Свет

Хаос во Еквадор – Демонстрантите упаднаа во Парламентот , владата во бегство (ВИДЕО)

Веќе една недела траат судирите на демонстрантите со безбедносните сили , а вчеравечер група луѓе упаднаа во зградата на Парламентот , по што полицијата ги истера со солзавец.

Ова беше последен од низата протести кои започнаа со одлуката на претседателот Ленин Морен да го намали стимулот за нафтени производи, предизвикувајќи зголемување на цените на горивата. Граѓанските групи започнаа со протестна кампања за блокирање на патиштата, заземање на нафтени постројки и судири со полицијата.

Владата прогласи вонредна состојба како дел од обидите за спречување на протестите, кои почнаа да собираат сè повеќе приврзаници. Протестите започнаа од вработените во транспортот, се проширија на студентите и на крајот им се придружија и домородните здруженија, меѓу нив и најголемото домородно здружение, Конфедерација на домородните народи на Еквадор. Демонстрантите запалија полициско оклопно возило, кршејќи прозорци на автомобили, провалуваа во продавници и ја каменуваа полицијата. Полицијата одговорила со солзавец, а имало и слики од полицајци кои пукале и тела на млади демонстранти кои лежат на улиците.

Според личниот секретар на претседателот, Хуан Себастијан Ролдан, досега се уапсени околу 570 лица за напад врз луѓе и уништување на јавна и приватна сопственост. Претседателот Морено беше принуден да ги премести сите активности на владата во градот Гвајакил и да избега од главниот град Кито, каде протестите го оневозможуваат безбедното одржувањето на седниците. Морено се состана со сите министри и во телевизиско обраќање рече дека „има поддршка од сите еквадорски институции“ и им се заблагодари за „нивната одбрана на демократскиот систем“.


Македонија

АСО: Поскапувањето на осигурувањето за регистрација на возилата е неоправдано

Агенцијата за супервизија на осигурување ја известува јавноста дека зголемувањето на цената на полисите за задолжително автомобилско осигурување е неоправдан чекор на осигурителните компании.

По добиените известувања од осигурителните компании дека ќе ја зголемат цената направени се актуарски пресметки за проверка. По извршените актуарски пресметки утврдено е дека зголемувањето на цената, со дадените образложенија, не е оправдано.

Поради тоа АСО го информираше и достави предлог до Министерството за финансии, во рамки на неговите законски надлежности, да иницира изготвување и донесување нова тарифа на премии за задолжително осигурување од автомобилска одговорност. И со тоа да го ограничи износот на режискиот додаток што ќе овозможи намалување на цената на полисите за задолжително осигурување од автомобилска одговорност, стои во соопштението од Агенцијата за супервизија на осигурување .

НБА

Бранителот на тронот Денвер по трет пат подобар од ЛА Лејкерс

Кошаркарите на шампионот Денвер поведоа со 3:0 во првото коло од плејофот на Западната конференција во НБА лигата, откако утринава на гостински терен го совладаа Лос Анџелес Лејкерс со 112:105.

Српскиот репрезентативец Никола Јокиќ повторно беше најзаслуниот за триумфот на популарните Грутки над тимот на Леброн.

Јокиќ за 39 минути на паркетот постигна 24 поени, имаше 15 скока и девет асистенции, што значи дека беше на прагот на уште еден „трипл-дабл“ учинок во плеј-офот. На овој начин Нагетси ја остварија единасеттата победа во низа против тимот од Лос Анџелес, а легендарниот Леброн Џејмс за првпат во кариерата загуби десет последователни натпревари против еден тим. Денвер сега е на чекор до конференциско полуфинале, затоа што води со 3-0 во серијата со „езерџиите“. Покрај Јокиќ, во „Крипто центарот“ расположен беше и Арон Гордон кој постигна 29 поени, додека кај Лејкерси, Ентони Дејвис имаше учинок од 33 поени и 15 скока, а Леброн Џејмс даде четири поени помалку.

Македонија

180.000 гласа разлика во корист на Силјановска Давкова и ВМРО-ДПМНЕ пред Пендаровски

180.000 гласа разлика во корист на Силјановска Давкова и ВМРО-ДПМНЕ пред Пендаровски и СДС е порака дека народот сака промени и крај на понижувањата.

Народот не поддржува политика на понижување на Македонија.

Граѓаните јасно кажаа дека се против криминалот на СДС и ДУИ.

7 години Македонија тоне на секое поле. На почеток на секоја учебна година немаше учебници за учениците, за болните немаше лекарства, за земјоделците немаше откуп. Народот не се чувствувале безбеден, криминалот царуваше по улиците.

Народот не сака да живее повеќе во несигурност.

Над 180.000 гласови предност се обврска за ВМРО-ДПМНЕ Македонија повторно да ја врати на народот.

Победата во вториот круг ќе биде уште поголема, а СДС и Пендаровски, заедно со нивните газди од ДУИ никогаш повеќе нема да бидат во позиција да го понижуваат народот.

Македонија повторно твоја.

Со почит,

Центар за комуникации на ВМРО-ДПМНЕ

притисни ентер