Царовска: Вработените во нови градинки и обучени и со плата за работа со деца со нетипичен развој

Негувателките и воспитувачките пред се во новите градинки се обучени за работа со деца со нетипичен развој за нивна инклузија и имаат плата како за службеник кој работи со лица со попреченост.

Ова го изјави министерката за труд и социјална работа Мила Царовска при посетата на Брвеница каде се гради нова градинка.

-По однос на сите нови градинки што се градат и обуките кои се во тек тие треба да бидат инклузивни. И децата кои се со типичен развој и децата со нетипичен развој треба да го посетуваат и предучилишното, основното и средното образование во рамки на нивните можности. Исто така и платите на негувателките и воспитувачките се подигнаа на ниво на плата на наставник кој работи со деца со одредена попреченост. Што значи дека и тие имаат свој коефициент и бод во вкупната плата која ја зголемивме сега за 16 проценти, а во октомври платата ќе биде исплатена со плус пет проценти што значи зголемување од 21 процент на вработените во градинките и со тоа очекуваме приемот на овие деца да биде соодветен и тие да се справуваат со предизвиците кои децата со попреченоста ги имаат, рече Царовска.

Руралните општини како Брвеница имаат можност да градат нови дневни центри и за лица со попреченоста над детска возраст.

-Доколку има потреба за развој на посебен дневен центар за возрасни лица со попреченост во оваа општина, тогаш Општината може да се пријави на огласот што сега е објавен на Министерството за развој  на социјални услуги. И тука доколку се обезбеди простор ние би го тоа опремиле и дале финансиски средства со цел општината да стартува со социјална услуга дневен центар или друг тип социјален сервис што е потребен за ова и сите други општини. Општините да се подготват со иницијативи и да ги пратат до Министерството, порача министерката./МИА

Автобус удрил во брдо, 22 загинати

Најмалку 22 лица загинале, а 15 се повредени во сообраќајна несреќа на автобус во Пакистан. 

Автобусот на кого му откажале сопирачките додека се движел по планински пат на северозападот на Пакистан удрил во брдо, соопштила полицијата.

Според полицискиот извештај несреќата се случила во областа Чилас на патот меѓу градовите Скарду и Равалпиниди.

Непристапниот терен и недостатокот на опрема ги отежнуваат напорите на спасувачките екипи при извлекување на повредените.

Со автомобил се забил во џамија

Француската полиција уапсила маж кој со својот автомобил удрил во џамија во местото Колмар на североистокот на Франција, пренесе локалната управа на префектурата О-Ран.

Уапсениот возач на себе имал повредни нанесени со нож, но не е познато дали самиот се повредил или го нападнало друго лице.

Според изјавите на очевидци на несреќата , на кои се повикуваат локалните медиуми , возачот на автомобилот  извикувал „Алах акбар“.

Веднаш по инцидентот полицијата го затворила целиот реон околу џамијата.

Засега не е познато дали нападот е дело на терорист или е обид за самоубиство, наведува „Спутник“.

Зајакнати капацитетите на Работниот комитет за интеграција во НАТО

Работниот комитет за интеграција во НАТО имаше тренинг семинар во  Европскиот центар за безбедносни студии „Џорџ Ц. Маршал" во Гармишпартенкирхен.

Работниот комитет за интеграција во НАТО имаше тренинг семинар во  Европскиот центар за безбедносни студии „Џорџ Ц. Маршал" во Гармишпартенкирхен каде членовите на комитетот детално се запознаа со начинот на кој функционира НАТО во однос на внатрешните постапки и процедури на земјите членки.

Членовите на комитетот добија информации и искуства и од некои од поновите земји членки на Алијансата како што се Словенија, Словачка и Хрватска во однос на нивниот процес на интегрирање во НАТОи функционирањето како полноправна членка на НАТО.

– Оваа размена на искуства и добри практики ќе биде корисна бидејќи доаѓа во финалната фаза на интеграција во НАТО на нашата земја. Република Северна Македонија ќе биде 30-та земја членка на НАТО и тоа е неповратен процес. Процесот на ратификација на Пристапниот протокол за членство во НАТО веќе е завршен во 22 земји членки на НАТО. Преостанатите седум земји членки ќе ја завршат ратификацијата согласно нивните домашни политички процеси, велат од владината прес- служба од каде вечерва информираа за овој треминг семинар.

Оттаму велат дека прашањето на полноправно членство е техничко, односно не се очекуваат никакви проблеми со ратификацијата во која била од земјите, единствено е прашање на време кога тоа ќе се случи, зависно од процедурите на институциите во земјите.

Полноправното членство ќе се заокружи кога ќе се заврши ратификацијата на протоколот во сите земји членки, и финално кога ќе биде ратификуван во нашиот Парламент. Процесите на интеграција на последните земји членки траеле од година до година ипол.

Работниот комитет за НАТО интеграција е интер-институционална работна група која е задолжена за изработка и имплементација на Програмата за континуирани реформи за членство во НАТО. Тоа е оперативното работно тело што ги има обврските за подготвува на Република Северна Македонија за членство во НАТО. /МИА

притисни ентер