроведен неуспешниот референдум за капитулантскиот договор од Преспа. И повторно, еве го прашањето има ли поврзаност меѓу овој скок на наплатите во период на Референдумот?

Уште една анализа за уште еден квартал. Компаративната анализа на исплатите на физичките лица за четвртиот квартал од 2016, 2017 и 2018 година. Исплатите нагло се зголемуваат во четвртиот квартал од 2018 година, односно во периодот кога беа отворени уставните измени. Тие се отворија на 19-ти октомври 2019 година, или поточно на почетокот од четвртиот квартал од 2018 година. Издатоците потоа растат како што се вршеше промоција на предложените уставни измени во МАНУ и низ Република Македонија. Па дали ова не остава можност за сомнеж, за поврзаност со она што се случуваше во парламентот?

Kомпаративната анализа за вториот квартал од четирите години постоење на СЈО, ова анализа покажува дека исплатите нагло се зголемуваат во вториот квартал од 2019 година. Тоа е периодот кога се спроведуваа претседателските избори. Особено е забележително во периодот на вториот круг избори има зголемено активност на исплати од СЈО. А, изборите се одржаа на 5-ти мај 2019 година. И повторно се остава огромна скепса можност за сомнеж за поврзаност со ваквиот раст и можеби платената поддршка, за претседателска кампања во поддршка на кандидатот на СДСМ?

Премногу коинциденции не се коинциденции. Ваквите 4 компаративни анализи покажуваат поврзаност со растот на висината на исплатите на договорните услуги кон физички лица, веќе познати на јавноста, со изборните/референдумските, но и другите исклучителни настани во Република Македонија, како што беа уставните измени. Ваквите показатели даваат за огромен простор за огромен сомнеж дека со парите и исплатите од СЈО не само што се вршел притисок врз опозицијата, туку и можеби директно се плаќала поддршката за власта во изборен процес.

Одговорност за овој криминал мора да има. Соработниците на Јанева и на Заев добро ги знаеле законите и свесно влегле во проневерувањето буџетските пари. Никој не е над законот па ни Зоран Заев, рече на прес конференција Наум Стоилковски, портпарол на ВМРО-ДПМНЕ .

Свет

Страшна смрт на 10- годишно дете од САД: Згрижувачка мајка од 150 килограми легнала врз него

Згрижувачката мајка Џенифер Ли Вилсон (49) од Индијана, која тежела преку 150 килограми, е осудена на пет години затвор затоа што го гушела 10-годишното момче седум минути додека не умрело.

Џенифер го убила Дакота Леви Стивенс во сурова „казна“ откако тој побегнал и го молел соседот да го спаси од нејзиното злоставување.

На 24 април, момчето истрчало во куќата на соседот, велејќи му на сопственикот дека неговите згрижувачки родители го удриле и не му дозволувале да разговара со својот социјален работник. Само неколку минути подоцна следела ужасна казна за момчето кое своето „непослушно“ однесување го платило со живот.

Кога стигнале дома, Џенифер решила да легне врз Дакота додека малечкото цело време врескало. Таа станала од него дури кога тој „замолчи“.

Дакота бил прогласен за мртов во болницата во Саут Бенд два дена подоцна, а обдукцијата утврдила дека претрпел оштетување на органите и меките ткива, крварење во црниот дроб и белите дробови и други повреди.

Судскиот вештак во округот Сент Џозеф пресудил дека смртта на Дакота е убиство поради насилно задушување, пишува Dailymail.

Високиот судија Мајкл Бергерсон ја осудил Џенифер на пет години затвор и уште една година условна затворска казна под обвинение за убиство од невнимание во Врховниот суд во Портер. Казната била повисока од стандардните три години за кривично дело од петти степен и повеќе од она што го барале одбраната или обвинителството.

Заменик-обвинителката Мери Рајан побарала две години затвор, две години домашен притвор и една година условна, додека нејзините адвокати барале таа да не биде осудена на затвор, туку на три години домашен притвор и две години условно.

„Тој е прогласен за мртов од задушување, 10-годишно момче, кое овој суд нема да го игнорира, бидејќи обвинетата го игнорирала. Таа очигледно употребила поголема сила отколку што било потребно и тоа ги создало околностите што довеле до неговата смрт“, рече судијата Бергерсон.

