Македонија

Рикер: Историјата да биде школо а не затвор

„Дома сум“. Ова е првиот коментар кој го даде Филип Рикер, идниот помошен државен секретар за Европа и Азија или поедноставно кажано, новата „десна рака“ на  Доналд Трамп за Европа.

И природно е Рикер тука да се чуствува како дома, имајќи во предвид дека беше амбасадор во Македонија 3 години, односно од 2008 до 2011тата . Токму поради оваа служба на Рикер се гледа како на одлична можност за уште поголема американска поддршка, бидејќи тој не само што има многу пријатели во земјава, туку е и одличен познавач на политичката ситуација во регионот. Дека именувањето на Рикер на новата функција е одлична вест за земјава потврди и министерот за Надворешни работи Никола Димитров, кој оствари официјална средба со високиот американски гостин. Рикер ја искористи приликата и лично да каже дека Преспанскиот договор го трасирал патот на земјава кон ЕУ и НАТО.

Рикер во Скопје го пречекаа и луѓе од американската амбасада, но не и амбасадор. Причина досегашниот Џес Бејли си замена, а најавената Кејт Мери Бирнс не е дојдена, а барем засега не се знае кога ќе дојде. Имено, од амбасадата информираа дека американскиот сенат се уше не потврдил дека Трамп го номинирал идниот амбасадор. Додека трае овој процесот, Михаела Шваицер Блум ќе ја врши улогата на американски амбасадор во земјава.

Фудбал

ЛШ: Тројца фудбалери на Баерн неизвесни за дуелот со Реал

Фудбалерите од средниот ред Џамал Мусиала и Конрад Лајмер, како и дефанзивецот Матијас де Лихт се под знак прашалник за првиот натпревар од полуфиналната пресметка на Баерн Минхен во Лигата на шампионите против Реал Мадрид

Фудбалерите од средниот ред Џамал Мусиала и Конрад Лајмер, како и дефанзивецот Матијас де Лихт се под знак прашалник за првиот натпревар од полуфиналната пресметка на Баерн Минхен во Лигата на шампионите против Реал Мадрид идниот вторник, објави германскиот клуб.

Мусиала вчера не настапи во победата на Баерн во Бундеслигата над Ајнтрахт Франкфурт поради воспаление на тетивата.

„Тој навистина сакаше да игра, а и ние. Имаше два дена кога не чувствуваше никаква болка, но тоа повторно се врати вчера“, објасни тренерот на Баварците, Томас Тухел.

Лајмер го истегна зглобот на натпреварот со Ајнтрахт, додека Де Лихт има повреда на лигаментите на коленото.

„Ќе видиме дали и двајцата ќе бидат подготвени за натпреварот во вторник. Ќе треба да почекаме да видиме што ќе покажат дополнителните тестови“, додаде Тухел.

Македонија

Во Скопје санкционирани 142 возачи, 52 за брзо возење

Вкупно 142 мерки, меѓу кои  52 за непочитување на брзината на движење се изречени во контролите на сообраќајот што вчера ги спроведе Секторот за внатрешни работи Скопје на територија на град Скопје.

Како што информира МВР, при тоа се изречени и 15 мерки за возење без возачка дозвола, шест за користење мобилен телефон при возење, шест за управување под дејство на алкохол,...

Од МВР најавуваат дека и во наредните денови ќе продолжат сообраќајните контроли и апелираат граѓаните да ги почитуваат сообраќајните правила и прописи за, какао што велат, да ја зголемиме безбедноста во сообраќајот и заедно да придонесеме за посигурни патишта.

Македонија

Во центарот на Куманово ќе биде откриен мурал со ликот на Бобан Трајковски убиен кај Вејце

Во центарот на Куманово ќе биде откриен мурал со ликот на Бобан Трајковски кој беше убиен пред 23 години кај Вејце.

Мурал со ликот на Бобан Трајковски денеска на пладне ќе биде откриен во центарот на Куманово, во рамките на одбележувањето на 23-годишнината од неговата трагична смрт кај тетовското село Вејце.

Муралот е изработен од уметниците Младен Трендевски - Трендо, Горан и Дејвид, сограѓани на Бобан, а организатори на настанот се Здружението Сила и колегите на Трајковски од специјалната единица Волци.

На 28 април 2001 година, во 17:45 часот, се случи масакрот во Вејце, кога осуммина припадници на специјалната единица Волци и полицајци од посебната единица беа начекани во подмолна заседа и беа убиени, а потоа масакрирани и запалени.

притисни ентер