Бугарскиот парламент го ратификуваше протоколот за членството на земјава во НАТО - Канал 5

Македонија

Бугарскиот парламент го ратификуваше протоколот за членството на земјава во НАТО

Едногласно, со 140 пратеници, колку што беа во собраниската сала, Бугарија го ратификува Пристапниот протокол за членство на Република Северна Македонија во НАТО. 

Бугарскиот парламент го ратификуваше протоколот за членството на земјава во НАТО

Пленарната седница, мина без присуство на бугарската опозиција, која го бојкотира Парламентот поради измените на Изборниот законик. Ратификацијата почна со поздрав и честитки кон македонската собраниска делегација, предводена од Талат Џафери.

Патот кон Алијансата на нашиот сосед не беше лесен и затоа е историски за НАТО, рече шефицата на бугарската дипломатија, Захариева пред гласањето.

-Наш национален интерес е нашиот југозападен сосед да биде дел од заедничките демократски вредности, да ги преземе своите одговорности и обврски, кои произлегуваат од членството во НАТО и да придонесе кон евро-атланската безбедност, изјави Екатерина Захариева, министер за надворешни работи на Бугарија

-Од Бугарија, јасно и гласно да кажеме и да се чуе . Добродојдовте кај нас, добродојдовте браќа и сестри, изјави Константин Попов, претседател на Комисијата за одбрана во Собранието

- Парламентот го ратификуваше Протоколот за Северна Македонија. Вложивме големи напори. Сакам да им се заблагодарам на Парламентот и на пратениците за оваа мудра одлука, рече Бојко Борисов, премиер на Бугарија.

Ратификацијата сепак не мина без забелешките на партиите од националистичката коалиција Обединети Патриоти, чиј лидер неодамна побара анекс на Договорот за добрососедство, поради како што тврдат, присвојувањето на бугарската историја.

-Никој таму во Северна Македонија не треба да се срами на никаков начин да каже дека е со бугарска самосвест, Волен Сидеров, Атака

-На луѓето, кои се чувствуваат како Бугари, им беше вршена репресија, имаше доста негативизам и нивните права беа нарушени, изјави Валери Симеонов, национален фронт за спас на Бугарија

НАТО стана реалност за нас, иако се чинеше дека статус кво ситуацијата никогаш нема да се помести од мртва точка, изјави Џафери, по средбата со бугарската колешка, Цвета Карајанчева.

-Убеден сум дека имањето на Република Бугарија покрај нас, е силна гаранција дека и ние како земја, меѓутоа и целиот Регион на Западен Балкан ќе се развиваме и напредуваме во вистинскиот правец кој ќе донесе мир, стабилност, напредок и благосостојба за сите наши граѓани, изјави Талат Џафери, претседател на Собрание

Џафери имаше средба и со бугарскиот премиер Борисов во Софија, на која и двајцата ја изразиле одличната соработка и значењето на проектите од инфраструктурата, транспортната и дигитална поврзаност. По Грција, Албанија и Словенија, со денешната ратификација, Бугарија стана четвртата земја членка на НАТО која даде зелено светло за земјава од потпишувањето на Протоколот пред 14 дена во Брисел. За полноправно членство во НАТО, неопходна е ретификација на сите 29 земји членки, која според проценките, треба да се заокружи најдоцна до пролет следната година.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Израелците ликвидираа командант на единицата Нухба, елитен одред на Хамас (Вознемирувачко видео)

Израелската војска (ИДФ) соопшти дека во воздушен напад во јужниот дел на Појасот Газа е убиен командант на Хамас, за кој се вели дека учествувал во нападот врз воената база Реим за време на нападот на 7 октомври 2023 година.

Израелците ликвидираа командант на единицата Нухба, елитен одред на Хамас (Вознемирувачко видео)

Израелците соопштија дека командантот на елитната единица Нухба на Хамас, Јахја Саид Мохамед Хамдан, бил убиен во нападот, објави „Тајмс оф Израел“.

Според ИДФ, Хамдан учествувал во нападот врз базата Реим, каде што се наоѓа седиштето на израелската дивизија за Појасот Газа, за време на нападот на Хамас на 7 октомври.

Војската соопшти дека Хамдан неодамна работел на планирање напади врз израелските сили и обнова на оперативните капацитети на Хамас, што, според ИДФ, го направило „непосредна закана“.

