Македонија

ЕП побара преговори со Македонија во јуни 2019 и екстрадиција на Груевски

Европските пратеници на пленарна седница вчера го усвоија извештајот на Иво Вајгл за Македонија во кој се бара почеток на преговори со Македонија во јуни 2019 и екстрадиција на Никола Груевски.

Со 470 гласови за и 116 против, резолуцијата за Македонија изгласана вчера го поздраво „засилувањето на реформските напори" во земјата како и гласањето во македонското собрание за уставните измени кои произлегуваат од Преспанскиот Договор. Европратениците оценија дека оваа спогодба претставува позитивен сигнал за помирување и стабилност во регионот.

Европскиот Парламент бара од Македонија да покаже резултати во реформскиот процес, посебно судството, борбата против корупцијата, и другите клучни закони за отворање на преговори во јуни 2019.

-Откако сите услови ќе бидат исполнети, членството на Македонија во ЕУ ќе обезбеди ветувачка иднина за оваа и следните генерации, изјави Иво Вајгл на дебатата пред гласањето.

ЕУ исто така ќе треба да ги исполни своите ветувања кон земја која предолго беше оставена во чекалната и која може да има суштински придонес за стабилноста, безбедноста и напредокот на југоисточна Европа во целост, додаде изестувачот.

Амандманите поднесени од страна на грчки европратеници во кои се бараше да биде избришана придавката „македонски" секаде во извештајот беа отфрлени од страна на мнозинството европратеници на вчерашното гласање.

Но, беа усвоени сите амандмани поврзани за азилот на експремиерот Никола Груевски во Унгарија и барањата за негова екстрадиција во Македонија, со што Европскиот Парламент официјално зазеде став дека Будимпешта не треба да му одобри азил на Груевски и дека тој чин претставува мешање во внатрешните работи на Македонија.

Амандманот поднесен од групата на Зелените гласи и дека Груевски побегнал од Македонија со "дипломатска помош од Унгарија за да избегне затворска казна" и го смета овој потег како мешање во внатрешните работи на Македонија како и „чин на презир" кон судството и владеењето на правото во земјата.

Социјалдемократите исто така поднесоа два амандмани за азилот на Груевски кои беа усвоени.

Со усвојувањето на амандманите Европскиот Парламент става на знаење дека Никола Груевски добил „транспарентен судски процес" потврден од повеќе судски инстанци и потсетува дека тој е инволвиран во дополнителни пет кривични истраги.

Социјалдемократите го поздравија гласањето на европратениците на нивниот амандман и посочија дека е во прашање кредбилитетот на Европската Унија во овој случај.

-Европскиот Парламент ја повика Унгарија да го екстрадира Никола Груевски, поранешиот македонски премиер кој избега во Унгарија откако беше осуден на затвор во Скопја за корупција и кому му беше одобрен азил од страна на унгарската влада. За Социјалдемократите ова е единствен можен начин ако ЕУ сака да остане кредибилна пред земјите кои бараат членство, ЕУ не може да има едни правило за нив, а друго за нас, соопштија Социјалдемократите по вчерашното гласање.

Усвоен е и амандманот на групата на Зелените за загрозувањето на животната средина преку одредени инфраструктурни проекти. Европскиот Парламент бара да се суспендираат проектите во Националниот парк Маврово додека не биде комплетирана „Стратешка проценка за животната средина" во целосна согласност со европското законодавство за животна средина.

Европскиот Парламент секоја година гласа резолуција за секоја од земјите кандидати за проширување, по објавувањето на извештаите на Европската Комисија за овие земји. Овие резолуции се официјалниот став на ЕП, кој Советот и Комисија го земаат предвид иако не е правно обврзувачки текст. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

И Саудиска Арабија почна да произведува автомобили- го претставија својот прв електричен модел (ФОТО)

Саудиска Арабија влегува во автомобилската индустрија со сопствен бренд Ceer, проширувајќи ја економијата надвор од нафтениот сектор.

Престолонаследникот Мохамед бин Салман ги претстави првите два модели, седан и теренец од серијата Exobot, кои ќе се произведуваат во Кралството.

Првично, Ceer ќе понуди два електрични модели со високи перформанси. Футуристичка лимузина и голем SUV наречен Exobot ќе го претставуваат врвот на гамата. И двата модели имаат електричен погон, а во најмоќната верзија развиваат и до 850 коњски сили.

Перформанси и дизајн

Платформата на моделот Exobot користи технологија на напон од 800 волти и до три електрични мотори. Лимузина со максимална моќност од 850 КС би требало да забрза од 0 до 100 km/h за 2,6 секунди, додека на теренецот му се потребни 2,9 секунди за истото забрзување, според производителот.

Производителот наведува автономија до 670 километри за седанот и до 560 километри за теренецот. Овие вредности се пресметуваат според стариот NEDC циклус и не се директно споредливи со европскиот стандард WLTP. Полнењето на батеријата од 10 до 80 проценти капацитет треба да трае помалку од 30 минути.

Дизајнот исто така треба да привлече внимание. Седанот има врати на Шахин Винг што се отвораат нагоре, шофершајбна од 2,4 метри и делумно застаклени врати. Во внатрешноста на теренецот, во целиот кокпит доминира 48-инчен 8K екран, а класичните надворешни ретровизори се заменети со камери.

Технологија и производство

Проектот не започнува од нула. Компанијата Ceer е основана во 2022 година како заеднички проект на саудискиот државен инвестициски фонд PIF и тајванскиот електронски гигант Foxconn. Ceer, исто така, купи лиценци за користење на компоненти на BMW. И покрај тоа, автомобилите ќе се развиваат и произведуваат во Саудиска Арабија, каде што се гради голем фабрички комплекс.

Проектот е дел од стратегијата „Визија 2030“, со која Кралството сака да ја диверзифицира својата економија и да ја намали зависноста од нафта.

Седум модели за пет години

Серијата Exobot го означува само почетокот. Планот е да се развијат седум модели во следните пет години. По седаните и теренците, ќе следат помали возила со различни типови на погони. Првите модели на Exobot треба да се појават на пазарот во 2027. Засега Ceer се фокусира на Саудиска Арабија и регионот, а неговото доаѓање на европскиот пазар се уште не е најавено.

Тагови: електричен модел Саудиска Арабија

Балкан

Скандал во Албанија: Директорка на разузнувачката служба под истрага, му помагала во бегство на бизнисмен

Специјалното обвинителство за борба против корупцијата и организираниот криминал на Албанија (СПАК) побара куќен притвор за Влора Хисени, директорката на Албанската државна разузнавачка служба (ШИШ).

Откако Специјалното обвинителство за борба против корупцијата и организираниот криминал на Албанија (СПАК) побара куќен притвор за Влора Хисени, директорката на Албанската државна разузнавачка служба (ШИШ), која исто така беше суспендирана од должност, откриени се нови детали за акцијата спроведена во рамките на истрагата за случајот „АКШИ“.

За потсетување, Хисени е, според наводите во истрагата, осомничена за помагање и поттикнување на сторителот на кривично дело и откривање истражни тајни. ЃККО, или Специјалниот суд за корупција и организиран криминал на Албанија, на барање на СПАК, ѝ одреди куќен притвор и суспензија од должност. Сепак, истото не можеше да се спроведе бидејќи Хисени наводно не е во земјата, туку во Азербејџан.

Во исто време, беа извршени претреси, меѓу другото, и во домот на поранешниот директор на албанската полиција, Илир Прода.

Хисени се споменува во овој случај во рамките на пошироката истрага за случајот AKSHI, или Националната агенција за информатичко општество на Албанија, чии јавни набавки и тендери се предмет на истрага на СПАК. Случајот истражува сомневања за манипулација со тендери, повреда на рамноправноста на учесниците во јавните набавки, корупција, перење пари и други кривични дела.

Според албанските медиуми, Хисени е осомничена дека му помогнала на Ергис Агаши, бизнисмен и еден од клучните осомничени во случајот AKSHI, додека бил во бегство.

Агаши е баран од СПАК од декември 2025 година, а беше уапсен на 26 август 2026 година во Драч. СПАК го истражува поради сомнение за нелегална конкуренција со употреба на насилство, незаконско лишување од слобода, повреда на рамноправноста на учесниците во јавните тендери, дејствување во рамките на структурирана криминална група, перење пари и активна корупција на јавни службеници.

Фатјон Каључи, раководител на Полициската научна лабораторија, и Ембро Сулејмани, администратор на агротуризмот „Кодра е Куајве“ во Драч, исто така беа уапсени во рамките на денешната операција.

Според извештаите на медиумите, Сулејмани работел како администратор во ресторан во владин комплекс и е осомничен дека ги избришал снимките од безбедносните камери по апсењето на Агаси за да ги скрие доказите за неговото присуство во просториите.

„Обвинителите побараа притвор за Фатјон Каључи, раководител на Полициската научна лабораторија, и Ембро Сулејмани, сопственик на бизнис во Драч, за кој се верува дека работел во ресторан во владин комплекс и е осомничен дека ги избришал снимките од безбедносните камери во времето на апсењето на Ергис Агаши за да ги скрие доказите за присуството на Агаши во просториите. Претресите продолжуваат на неколку локации и бизниси во Драч“, рече таа.

Тагови: Албанија бизнисмен

Метео

Времето ведро и постудено со температури до 24 степени, дожд во петок

Утрото ќе биде ведро и постудено, а во текот на денот времето ќе биде сончево со мала до умерена локална облачност, информираат од УХМР.

КОЛИЧИНА НА ВРНЕЖИ за изминатите 24 часа во (l/m2)

1 Битола.

Забелешка: Дадените вредности за количината на врнежи се измерени на дождомерните места на УХМР. Поради локалноста на процесите, паднатата количина воден талог многу варира и на различни места може да е многу поголема од измерената.

МАКСИМАЛНА ТЕМПЕРАТУРА

7 Попова Шапка, 13 Крушево, 15 Маврови Анови, 17 Претор, Берово, 18 Прилеп, 19 Тетово, Крива Паланка, Битола, 20 Виница, 21 Скопје Петровец, Охрид, Штип, 22 Велес, 23 Зајчев Рид, Кавадарци, 24 Струмица, Демир Капија, 25 Гевгелија.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес беше променливо облачно со сончеви преиоди. Во југозападните делови имаше слаби врнежи од дожд. Дуваше умерен до засилен северен ветер. До крајот на денот ќе биде стабилно со мала до умерена локална облачност. Услови за слаб дожд ќе има во западните и јужните делови на Македонија.

ВРЕМЕТО УТРЕ

Утрото ќе биде ведро и постудено, а во текот на денот времето ќе биде сончево со мала до умерена локална облачност. Ќе дува слаб до умерен ветер од северен правец, кој наместа долж Повардарието повремено ќе засилува. Минималната температура ќе биде во интервал од 4 до 12, а максималната ќе достигне од 16 до 24 степена.

Во Скопје, сончево со мала до умерена локална облачност. Ќе дува умерен до засилен ветер од северен правец.Минималната температура ќе се спушти до 13, а максималната ќе достигне до 31 степен.

ВРЕМЕТО ВО НАРЕДНИТЕ ДЕНОВИ

Утре и во четврток ќе преовладува стабилно време со свежи утра. Во петок се очекуваат врнежи од дожд кои наместа ќе бидат пообилни. Потоа следува период на стабилно време со пониски утрински температури.