Потребни состојки: 1 свеж крап, 5 компири, 200 мл. сок од портокал, 250 мл. бело вино, 3 лимони, 2 портокала, 50 гр.путер, 100 гр. кашкавал, 4 чешни лук, малку малиново масло, малку сончогледово масло, малку магдонос, 200 гр. ориз, малку марула, 2-3 лажички сол и малку зачин од сув зеленчук.
Постапка:
2 компира се сечат на поголеми парчиња и се редат во тепсијата.
Врз компирот се става исчистен свеж крап и се посолува.
Крапот се попрскува со маслиново масло и се засекува по целото тело.
Врз горниот дел од крапот се ставаат парчиња портокал а во засеците парчиња лимон и се полева со сок од портокал.
Во внатрешноста на крапот се става неколку чешни лук и малку магдонос и се полева со бело вино.
Крапот се пече во загреана рерна околу 70-90 минути.
Додека се пече крапот се подготвува прилогот.
Три компири се чистат и се засекуваат до пола по целата должина.
Се редат во тепсија и се зачинуваат со зачин од сув зеленчук.
Во засеците се ставаат ленти од путер.
Компирите се полеваат со маслиново масло, врз нив се реди сечкан кашкавал и се печат во загреана рерна.
Откако ќе се испече крапот се декорира со: печен компир, варен ориз, лимон, портокал и марула.