СДСМ: Криминалната ВМРО-ДПМНЕ мора да разбере дека одговорност ќе има за сите вмешани во случајот со прислушување

ВМРО-ДПМНЕ шири лаги од нивниот скапоцен дворец којшто е симбол за криминал, расипништво, злоупотреби и прекршување на човекови права, реагираат од СДСМ на прес конференцијата на Димче Арсовски од ВМРО-ДПМНЕ. 

Крајно несериозно и потценувачки кон јавноста и граѓаните е ВМРО-ДПМНЕ лажно да обвинува други за прислушување. Освен тоа што ВМРО ДПМНЕ е партијата што го спроведе масовното прислушување, јавно соопштените информации од надлежните институции говорат дека и опремата за прислушување во ЈО била инсталирана во 2013 година кога оваа партија имаше апсолутна власт во државата.

Јавни признанија и сведоштва секојдневно потврдуваат дека ВМРО-ДПМНЕ ги прислушувала сите кои немале исто мислење со нив, новинари, лидери на партии. Според јавните искази, токму „8миот кат на скапоцениот дворец“ бил центар од каде бил испланиран и спроведен бруталниот напад на Собранието на 27ми април.

Мицкоски и врвот на ВМРО-ДПМНЕ остануваат посветени единствено на одбрана на криминалот на Груевски

Антизападното раководство на ВМРО-ДПМНЕ мора да разбере дека ќе има одговорност за сите кои се вклучени во случајот со прислушување на Јавното обвинителство.

Истрагата е во тек и ќе се откријат сите инволвирани во овој скандал.

Мицкоски: Народот ќе ви врати на следните претседателски избори

Народот ќе ви врати на следните избори, порача лидерот на ВМРО-ДПМНЕ Христијан Мицкоски на протестениот марш во Велес.

-Да им порачаме - Македонија е вечна, а власта не е. Повеќе од 19 месеци се централна влада во Македонија и повеќе од една година се локално раководство во најголемиот дел од градовите во Македонија. Но, за ова време има само црнила и темнина. Не ги исполнија ветувањата и не ги реализираа очекувањата, рече Мицкоски .

„Велеа живот ќе донесат, темнина и црнила донесоа и затоа овде од Велес ќе им порачам- колку побрзо заминете, толку побрзо ќе и` се раздени на Македонија, а тоа ќе го видите веќе на следните претседателски избори. Овој народ ќе ви врати на следните претседателски избори“.

Кој ќе биде амнестиран за 27 април - пратениците сеуште без финален договор

Законот за амнестија и покрај претходните најави утре нема да се најде пред пратениците.

 Текстот е подготвен но треба да го разгледаат и одобрат партиските органи и правните експерти. Од собраниската подгрупа за помирување засега нема информација кога ќе биде обелоденет целиот текст на законот.

Но од она што е познато е дека од кривичен прогон ќе бидат ослободени инволвираните во настаните од 27 април лани, но не и оние кои веќе се осудени, оние кои извршиле насилство помеѓу кои и лицата кои со фантомки влегоа во собранието, оние кои го спровеле и организирале крвавиот четврток, како и оние кои имале командна одговорност.

Целта како што велат од телото за помирување е законот да постави рамки во кои ќе се опишат дејствијата кои не можат да бидат амнестирани, а Кривичниот суд и Обвинителството да го имаат последниот збор врз основа на доказите да ценат дали законот важи за лице кое ќе се повика на амнестија.

И додека дел од експертите се на став дека со Законот за амнестија се врши упад во судската постапка која се води, амбасадорот на ЕУ во Македонија Самуел Жбогар вели дека коментар за амнестијата ќе даде откако законското решение ќе стане официјално.

Обвинителката Вилма Рускоска по последното судско рочиште за најголемиот предмет за собраниските насилства рече дека не размислува за преквалификација на кривичното дело терористичко загрозување на уставниот поредок и безбедноста, кои им се става на товар на 31 од обвинетите.

Опозициската ВМРО ДПМНЕ го чека текстот на законот, но засега нивниот став останува непроменет дека селективната правда не е правда.

Фото: Генералот Ангелов и Абедин Зимбери во Липково положија цвеќе за загинатите цивили

Ветераните од конфликтот во 2001 година во Македонија, Стојанче Ангелов и Абедин Зимбери положија цвеќе на гробовите на колатералните цивилни жртви во Липково.

И двајцата повикаа на помирување  од нивната силно емотивна средба во Липково генералот Ангелов објави запис.

Прв пат, после 17 години, собрав сила да го посетaм т.н. Кризен, кумановско-липковски регион. Местата на кои во 2001-та се одвиваа неколку жестоки битки ми ги покажа, никој друг, туку лично мојот тогашен воен непријател, командантот на воената полиција на УЧК во овој регион, Абедин Зимбери, пишува Ангелов.

Меѓу другото „верувај ми, безмалку сите Албанци во овој регион живеат тешко. Многу тешко. И не само овде. Поголемиот дел од Албанците, насекаде низ Македонија, живеат тешко“, му рекол зимбери.

За тоа, кој победи во 2001-та, никогаш нема да се согласиме, но, за тоа, кој изгуби во 2001-та, целосно сме согласни.

Во 2001-та, во Македонија, изгубија сите. Изгубија Македонците, изгубија Албанците, изгубија сите македонски граѓани, пишува меѓу другото ангелов од емотивната средба во Липково.

притисни ентер