Ѕвездата на Јувентус не заборавил од каде доаѓа : Мака ми е ако на вечера потрошам 300 евра (ВИДЕО)

Иако има годишна плата од 2,8 милиони евра само од договорот со клубот , беазилскиот фудбалер Алекс Сандро не се расфрла со парите и не заборава од каде потекнува.

"Кога пристигнав во Атлетико Паранаенсе, имав 15 години и заработував 100 долари месечно. Клубот ми даде сè - стан, храна, училиште ... Јас би потрошил 50 американски долари и ги штедев другите 50. По првата победа, добив 300 долари и им ги дадов на моите родители за да купат нешто за дома. Можев да купам нешто, но морав да му помогнам на семејството “, вели 28-годишниот Бразилец за своите скромни почетоци во големото интервју со бразилскиот новинар Рајам Сантос.

Пет години подоцна се преселил во Порто, што беше целосно ново искуство.

"Кога ќе заминете од дома, а јас заминав на 15-годишна возраст, мора да имате поинаков менталитет. Доколку сè уште сте во Бразил, секогаш можете да барате поддршка од семејството, но во друга земја сте сами. Вие имате поддршка од клубот, но на крајот сте целосно сами."

Дури и кога почна да заработува многу пари, тој не се смени.

"Честопати излегувам со семејството и трошам 300 или 400 евра и се прашувам колку би вредело тоа  во Бразил. Се чувствувам малку лошо кога трошам толку многу за една вечер. Ми кажуваат да не размислувам за тоа и да уживам во животот, но се чувствувам добро кога им помагам на другите луѓе. Во иднина, сакам да отоврам фондација во мојот град за да им помогнам на децата, не само во фудбалот, туку и во училиштето “.

Тој верува дека школувањето е многу важно и ги советува децата да не го напуштат училиштето, колку и да се талентирани за фудбал.

"Многу деца кои се многу добри во својата млада возраст не стануваат професионалци. Ако не го завршат училиштето, нивниот живот е многу потежок. И треба да ги почитуваат луѓето. Никогаш не бев најдобар ученик, но ги почитував наставниците."

Тој, исто така, даде добар пример за тоа што се случува со бразилските деца кога ќе тргнат на  погрешен пат.

"Многу од децата кои пораснаа со мене во Катандува завршија во затвор или се мртви. Мора да имате јасна мисла и да следите добар пример. Ако работите напорно, ќе дојдат можности, како што ми се случи мене", рече Алекс Сандро.

Ѓоковиќ доби обештетување од 3 милиони долари од Рио де Женеиро

Новак Ѓоковиќ е побогат за скоро 3 милиони долари откако го доби судскиот спор со бразилскиот град Рио де Женеиро.

Овој бразилски град му должeше пари на Ѓоковиќ од учеството на ревијален натпревар во 2012 година со Густав Куертен. Тогаш Новак требаше да добие 1,1 милиони долари, но му биле исплатени само 650 000 долари, па Ѓоковиќ поднесе тужба.

Седум години откако започна спорот, случајот е затворен. Судот пресуди во корист на српскиот тенисер, а со сите камати , Рио де Женеиро сега ќе мора да плати скоро три милиони долари.

Лига на шампионите ќе го менува форматот!?

УЕФА и Здружението на европските клубови се блиску до договор за промена на форматот на најсилното фудбалско натпреварување на Стариот континент Лигата на шампионите од 2024 година.

Според наводите на англискиот „Тајмс“ во план е зголемување на бројот на натпревари и воведување на уште една групна фаза. Ваква фаза постоеше во периодот на основање на новиот формат на натпреварувањето од 1992 до 2003 година.

На тој начин клубовите кои би ја минале групната фаза би играле дополнителни шест средби за пласман во елиминациската рунда, односно меѓу осумте најдобри во четврт-финалето.

УЕФА со вакво решение и одлука сака да ги натера најдобрите и најбогатите клубови веќе да не размислуваат на идејата за формирање на затворена Суперлига. Но, се поставува прашање како на новиот формат би реагирале клубовите од Англија, кои и онака играат голем број на натпревари. Премиерлигашите и онака имаат густ распоред и практично играат без одмор.

Организаторите за загадениот воздух на Австралија Опен: Виновни се телефонските апликации

Одигрувањето на Австралија опен е доведено во прашање откако организаторите се борат со проблемот со загадувањето на воздухот како резултат на шумските пожари кои ја опустошија земјата.

Првиот ден беше одбележан со откажување на Далила Јакуповиќ, кој имаше проблеми со дишењето и силна кашлица предизвикана од загадениот воздух, но и бројни поплаки од играчите дека не можеле да дишат и дека брзо се умориле. Вториот ден се случи тричасовна пауза поради тешкото загадување на воздухот, аа после тоа да се појават првите шпекулации за евентуално одложување на целиот турнир.

И покрај сè, директорот на Австралија опен Крег Тили изјави дека првиот Грен слем на сезоната ќе започне навреме, како што беше планирано.

„Постојат многу шпекулации дали Австралија опен ќе започне навреме или ќе биде одложен. Турнирот ќе се одржи“, изјави Тили, истакнувајќи дека го разбира гневот на играчите, но исто така додаде дека верува дека има забуна околу различните мерења на квалитетот на воздухот во зависност од која апликација или веб-услуга се користи.

"Прашањето на квалитетот на воздухот е збунувачко и комплицирано. Постојат различни форми на мерење кои се многу покомплексни отколку што можат да понудат телефонските апликации. Важно е да имате доверба во медицинските совети и научните експерти кои секојдневно го анализираат квалитетот на воздухот. Безбедноста, благосостојбата и здравјето на играчите, се наш приоритет “

Според него, системот за мерење на загадувањето треба да ја надмине границата од 200 единици, а тоа никогаш не се случило од почетокот на натпреварите.

притисни ентер