Тагови: израелците Хамас

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Килијан Мбапе го декласира Мароко, па направи потег за паметење (ВИДЕО)

Франција обезбеди пласман во полуфиналето на Светското првенство со победа од 2-0 над Мароко, а најголемата ѕвезда на „триколорите“ Килијан Мбапе уште еднаш покажа дека големината на еден фудбалер не се мери само со голови и асистенции.

Килијан Мбапе го декласира Мароко, па направи потег за паметење (ВИДЕО)

Францускиот напаѓач имаше турбулентна вечер. Промаши пенал, но тоа не го обесхрабри. Во остатокот од натпреварот, тој беше клучниот човек за својот тим, постигнувајќи го првиот гол, а потоа асистирајќи му на Усман Дембеле за конечни 2-0.

Сепак, она што особено го воодушеви фудбалскиот свет се случи по последниот свиреж.

Наместо да слави на голем начин, Мбапе прво им се приближи на разочараните марокански играчи. Ги прегрна и ги тешеше своите противници кои останаа без сон за историски пласман во финалето на турнирот. Интересно е што неговите соиграчи славеа од другата страна.

Од соиграчи до ривали, француската суперѕвезда покажа класа и почит кон тимот кој се бореше одлично.

Погледнете како изгледаше сè на лице место:

Тагови: Килијан Мбапе Мароко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Куба и натаму во темнина- протести низ земјата, САД не отстапуваат од санкциите (ВИДЕО)

Протести избувнаа низ Хавана, при што жителите удираа со тенџериња, свиреа со автомобилски сирени и скандираа „вклучете ја струјата!“.

Куба и натаму во темнина- протести низ земјата, САД не отстапуваат од санкциите (ВИДЕО)

Протести избувнаа низ Хавана, при што жителите удираа со тенџериња, свиреа со автомобилски сирени и скандираа „вклучете ја струјата!“, додека милиони Кубанци останаа без струја поради шестмесечното ембарго за гориво од САД, објави Ројтерс.

Куба денеска доживеа целосен колапс на својата национална електрична мрежа, трет оваа година. Иако властите соопштија дека поголемиот дел од земјата е повторно поврзан со мрежата доцна во вторникот, многу жители сè уште беа оставени во темница и без струја бидејќи островот остана без гориво.

Државниот оператор за електрична енергија UNE соопшти дека мрежните врски се обновени од покраината Пинар дел Рио на крајниот запад на Куба до Холгин на исток. Сепак, Сантијаго де Куба, вториот по големина град на островот, остана исклучен од мрежата и без струја, соопштија властите.

Соединетите Американски Држави ги прекинаа испораките на гориво за Куба во јануари, а потоа воведоа нови санкции кои ги избркаа странските компании и предизвикаа речиси целосен колапс на туризмот, во обид да ја принудат кубанската влада на преговарачка маса.

Соединетите Американски Држави се стремат да ја соборат комунистичката влада на Куба и повикаа на демократски избори и ослободување на, како што велат, политички затвореници.

Куба и Обединетите нации велат дека санкциите на американскиот претседател Доналд Трамп го кршат меѓународното право и човековите права на жителите на островот.

Стотици исцрпени жители во населбите Хаиманитас и Санта Фе во Хавана излегоа на улиците, додека други седеа на вратите и тротоарите во текот на жешката ноќ, играјќи домино или разговарајќи со соседите додека чекаа да се врати струјата.

Многумина, навикнати на прекини на струја што траеја повеќе од 30 часа, се помирија со уште една ноќ помината борејќи се со комарци и едвај спиејќи.

„Не гледам брзо решение за овој проблем. Нашите електрани се застарени и нема гориво“, рече локалниот жител Амаури Гонзалез, кој излезе од својата куќа за да се напие свеж воздух.

Во некои делови од населбата Санта Фе, електричната енергија беше обновена кратко време по почетокот на удирањето со тенџериња, што ги натера демонстрантите брзо да се вратат во своите домови за да ја искористат можноста додека имаше струја.

Според кубанските и американските претставници, преговорите меѓу двете земји се во ќорсокак.

Амбасадорот на САД во Обединетите нации, Мајкл Валц, за време на дебатата за санкциите на САД во Генералното собрание на ОН, изјави дека кубанската влада е одговорна за недостигот на електрична енергија.

„Променете ги вашите навики и повторно вклучете ги светлата за вашиот народ“, рече тој.

Сепак, огромното мнозинство земји што учествуваа во дебатата го повикаа Вашингтон да ја укине блокадата и да ги укине санкциите што сериозно ја оштетија кубанската економија.

Тагови: куба протести

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер