Македонија

Несторовска: Трговијата со луѓе нов вид модерено ропство, се повеќе деца сексуално се експлоатирани

Минатата и оваа година во Република Македониа девет деца биле жртви на трговија со луѓе, односно биле сексуално експлоатирани и принудувани на бракови.

Полицијата поднела девет кривични пријави против 23 лица, а прворијавениот добил и казна затвор од 17 години додека второ и третообвинетите по 14 години затворска казна.

Ова денеска беше истакнато на одбележување на Европскиот ден за борба против трговијата со луѓе и претставување на почетокот на веб Кампањата за подигање на свеста на ранливите заедници за опасностите поврзани со трговијата со луѓе, со посебен фокус на трговијата со луѓе за сексуална и трудова експлоатација и за детски бракови како ризик за појава на трговија со деца, во организација на Меѓународната организација за миграции – ИОМ во соработка со Министерството за внатрешни работи и Министерството за труд и социјална политика.

-Трговијата со луѓе не е само кривично дело, туку е многу повеќе затоа што претставува флагрантно кршење на човековите права. Трговијата со луѓе е новиот вид модерно ропство. Сиромаштијата, невработеноста и семејното насилство се едни од главните причини кај одредена група луѓе која е осетлива и ранлива на трговијата со луѓе. Со жалење можеме да констатираме дека се поголем е бројот на домашни жртви на трговија со луѓе, се поголем е бројот на деца кои се сексуално експлоатирани, нагласи државниот секретар во Министерството за внатрешни работи Магдалена Несторовска која е и Национален координатор на Националната комисија за борба против трговија со луѓе и илегална миграција.

Таа истакна дека минатата година во нашата земја од девет идентификувани жртви, шест биле деца од кои сите се наши државјани и сите биле сексуално експлоатирани и принудувани на бракови, а оваа година имало три нови случаи на деца жртви на трговија со луѓе. Полицијата поднела девет кривични пријави против 23 сторители за трговија со луѓе. Првопријавениот за трговија со дете, според Несторовска, првпат после долго време е осуден на 17 години затвор, а второ и третообвинетите на по 14 години затвор.

Несторовска информираше дека единицата која е формирана за откривање криумчерење на мигранти, разбила вкупно пет организирани криминални групи против кои поднесени се 51 кривична пријава, а за 2019 три кривични пријави против 37 лици и целосно се разбиени две организирани криминални групи.

Според државниот секретар при Министерството за труд и социјална политика Јована Тренчевска, трговијата со луѓе најмногу ги погодува најранливите, а тоа се жените и децата.

-Во насока на подобрување на процесот на идентификација и заштита, во текот на изминатиот период со поддршка на ИОМ воспоставивме пет мобилни тима во Скопје, Битола, Куманово, Гевгелија и Тетово за идентификација на ранливи категории граѓани вклучително и жртви на трговија со луѓе, исткна Тренчевска.

Тимовите во 2019 година идентификувале три жртви на трговија со луѓе, 63 потенцијални жртви и голем број ранливи лица кои биле упатени на соодветна помош и поддрршка до други релевантни институции. Од нив најголем процент биле деца.

Соња Божиновска Петрушевска од ИОМ Скопје рече дека според нивните податоци, покрај сексуалната експлоатација, се подимнантна форма во регионот и кај нас е и трудовата експлоатација во која се повеќе мажи и момчиња стануваат жртви на трговија со луѓе. За намалување на оваа појава, Божиновска Петрушевска смета дека важна е превенцијата, односно информирање на ранливата поулација за опасностите што ги носи трговијата со луѓе.

Веб Кампањата за подигање на свеста на ранливите заедници за опасностите поврзани со трговијата со луѓе, според организаторите, има цел за сензибилизирање на широката јавност и медиумите, како и високо-ризичните категории, за ризиците поврзани со миграција, со фокус на трговијата со луѓе, и подобрување на свеста за опасностите кои произлегуваат од истите, како и информирање за начини на кој може да се пријави експлоатација и да се побара помош.

Македонија

Како до празнична трпеза без да се оптовари домашниот буџет?

Како наближуваат велигденските и првомајските празни, така растат и цените на овошјето и зеленчук, јагнешкото месо.

Канал 5 напарви обиколка на еден скопски пазар, но и во дел од месарите, каде засега единствено велат поскпаено е само јагнешкото месо. Поразговаравме и со дел од пазарџиите. Ако до вчера килограм краставица на скопските пазари можеше да се најде и за 50 денари килограм, денеска цената е повисока за 10 денари, од 5 до 10 денари има промени и кај доматот, компирот, салатите. Дел од пазарџиите велат можно е цените да растат и во следните денови.

„Некоја роба има разлика, но не верувам да се качи пред Велгиденот, може да се качи ама нема народ пари. 5 10 денари не е страшно, вчера беше краставицата 50 сега 60 денари. Доматот 100. Немаат граѓаните пари, со минимланна плата не може да искочи на крај со ова. “--изјави, трговец на пазар.

Граѓаните ги прават последните подготовки пред празниците, тие викендов се растрчаа по пазарите да купат по некое овошје и зеленчук, но велат не можат многу да си дозволат бидејќи цените постојано растат. Во зависност од домашниот буџет и цените на производите трпезата годиава ќе биде велат поскромна.

„Се спремаме и за велигден и за мај... Се знае дека се е поскапено, ќе биде малце исто ама посиромашно...“

„За некоја нијасна поскапено е да... “

„Секогаш има, секогаш имало или ќе има. Ако не многу од се помалку и пак ќе има....“

„Има и поскпаување и поевтинување негде има... Послаба ќе биде ама ....“

Досега цената на јагнешкото месо за килограм во дел од месарите и маркетите е зголемена од 150 до 200 денари. Дел од сточарите велат пред велигденските празници цената секогаш била повисока, но ова што сега се случува е нералано. Според нив најголемиот проблем е кај трговците кои ставаат високи маржи, бидејќи велат нивната откупна цена е 220 денари за килограм, па јагнето според нив не би требало да биде поскапо од 500 денари.

Македонија

Се враќа ли од утре старата цена на осигурителните полиси?

Утре владината комисија при Министерството за финансии за автоодговороност ќе одлучува за новата цена за осигурување на возилата.

Според неофицијални информации, поскапувањето за 15 % кое го донесе Нациналното биро по барање на осигурителните компаниии - комисијата при ресорното министерство ќе го поништи, со што се очекува да се врати старата цена .

Претходно реагираа и од Агенцијата за супервизија на осигурување од каде посочија дека зголемувањето на цената е неорпавдано.

Од Националното биро за осигурување пак велат дека цената на авто-осигурувањето е непроменета од 2008 година, и според нив, поскапувањето на осигурителните полиси е реално, поради како што велат – повисоките цени на автомобилите и резервните делови.

Македонија

Одбележана 23-та годишнина од смртта на припадникот на безбедносните сили, Роберт Петковски

Со положување свежо цвеќе пред спомен плочата во Бунарџик, општина Илинден ја одбележа 23-та годишнина од трагичната смрт на Роберт Петковски, кој како припадник на Министерството за одбрана, трагично загина во Вејце, на 28 април 2001 година.

Како што информираат од Општината, свежо цвеќе положиле членовите на семејството на Роберт Петковски, претставници на општина Илинден предводени од градоначалникот, Александар Георгиевски, припадниците на специјалната единица „Волци“, претставници на месната заедница и жители на Бунарџик.

Во чест на трагично загинатиот припадник на безбедносните сили, кој бил член на фудбалскиот клуб „Бунарџик“, а под покровителство на градоначалниот Георгиевски, се одржува традиционален меморијален турнир во фудбал.

Фудбалскиот натпревар се одиграл на ново реконструираното фудбалско игралиште во Бунарџик, кое го носи името „Роберт Петковски“ каде Општина Илинден изврши целосна замена на асфалтниот слој, поставено лед осветлување, заштитна ограда, нови голови, клупи, корпи за отпадоци и партерно уреден простор.