Ѓоковиќ: Не сум Федерер, не знам што тој сака

Во финалето на Мастерсот во Рим , Надал го победи Ѓоковиќ и најави дека е во форма пред Ролан Гарос.

Се уште се зборува за условите во Рим и дека тенисерите настапувале во тешки услови. Поради дождот , некои играчи морале да играат и по два натпревара дневно. Во текот на турнирот новинарите го прашаа Ѓоковиќ што би направил ако треба како Федерер да игра по два натпревара во еден ден. На тоа Ноле им одоговори:

,, Јас не сум Федерер , така што не можам да одговорам на тоа прашање. Не знам што нему повеќе му се допаѓа и што сака. Лично сакам да го почнам турнирот порано , на пример во вторник. Бидејќи играв во финалето на турнирот во Мадрид , логично е што ме ставија во среда.” , рече Ѓоковиќ и додаде во врска со временските услови.

,,Несреќа е кога цел ден на турнир имате дожд. Некогаш знае да врне од утро до мрак , па има многу компликации . Можеби да се направи носителите да играат во вторник. Но се е под можеби.”, заврши Ѓоковиќ.

Милан во најголема финансиска загуба во историјата на клубот

Катастрофалните резултати во последните седум-осум години и 13. место оваа сезона во Серија А , не се единствените грижи за навивачите на Милан.

Денеска  клуб од Сан Сиро го објави финансискиот извештај, во кој е наведено дека Милан за сезоната 2018/2019 е во минус од 148 милиони евра, најголем во 119-годишната историја на клубот, а до денес тој долг се зголеми на 156 милиони евра.

Иако плафонот на долгот може да биде 90 милиони евра, Милан го надмина за 66 милиони евра, јавуваат италијанските медиуми.

Во последните две и пол години, седумкратниот европски шампион смени тројца сопственици. Силвио Берлускони го продаде клубот на контроверзниот Јонгхонг Ли, а по само една година Кинезите мораа да го предадат на американскиот фонд „Елиот“, бидејќи не можеа да ги вратат долговите.

Во меѓувреме, Милан Газидис, финансиски експерт, пристигна во Милано од Арсенал, при што Паоло Малдини и Звонимир Бобан го преземаа спортскиот сектор. Сепак, лошите резултати, години неиграње во Лигата на шампионите, непостигнувањето трофеи и честите промени на тренерите, со тим со лош квалитет, го вклучија алармот во Милан. Елиот вложи 265 милиони евра во клубот до 30 јуни годинава, плус дополнителни 60 милиони евра меѓу јули, август и септември, но финансиската состојба и натаму е алармантна.

Продажбата на играчи се намали од 42 на 25,5 милиони, од продажбата на билети од 35,2 на 34,1 милиони и од спонзорите од 44,7 на 38 милиони. Сепак, трошоците за вработените исто така се зголемија од 150,5 на 184,8 милиони евра, додека политиката за трансфер на клубот беше негативна. Милан потроши 153,1 на играчи, заработувајќи само 49,9 милиони евра.

Најголем дел од тој долг го сноси споменатиот Ли, кој по неговото пристигнување купи 11 нови играчи, меѓу кои и Никола Калиниќ, а инвестираше 131,1 милиони евра, чие потекло е сè уште непознато. Кинезот подоцна едноставно исчезна, а во тек е темелна истрага во врска со неговото купување на клубот од Берлускони и инвестирање пари без никакви гаранции.

30 илјади деца на натпреварот на Романија со Норвешка (ВИДЕО)

На фудбалскиот натпревар на Романија и Норвешка за квалификациите на Еуро 2020 , имаше 30 000 деца, бидејќи романската федерација е под казна на ФИФА.

На иницијатива на Фудбалскиот сојуз на Романија ,на стадионот во Букурешт натпреварот на домашната репрезентација со селекцијата на Норвешка го следеа 30 000 деца.

Романија е казнета за неспортско однесување од страна на навивачите за з два натпревари, исто како што тоа се случи со Партизан во Лигата на Европа.

Романците ја искористија забраната за да поканат над 30.000 деца да ги поддржат во квалификациите за Европското првенство во 2020 година.

Избркале Турчин од клубот зашто давал поддршка на војската во офанзивата против Курдите

Ценк Сахин , доскорешниот фудбалер на Сент паули доби отказ од германскиот клуб откако на Инстаграм објави порака со поддршка за турската војска и офанзивата во Сирија.

Клубот ја анализирал контроверзната објава на турскиот фудбалер, имало дискусии меѓу лидерите на клубот и играчот, а заклучокот беше прекинување на соработката меѓу Св. Паули и Сахин.

Главната причина за одлуката беше непочитувањето на Сахин за клупските вредности. Според изјавата на официјалниот клупски сајт, Ценк добил дозвола да продолжи со тренинзите со тимот, но не и да игра натпревари.

Многу навивачи на германскиот клуб биле воодушевени на вестите за отказ на Сахин. Некои се горди на одлуката на клубот, а пораките за поддршка доаѓаат од целиот свет. Љубителите на фудбалот со почит се изразија кон овој потег со кој раководството на  Св. Паули појасни дека на политиката не и е местото во спортот.

притисни ентер