КАМИН ТАВА

Рецепт на: Дејан Бакаловиќ Гледајте „Избор на најдобри рецепти“ секој ден од понеделник до четврток во 10.00 часот

          Потребни состојки:  100 гр. свинско филе, 100 гр. пилешки стек, 100 гр. бомбици од телешко мелено месо, 50 гр. модар патлиџан, 50 гр. тиквичка, 50 гр. кромид, 1 пиперка, 50 гр. печурки, бујон од телешки коски, малку масло, сол и зачин од сув зеленчук по вкус.

          Постапка:

          Свинското и пилешкото месо се сечка на поситни коцки и се пропржува во тава со загреано масло околу 10 минути.

          За тоа време се сечкаат: модриот патлиџан, пиперката, кромидот, тиквичката и печурките.

          Зеленчукот и печурките се додават во тавата со месо и се продолжува со пржењето околу 15 минути.

          Состојките се зачинуваат со сол и зачин од сув зеленчук по вкус.

          Потоа се додава бујонот и се пропржува уште 1-2 минути.

          Состојките се префрлаат во земјен сад и се печат во загреана рерна околу 5-10 минути на 150-180 степени.

притисни ентер