Лажен колекционер украл со измама Ферари од два милиона евра

Човек , кој се претставил дека е колекционер на автомобили побарал да направи пробно возење со Ферари , вредно 2 милиони евра и не се вратил во салонот.

Полицијата од Диселдорф е во потрага по лажниот колекционер , кој седнал на пробно возење во Ферари 288 ГТО од 1985 и исчезнал.  Човекот до автосалонот дошол со такси , а тргнал на пробното возење со вработен од салонот. Но , во еден момент кога вработениот излегол од автомобилот за да му го отстапи возачкото место на потенцијалниот купувач , тој нагазил на гас и се изгубил.

Сепак , за среќа подоцна автомобилот бил најден во една гаража во гратчето Гревенброих , во близина на Диселдорф.

Автомобилот бил најден по дојава во полицијата , но крадецот и натаму не се знае каде би можел да биде. Полицијата објави негова фотографија и апелира до сите кои го виделе , да пријават.

Инаку ,,позајменото “ Ферари има поминато самио 43 000 километри , а некогаш било во сопственост на поранешниот Ф1 возач Еди Ирвин. Слични вакви автомобили на аукции се продаваат од 2 до 3 милиони евра.

Најголем проблем за крадецот е тоа што моделот паќа во очи и е тешко да се препродаде на црниот пазар. За секој примерок од овој автомобил има точни податоци и историја , бидејќи биле произведенио само 272 такви автомобили.

притисни ентер