Африканската свинска чума по Бугарија стигна и во Србија

Африканската свинска чума по Бугарија стигна и во Србија. Од денеска Агенцијата за храна и ветеринарство донесе забрана за увоз на свинско месо и преработки.

Директорот на агенцијата Атанасов информацијата ја потврди и за Канал 5. Свинската чума ја има во околината на Белград, Младеновац и Смедеревска Паланка. Ловечките здруженија се организираат, утре треба да потврдат кога ќе почне ловот на диви свињи. Овој викенд акцијата не почнала поради забраната за движење во шумите заради заштита од пожари.

По потврдата на антракс во местото Страговиште во општина Зајас денеска нема пријава на нови случаи за заболени животни, ниту луѓе. Она што е ново е дека во 22 обележени места во Македонија сомнителни дека ќе се појави антракс ќе започне вакцинација на овците, козите, кравите и коњите. Според правилата животните во обележаните места низ цела Македонија ќе бидат веднаш вакцинирани.

На седми август официјално било потврдено дека има антракс во општина Зајас. Местото е чисто и биле запалени девет мрши, потврдуваат од агенцијата. До оваа институција имаше големи критики дека ја прикривале информацијата. Првиот човек на агенцијата повтори дека се прави сензација од нешто што се појавувало со години, и дека состојбата е целосно под контрола. 30 вработени од факултетот за ветерина се уште се на превентива со антибиотици бидејќи биле во контакт со заболеното животни.

Касапи: Не се само интеграциите во НАТО и ЕУ прав пат , туку и градењето на едно општество за сите граѓани за кое се залага СДСМ

Голема чест ми е што СДСМ предводена од претседатело Зоран Заев  ја формираше  комисијата за еднакво општество за сите и токму јас што ја предводам таа комисија, која за прв пат се формираше во нашата држава.

Ова го истакна  пратеничката Ѓулумсер Касапи која е и претседателка на Комисијата за едно општество, на граѓанската трибина организирана од СДСМ „На прав пат" во Тетово.

Таа посочи дека тоа е потврда дека сме на прав пат како општество кое се гради како еднаква држава за сите граѓани.

-Затоа ќе кажам, не само интеграциите во НАТО и ЕУ прав пат, туку и градењето на едно општество за сите.

Во изминатите 2 години СДСМ со конкретни работи покажа дека вистински се залага за подобар живот, подеднакво за сите наши граѓани. Заедништвото помеѓу граѓаните е многу важно и ние го негуваме затоа што искрено веруваме. Не сакаат граѓаните поделби. Затоа ќе продолжиме по правиот пат-заврши Касапи.

Царовска од Тетово: Граѓаните не сакаат враќање назад, Мицкоски и ВМРО-ДПМНЕ ги чека нов пораз на 12 април

Ние сме на прав пат што води до победа на 12 април за СДСМ, ,истакна потпретседателката на СДСМ Мила Царовска, вечерва пред присутните на Трибината „На прав пат„ во Тетово.

Гледаме овие денови што се случува. Ние велиме ајде на брзи избори, ВМРО-ДПМНЕ и Христијан Мицкоски бегаат. Јасно е, Мицкоски и ВМРО-ДПМНЕ се плашат, знаат дека ги следи нов пораз. Затоа што граѓаните не сакаат враќање назад, изолација, обнова на криминал и режим,истакна Царовска, додавајќи дека ВМРО-ДПМНЕ 2 години се грижеа како да наштетат и да одмогнат во секоја реформа што сакаме да ја постигнеме.

Веруваме дека вие ќе го изберете на вистинскиот пат, и нема да дозволите да се врати на криминал и режим, кој ние го срушивме со пенкало и со пенкало ќе го одржиме, потенцираше потпретседателката на СДСМ Мила Царовска, вечерва пред присутните на Трибината „На прав пат„ во Тетово.

,,Детскиот додаток им се исплаќа на 20.230 деца, што е за три пати повеќе, а образовниот на 8.681 деца, што е за три и пол пати повеќе од претходното. До крајот на реформата очекуваме околу 70.000 деца да примаат детски и образовен додаток. што ќе биде за 20 пати повеќе од претходно, рече Царовска.

Таа истакна дека законот за зголмеување на минималната плата на 14.500 денари е веќе во процедура. Сега над 50.000 работници во текстилната, кожарската и чевларската индустрија добиваат плати повисоки за 5.500 денари месечно.

Царовска се осврна на социјалната реформа, со која социјалната помош е зголемена и до 300 отсто и со која се подобрува живото на околу 300.000 граѓани.

Секое дете заслужува грижа и топол дом, истакна Царовска и додаде дека СДСМ инвестира и во изградба на нови и проширување на постоечките капацитети на градинките низ цела држава, како и во персоналот, со значително зголемување на платите на вработените во социјалната дејност, се наведува во соопштението на СДСМ.

Пајакот во Ријека подигна Смарт и го здроби (ВИДЕО)

На социјалните мрежи во Хрватска и во регионот денеска се рашири видео на кое се гледа како работи пајак-службата во Ријека.

Снимката е објавена на страницата на Фејсбук ,,Сообраќајни згоди и незгоди” , а на неа се гледа како пајакот се обидува да подигне автомобил Смарт , кој бил непрописно паркиран.

Откако го закачиле на системот за кревање, Смартот се наведнал неколку пати до тој степен што удрил во земја и на предната и на задната страна. Според сведоците кои ја снимиле целата ситуација, Смартот е здробен од сите страни.

Од полицијата велат дека штетата најверојатно ќе биде надоместена со осигурувањето, бидејќи нема елементи на кривичното дело, бидејќи пајак-службата немала намера да го оштети автомобилот.

притисни ентер