Судијата Бергерсон рече дека Џенифер ја нарушила довербата вродена за нејзината улога на згрижувачка мајка и зборувала на телефон „со бесчувствително непочитување“ со Дакота додека тој умирал.

„Ова прекрасно момче плачеше и плачеше за својот живот, а обвинетата целосно несвесна го уби детето. Тешко е да се замисли полош сплет на околности“, додаде судијата.

Судијата Бергерсон рече дека олеснителните фактори како што се каењето на Џенифер и недостатокот на криминална историја „мора да бидат отфрлени од огромните докази за вина во овој случај“.

Мајката на Дакота го дала детето на посвојување кога имал само пет години поради зависност од дрога, а неговиот татко починал од инфекција поврзана со употреба на дрога.

Свет

Трамп: Путин ја уништува Русија, војната во Украина му создаде големи проблеми

„Руската војна во Украина го доведе лидерот на Кремљ Владимир Путин во голема неволја“, изјави Доналд Трамп за новинарите во Белата куќа по преземањето на функцијата 47-ми претседател на САД.

„Украинскиот претседател Володимир Зеленски ми рече дека сака да склучи договор, не знам дали сака Путин. Можеби не. Мислам дека треба да се договорат. Мислам дека ја уништува Русија со тоа што не склучува договор.“ рече Трамп во Овалната соба, на првиот ден од неговиот втор мандат.

„Мислам дека Русија е во прилично голема неволја. Погледнете ја нивната економија, погледнете ја инфлацијата во Русија. Одлично се согласував со Путин, се надевам дека тој сака да направи договор“, додаде Трамп, според Политико.

Новинарите постојано го прашуваа Трамп за неговите ветувања дека ќе стави крај на руската инвазија на Украина и го потсетија дека тоа ветување го дал на првиот ден од неговиот мандат.

Трамп рече дека Путин мора да биде незадоволен од бавниот напредок на неговата војна против Украина, речиси три години откако нареди целосна инвазија и 11 години откако руските војници првпат се појавија на Крим.

„Тој ја уништува земјата. Повеќето луѓе мислеа дека ќе издржи околу една недела, а сега веќе сте трета година. Тоа не го прави добар“, рече Трамп.

„Имаме податоци дека загинале речиси милион руски војници. Загинаа околу 700.000 украински војници. Русија е поголема, тие имаат повеќе војници да изгубат, но тоа не е начин да се води држава“, додаде тој.

Украина претходно ги негираше бројките на Трамп, тврдејќи дека изгубила повеќе од 43.000 војници убиени во акција и повеќе од 370.000 ранети. Кремљ не ги открива официјалните податоци за жртвите, но Украина проценува дека Русија изгубила 150.000 војници и повеќе од 400.000 ранети во 2024 година.

Живот

Ресторан мора да плати дури 2,8 милиони долари отштета: Не ја опоменале гостинката на време

Џенезис Монита (19) од Сан Антонио го тужела синџирот ресторани „Бил Милер“ по инцидент што се случил во мај 2023 година.

Во таа прилика, тинејџерката нарачала тако за појадок, во комплет со сос за скара. Меѓутоа, садот бил жежок, па таа го испуштила на ногата и се здобила со изгореници од втор степен, пренесува Fox 7 Austin.

Џенезис тврдела дека го испуштила садот за сос затоа што вработените не ја предупредиле „колку е жежок“. Од ресторанот наведуваат дека нивниот течен додаток е 73 степени врел, а гостинката истакнува дека тој ден бил потопол за десет степени.

Поротата составена од шест мажи и шест жени во петокот пресудија во корист на тужителката, а на ресторанот му било наредено да ѝ плати отштета од неверојатни 2,8 милиони долари.

Казната изнесува 1,9 милиони, надоместокот за душевна и физичка болка е 900.000, додека 25.000 се изречени за плаќање медицински трошоци.

Во исто време, поротата заклучила дека ресторанот бил „небрежен“, што довело до инцидентот. Тие имаат можност да се жалат на пресудата.

Синџирот „Бил Милер“ е основан во 1952 година и има повеќе од 70 локации низ Тексас.

притисни ентер