Честитка од Пендаровски по повод Денот на Mакедонската револуционерна борба

Дозволете да ви го честитам 23 Октомври ‒ Денот на Македонската револуционерна борба. 

Претседателот на Република Македонија, Стево Пендаровски упати честитка до граѓаните по повод 23 Октомври - Денот на Mакедонската револуционерна борба.

Пред 126 години со формирањето на Македонската револуцонерна организација беа удрени темелите на организираната револуционерна борба за слобода и за создавање независна македонска држава. Беа потребни години на непрекината борба, страдања, хероизам и непокор, беа потребни Илинден 1903 и АСНОМ 1944, Референдумот на 8 септември 1991 за конечно да создадеме држава. Ние, денешните генерации, ги уживаме резултатите на револуционерната борба ‒ живееме во слобода, во своја самостојна држава.

Секое време носи можности и искушенија. Секоја генерација има свои предизвици и цели. Нашиот предизвик е да ја направиме Република Македонија просперитетна и почитувана, демократска и модерна. За тоа ни треба толеранција во меѓусебните односи, почит за другите, одговорност кон заедницата, грижа за животната средина и помагањето на ближните. Ни треба сплотеност без разлика на етничка, верска, политичка или каква било припадност. Не смеат да нè обесхрабруваат никакви пречки и премрежија. Го знаеме својот пат и на тој пат продолжуваме заедно.

Нека ни е честит 23 Oктомври!

Канје Вест најави дека ќе се кандидира за претседател на САД , доби поддршка од Илон Маск

Американскиот рапер Канје Вест вчера објави на Твитер дека ќе се кандидира на претседателските избори во ноември и ќе го предизвика републиканецот Доналд Трамп и неговиот политички ривал, демократот Џо Бајден.

„Сега ние мора да го исполниме ветувањето на Америка верувајќи во Господ, обединувајќи ја нашата визија да ја градиме нашата иднина. Јас се кандидирам за претседател на Соединетите држави“, твитна Вест на твитер со емотикон на американското знаме и хаштагот # 2020VISION.

Сè уште не е познато дали Вест, поддржувач на Трамп, навистина има намера да се кандидира на четири месеци пред изборите на 3 ноември и дали тој дури направил официјално барање да се кандидира за претседател.

Во голем број држави, крајниот рок за додавање на независни кандидати за претседател сè уште не е истечен.

Вест и неговата подеднакво позната сопруга Ким Кардашијан неодамна го посетија Трамп во Белата куќа.

На состанокот на претседателот и раперот во октомври 2018 година, Вест даде чуден говор за паралелните универзуми и неговото биполарно растројство за кое тој тврди дека всушност е недостаток на сон.

Најновата објава на американскиот рапер предизвика лавина реакции кај неговите 29 милиони следбеници.

Илон Маск, извршен директор на Тесла и уште една славна личност позната по ексцентричните испади, го поддржа во својот пост на Твитер.

„Ја имаш мојата целосна поддршка“, му напиша Маск.

Италија одбива да прими 180 мигранти , ги праќа во карантин на друг брод

Италија ќе премести околу 180 мигранти од спасувачкиот брод Ocean Viking во карантин на бродот Moby Zaza, откако со денови одбиваше да ги прифати, пренесува Dpa.

Преселбата на мигрантите е планирана за понеделник, откриваат извори од Министерството за внатрешни работи.

Мигрантите биле спасени во четири одделни операции. Првите две операции се спроведени минатата недела и ги спасија мигрантите кои избегаа од насилство и злоупотреба во Либија, објави СОС Медитеран.

Ситуацијата на бродот станала неподнослива, мигрантите почнале да штрајкуваат со глад и се закануваат со самоубиство, предупредува организацијата.

Ocean Viking во неколку наврати бараше од Италија и Малта да ги прифатат мигрантите, но без успех.

Во екот на пандемијата на коронавирус, двете земји веќе не дозволуваат спасените мигранти да се оддалечуваат од морето.

Откако екипажот на Ocean Viking побарал итен прием на 45 мигрантите, италијански психијатар и медијатор за култура вчера поминал неколку часови со мигрантите.

Потоа, Рим го одобри нивниот трансфер во карантин на бродот Моби Заза.

Во меѓувреме, состојбата на бродот за спасување се смирила, тврдат извори, а мигрантите денеска ќе бидат тестирани за коронавирус.

Рекорден број новозаразени во Тексас и Флорида, Трамп тврди дека е поради масовното тестирање

Флорида и Тексас вчера забележаа рекордни броеви на нови инфекции со коронавирус, а американскиот претседател Доналд Трамп продолжува да го минимизира растот на случаите во Соединетите држави и да го објаснува со масовното тестирање.

Флорида вчера забележа рекордни 11.458 нови случаи, а Тексас 8.258, објавија здравствените власти.

Двете американски држави сега имаат вкупно повеќе од 190.000 заразени.

Северна Каролина, Јужна Каролина, Тенеси, Алјаска, Мисури, Ајдахо и Алабама во петокот забележаа рекордни броеви на нови инфекции.

И покрај зголемувањето на инфекциите, бројот на смртни случаи во текот на денот се намалува во последните неколку недели. Се поголем е бројот на позитивни случаи кај младите луѓе, кои се помалку склони кон развој на потешки симптоми на болеста.

Претседателот Доналд Трамп повеќе пати се обидуваше да го минимизира зголемувањето на бројот на заразените и тоа го објаснува со екстензивното тестирање.

„Ако тестирате 40 милиони луѓе, ќе имате многу случаи ако нема тестирање (како во другите земји) не би се појавувале секоја вечер на „лажни вечерни вести “, твитна вчера Трамп.

САД се први на светот по бројот на заразени и жртви. Скоро 130.000 луѓе починаа, а повеќе од 2,8 милиони се заразени, според универзитетот Џон Хопкинс.

притисни ентер