Бузалковски со нови бодови од последната трка на Алпе Адриа Шампионат

Викендов се возеше последната  трка од Алпе Адриа шампионатот на патеката Мост во Р.Чешка!

Најмладиот натпреварувач од Македонија, Христијан Бузалковски повторно успеа да земе бодови,но овој пат на многу по спектакуларен начин,во однос на останатите,стартувајќи од последниот стартен ред!

- Стартувавме од последниот стартен ред,од вкупно 30 возачи,причината за ваквиот старт е во тоа што моторот во саботата на квалификациите се расипа и не успеавме да направиме брз круг,а истото се случи и на првата трка во саботата,и не ја стартувавме таа трка,па затоа во неделата моравме да стартуваме од последниот ред.Стартував 29ти,и напредував од круг во круг,но меѓутоа немаше многу кругови па морав да се задоволам со 14та позиција,иако ритамот во трката ни беше за TOП 5.Но тоа се трките,се се случува,позитивната работа е во тоа што веќе за следната сезона уште од самиот старт ке напаѓаме за топ 5,па се надеваме дека ке успееме да дојдеме и до подиум! , истакна младиот Бузалковски.

Пау Гасол заминува од НБА , се враќа ли во Барселона ?

Пау Гасол веќе не е играч на Портланд Треј Блејзерс. Денеска беше објавено дека дошло до пријателско раскинување на договорот на НБА клубот со еден од најдобрите европски кошаркари.

"Од денес, јас веќе не сум член на Портланд Трејл Блејзерс. Повредата со која се мачам и имав операција во мај трае од шест до 12 месеци за да заздрави. Се надевав дека закрепнувањето ќе биде побрзо, но за жал трае подолго.  Знаевме дека ова е можно, па се договоривме дека клубот може да ме отпушти за да има место да доведат друг играч кој би можел веднаш да помогне.„изјави Гасол, истакнувајќи дека тој исто така се подготвува за тренерска улога и покрај тоа што сè уште сака да игра.

Сега каталонскиот портал ЕСпорт соопшти дека Барселона е подготвена да му понуди на Гасол место во екипата. Како 20-годишник, Гасол брилираше во тој клуб пред да замине во НБА лигата каде со Лос Анџелес Лејкерс освои две титули.

Барселона изгради фантастичен состав оваа сезона и има за цел да ја нападне титулата во Евролигата. Гасол ќе ги добие потребните минути таму, според ЕСпорт, за да му помогне на кошаркарот да се подготви за Олимпијадата следната година и настапот во дресот на шпанската репрезентација.

Балотели се степал на тренинг, па со полна брзина избегал дома

Не му требаше многу на Мауро Балотели за да направи прв проблем и во Бреша.

На денешниот тренинг, тој се степал со соиграч, јавуваат италијанските медиуми.

Тренингот предводен од тренерот Фабио Гросо започнал во 3 часот, а само еден час подоцна Гросо луто викаше по Балотели за да замине во соблекувалната.

Околу 15 минути подоцна, револтираниот напаѓач се упатил дома со автомобил. Се разбира, тој нагазил жестоко и дивјачки на гасот, така што сите можеле да слушнат дека налутен го напушта кампот за обука.

Портпаролот на клубот Матео Кавазути се обиде да го прикрие инцидентот.

„Балотели беше заменет од тренерот Гросо за време на мини натпреварот со тактички тестови и Марио отиде премногу бргу во соблекувалната“.

Сепак, нема објаснување зошто Балотели налутено излетал од кампот и нагазил на гасот на пат кон неговата куќа.

Контроверзниот 29-годишник е член на најлошиот тим во моментов во Серијата А во Италија , Бреша, за која има шест настапи и постигнато два гола.

УФЦ борец ја покажа ужасната повреда (Вознемирувачко видео)

УФЦ борецот, Џејмс Краузе, на „Fight Night “ во Сао Паоло ја постигна својата шеста победа .

Краузе го победи Серџи Мораес на UFC Fight Nightu 164.

По борбата, се дозна дека Краузе последните две рунди се борел со непријатна повреда на прстите на ногата. Во еден момент, ногата на Краузе му се заплетка во затворениот простор на борбеното поле , така што си ги повреди прстите.

"Еве нешто ново за мене. Четири шевови на прстот на ногата. Во првиот круг, додека запрев едно удирање, прстите ми се заглавија во оградата на кафезот и ми се отвори раната. По 13 години во еден од моите најголеми стравови стана  реалност “, напиша Краузе на Инстаграм, каде објавивидео од третманот на повредената нога.

притисни ентер